2025ରେ, ଫୋନପେ ରେଜିଷ୍ଟର ୟୁଜରଙ୍କ ସଂଖ୍ୟା 600 ମିଲିୟନ ଅତିକ୍ରମ କରିଛି

ଫୋନପେ ନିକଟରେ ଭାରତର ଫିନଟେକ ଇକୋସିଷ୍ଟମରେ 10 ବର୍ଷ ପୂରଣ କରିଛି ଏବଂ ନବସୃଜନର ଏହି ଦଶକକୁ ଉତ୍ସବର ସହ ପାଳନ କରୁଛି। ଏହି ମାଇଲଖୁଣ୍ଟ ପ୍ରଗତିକୁ ଆଗେଇ ନେବା ସହ ଲକ୍ଷ ଲକ୍ଷ ଲୋକଙ୍କ ପାଖରେ ଆର୍ଥିକ ସେବା ପହଞ୍ଚାଇବାର ଏକ ଦଶକକୁ ଦର୍ଶାଉଛି, ଯାହା ଭାରତରେ ଟ୍ରାଞ୍ଜାକସନ ଏବଂ ଅର୍ଥ ପରିଚାଳନା କରିବାର ଶୈଳୀକୁ ସମ୍ପୂର୍ଣ୍ଣ ରୂପେ ବଦଳାଇ ଦେଇଛି।

2025 ବର୍ଷରେ, ଫୋନପେ 600 ମିଲିୟନ ରେଜିଷ୍ଟର କରିଥିବା ୟୁଜରଙ୍କ ସଂଖ୍ୟା ଅତିକ୍ରମ କରି ଏକ ଐତିହାସିକ ସଫଳତା ହାସଲ କରିଥିଲା, ଯାହା ଭାରତର ଡିଜିଟାଲ ଅର୍ଥନୀତିର ମୂଳଦୁଆ ଭାବରେ ଏହାର ଭୂମିକାକୁ ଆହୁରି ମଜଭୁତ କରିଛି। ଏହି ବର୍ଷ ୟୁଜରଙ୍କ ବିଶ୍ୱାସ ଜିତିବା ଏବଂ UPI ସର୍କଲ ଭଳି ଫିଚର ଜରିଆରେ ସେବାକୁ ଅଧିକ ସହଜ କରିବା ଉପରେ ଗୁରୁତ୍ୱ ଦିଆଯାଇଥିଲା। UPI ସର୍କଲ ବିଶ୍ୱସ୍ତ ସମ୍ପର୍କୀୟଙ୍କ ପାଇଁ ପେମେଣ୍ଟ କରିବାର ସୁବିଧା ଦେଇଥାଏ। ଏହା ସହିତ ଫୋନପେ ପ୍ରୋଟେକ୍ଟ ମଧ୍ୟ ଆରମ୍ଭ କରାଯାଇଥିଲା, ଯାହାକି ଏକ ସୁରକ୍ଷା ଫ୍ରେମୱର୍କ ଏବଂ ଏହା ଲକ୍ଷ ଲକ୍ଷ ଲୋକଙ୍କୁ ଜାଲିଆତି ଟ୍ରାଞ୍ଜାକସନରୁ ସୁରକ୍ଷିତ ରଖିବା ପାଇଁ ପ୍ରସ୍ତୁତ କରାଯାଇଛି।

