ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଜଣାଇଲେ ଆଫଗାନି ଅଭିନେତ୍ରୀ ମଲିଶା, ଏହା ହେଉଛି କାରଣ

ତାଲିବାନ ଦଖଲ ପରେ ଆଫଗାନିସ୍ତାନର ସ୍ଥିତି ଦିନକୁ ଦିନ ଖରାପ ହେବାରେ ଲାଗିଛି। ଲୋକମାନେ ସ୍ଥାନାନ୍ତର ହେବାକୁ ବାଧ୍ୟ ହେଉଛନ୍ତି । ଏହିପରି ଆଫଗାନିସ୍ତାନ ଅଭିନେତ୍ରୀ ମଲିଶା ହେନା ଖାନ ନିଜ ଉପରେ ବିତିଥିବା ଘଟଣା ବିଷୟରେ ବର୍ଣ୍ଣନା କରିଛନ୍ତି ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ ଦେଇଛନ୍ତି।

ମଲିଶା କହିଛନ୍ତି, ଆଫଗାନିସ୍ତାନରେ ତାଙ୍କ ପରିବାରର ୪ ଜଣଙ୍କୁ ହତ୍ୟା କରାଯାଇଛି । ମୃତକଙ୍କ ମଧ୍ୟରେ ମଲିଶାଙ୍କ ଚାଚା ମଧ୍ୟ ଥିଲେ ଯିଏକି ଆଫଗାନିସ୍ତାନ ସରକାରଙ୍କ ପରିବହନ ମନ୍ତ୍ରଣାଳୟରେ କାମ କରୁଥିଲେ । ଏହା ସହିତ ମଲିଶା ହିନା ଖାନଙ୍କ ଦୁଇ କଜନ୍‌ଙ୍କୁ ମଧ୍ୟ ହତ୍ୟା କରାଯାଇଛି। ଅଭିନେତ୍ରୀ କହିଛନ୍ତି, ତାଙ୍କ ପରିବାର ସଦସ୍ୟ କାରରେ ଯାଉଥିଲେ ସେହି ସମୟରେ ତାଲିବାନଙ୍କ ଗୁଳି ବିନିମୟରେ ବିସ୍ଫୋରଣ ହୋଇଥିଲା । ମଲିଶା ଟ୍ୱିଟ କରି ଲେଖିଛନ୍ତି, ‘ମୁଁ ବହୁତ ଭାଗ୍ୟଶାଳୀ କି ମୁଁ ଭାରତରେ ରହୁଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ।’

ମଲିଶା ହିନା ଖାନଙ୍କ ପରିବାରର ୫-୬ ଲୋକ ଏବେ ବି ଆଫଗାନିସ୍ତାନରେ ଫସି ରହିଛନ୍ତି, ଯେଉଁମାନେ ତାଲିବାନରୁ ସେମାନଙ୍କ ଜୀବନ ରକ୍ଷା କରିବା ପରେ ସେଠାରେ କୌଣସି ପ୍ରକାରେ ଲୁଚି ରହିଛନ୍ତି। ୨୦୧୮ ରେ ମଲିଶା ହେନା ଖାନ ଚର୍ଚ୍ଚାରେ ରହିଥିଲେ ଯେତେବେଳେ ପାକିସ୍ତାନୀ ଗାୟକ ରାବି ପିରଜାଦାଙ୍କୁ ସମର୍ଥନ କରିଥିଲେ, ଯାହାଙ୍କର ବ୍ୟକ୍ତିଗତ ନଗ୍ନ ଫଟୋ ଏବଂ ଭିଡିଓ ଲିକ ହୋଇଥିଲା। ମଲିଶା ହେନା ଖାନ ମଧ୍ୟ ତାଙ୍କର ନଗ୍ନ ଭିଡିଓ ପୋଷ୍ଟ କରି ରାବି ପିରଜାଦାଙ୍କ ସମର୍ଥନରେ ସ୍ୱର ଉତ୍ତୋଳନ କରିଥିଲେ। ବର୍ତ୍ତମାନ ମଲିଶା ହେନା ଖାନ ତାଙ୍କ ପରିବାର ବିଷୟରେ ଏହି ଯନ୍ତ୍ରଣାଦାୟକ ଖବର ସେୟାର କରିଛନ୍ତି। ସେ ଲେଖିଛନ୍ତି ଯେ ଭାରତ ବିଶ୍ୱର ଅନେକ ଦେଶ ଅପେକ୍ଷା ଏକ ସୁରକ୍ଷିତ ଦେଶ ।