ମର୍ଚାଣ୍ଟ ଇକୋସିଷ୍ଟମକୁ ଆହୁରି ସଶକ୍ତ କରିବା ପାଇଁ, ଫୋନପେ ମେଡ-ଇନ-ଇଣ୍ଡିଆ ସ୍ମାର୍ଟସ୍ପିକର ଏବଂ ସ୍ମାର୍ଟପୋଡ ଆରମ୍ଭ କରିଥିଲା, ଯାହା ସାରା ଦେଶର ମର୍ଚାଣ୍ଟମାନଙ୍କ ପାଇଁ ଆର୍ଥିକ ଅନ୍ତର୍ଭୁକ୍ତୀକରଣକୁ ଆଗେଇ ନେଇଛି। SIDBI ସହ ସହଭାଗିତାରେ କମ୍ପାନୀ ଏହାର ଉଦ୍ୟମ ଆସିଷ୍ଟ କାର୍ଯ୍ୟକ୍ରମ ଜରିଆରେ MSME ପାଇଁ ଡିଜିଟାଲ-ଫାଷ୍ଟ ଇଣ୍ଟିଗ୍ରେସନ ପ୍ରଦାନ କରିବାରେ ଅନ୍ୟତମ ଅଗ୍ରଣୀ ସଂସ୍ଥା ପାଲଟିଛି, ଯାହା ସେମାନଙ୍କୁ ସହଜରେ ଆନୁଷ୍ଠାନିକ ଋଣ ପାଇବାରେ ସାହାଯ୍ୟ କରୁଛି। ଏହା ବ୍ୟତୀତ, ଫୋନପେ ଭାରତର “ମିସିଂ ମିଡିଲ” ବର୍ଗ ପାଇଁ ସୁଲଭ ତଥା ଅତ୍ୟାବଶ୍ୟକ ସୁରକ୍ଷା ଯେପରିକି ହୋମ ଇନସ୍ଯୁରାନ୍ସ ଏବଂ ହେଲଥ ଇନସ୍ଯୁରାନ୍ସ ଆରମ୍ଭ କରି ଗ୍ରାହକଙ୍କ ପାଇଁ ଏହାର ଉତ୍ପାଦ ସେବାକୁ ବ୍ୟାପକ କରିଛି। ଏଥିସହ ମ୍ୟୁଚୁଆଲ ଫଣ୍ଡ ବଦଳରେ ଲୋନ ଭଳି ଅଭିନବ ଲେଣ୍ଡିଂ ସଲ୍ଯୁସନ ଜରିଆରେ ନଗଦ ଅର୍ଥର ଆବଶ୍ୟକତା ପୂରଣ କରି ଲକ୍ଷ ଲକ୍ଷ ଲୋକଙ୍କ ପାଖରେ ଗୁରୁତ୍ୱପୂର୍ଣ୍ଣ ଆର୍ଥିକ ସେବା ପହଞ୍ଚାଇ ପାରିଛି।

ଏହି ଯାତ୍ରା ଉପରେ ନିଜର ମତ ରଖି, ଫୋନପେର ପ୍ରତିଷ୍ଠାତା ଏବଂ ସିଇଓ ସମୀର ନିଗମ କହିଛନ୍ତି, “ଆମର ଦଶ ବର୍ଷର ଯାତ୍ରାର ସବୁଠାରୁ ରୋମାଞ୍ଚକର ବିଷୟ ହେଉଛି ଯେ, ଆମେ ଅନେକ ବାଟ ଆଗେଇ ଆସିଥିଲେ ମଧ୍ୟ ସଫଳତାର ଶିଖର ଏବେ ବି ଦୃଶ୍ୟମାନ ହେଉନାହିଁ। ଏହାର ଉଚ୍ଚତା କିମ୍ବା ବ୍ୟାପକତା କେତେ ହେବ ତାହା ଆମକୁ ଜଣାନାହିଁ, ଆଉ ଏହା ହିଁ ଆମ ପାଇଁ ସବୁଠାରୁ ଉତ୍ସାହର ବିଷୟ। ହଜାର ହଜାର ଉତ୍ସାହୀ ଏବଂ ଲକ୍ଷ୍ୟ ପ୍ରତି ସମର୍ପିତ ସହଯୋଗୀ ପ୍ରତିଦିନ ନିଜ କାର୍ଯ୍ୟରେ ଶ୍ରେଷ୍ଠତା ହାସଲ ପାଇଁ ଉଦ୍ୟମ କରୁଛନ୍ତି, ଯାହା ଏହି ଯାତ୍ରାକୁ ସର୍ବଦା ଅର୍ଥପୂର୍ଣ୍ଣ ଏବଂ ଶକ୍ତିଦାୟକ କରି ରଖିଛି।”

ଫୋନପେର ପ୍ରତିଷ୍ଠାତା ଏବଂ ସିଟିଓ ରାହୁଲ ଚାରୀ ଏଥିରେ ଯୋଗ କରି କହିଛନ୍ତି, “ଫୋନପେରେ ଆମେ ଯାହା ଗଢିଛୁ, ସେଥିପାଇଁ ଆମେ ଅତ୍ୟନ୍ତ ଗର୍ବିତ। ଶିଳ୍ପ ଜଗତ ଏବଂ ବ୍ୟାପକ ଇକୋସିଷ୍ଟମରୁ ମିଳିଥିବା ସଦ୍ଭାବନା ଏବଂ ସମର୍ଥନ ଆମକୁ ଅଭିଭୂତ କରିଛି। ଯଦି ଏହି ଯାତ୍ରାରୁ ଆମେ ଗୋଟିଏ ଗୁରୁତ୍ୱପୂର୍ଣ୍ଣ ଶିକ୍ଷା ପାଇଛୁ, ତେବେ ତାହା ହେଉଛି – ଏପରି କିଛି ନିର୍ମାଣ କରିବା ଯାହା ଉପରେ ଲୋକମାନେ ପ୍ରକୃତରେ ଭରସା କରନ୍ତି, କାରଣ ଆବେଗ ହିଁ ଏକ ଚିନ୍ତାଧାରାକୁ ବାସ୍ତବ ପ୍ରଭାବରେ ପରିଣତ କରିଥାଏ।”

ଆରମ୍ଭରୁ ହିଁ, ଫୋନପେ କ୍ରମାଗତ ଭାବରେ ଆର୍ଥିକ ସେବାକୁ ସମସ୍ତଙ୍କ ପାଖରେ ପହଞ୍ଚାଇବା ଲକ୍ଷ୍ୟରେ ଅନେକ ଶିଳ୍ପ-ପ୍ରଥମ ନବସୃଜନ ଜରିଆରେ ଭାରତୀୟ ଫିନଟେକ କ୍ଷେତ୍ରକୁ ଏକ ନୂଆ ରୂପ ଦେଇଛି। ଡିଜିଟାଲ ଗୋଲ୍ଡ ଏବଂ ମ୍ୟୁଚୁଆଲ ଫଣ୍ଡ ଠାରୁ ଆରମ୍ଭ କରି ଇନସ୍ଯୁରାନ୍ସ ଏବଂ ଷ୍ଟକ ବ୍ରୋକିଂକୁ ସାଧାରଣ ଜନତାଙ୍କ ପାଖରେ ପହଞ୍ଚାଇବା ପର୍ଯ୍ୟନ୍ତ, କମ୍ପାନୀ ଏକ ପେମେଣ୍ଟ ଆପ୍‌ରୁ ଏକ ବ୍ୟାପକ ଆର୍ଥିକ ଇକୋସିଷ୍ଟମରେ ପରିଣତ ହୋଇଛି। ଏହାର ପ୍ରମୁଖ ସଫଳତାଗୁଡ଼ିକ ମଧ୍ୟରେ ରହିଛି ଫୋନପେ ବିଜନେସ ଆପର ଶୁଭାରମ୍ଭ, ଯାହା ମର୍ଚାଣ୍ଟମାନଙ୍କୁ ସେମାନଙ୍କ ପେମେଣ୍ଟ ଉପରେ ସ୍ପଷ୍ଟତା ଏବଂ ନିୟନ୍ତ୍ରଣ ପ୍ରଦାନ କରିଥାଏ। ଏହା ସହିତ କ୍ଷୁଦ୍ର ବ୍ୟବସାୟକୁ ସଶକ୍ତ କରିବା ପାଇଁ ମର୍ଚାଣ୍ଟ ଲେଣ୍ଡିଂ, ଲୋନ ସୁବିଧାକୁ ସହଜ କରିବା ପାଇଁ UPIରେ କ୍ରେଡିଟ ଲାଇନ, ବିନା ବାଧାରେ ଟ୍ରାଞ୍ଜାକସନ ପାଇଁ କ୍ରସ-ବର୍ଡର UPI ଏବଂ UPI Liteର ପ୍ରଚଳନ ଏବଂ 2024 ରେ ଇଣ୍ଡସ ଆପଷ୍ଟୋର, ଶେୟାର.ମାର୍କେଟ ଏବଂ ସିକ୍ଯୋର୍ଡ ଲେଣ୍ଡିଂ ପ୍ଲାଟଫର୍ମର ଶୁଭାରମ୍ଭ ଅନ୍ତର୍ଭୁକ୍ତ। 2022 ରେ ଭାରତକୁ ନିଜର ମୁଖ୍ୟାଳୟ ସ୍ଥାନାନ୍ତର କରି ଏବଂ କ୍ରେଡିଟ ତଥା ୱେଲଥ ମ୍ୟାନେଜମେଣ୍ଟ କ୍ଷେତ୍ରରେ କ୍ରମାଗତ ସମ୍ପ୍ରସାରଣ କରି, ଫୋନପେ କେବଳ ଏକ ସାଧାରଣ ସେବା ପ୍ରଦାନକାରୀ ହୋଇ ରହିନାହିଁ ବରଂ ଭାରତର ଆର୍ଥିକ ବ୍ୟବସ୍ଥାର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଛି। ଏହା ସୁନିଶ୍ଚିତ କରୁଛି ଯେ ସୁରକ୍ଷା, ବିନିଯୋଗ ଏବଂ ଋଣ ଉପରେ ଦେଶର ପ୍ରତ୍ୟେକ ନାଗରିକଙ୍କର ଅଧିକାର ରହିଛି।