ସ୍କିନରେ ଚମକ ଆଣିବା ପାଇଁ ସପ୍ତାହକୁ ଥରେ ବ୍ୟବହାର କରନ୍ତୁ କଫି ଫେସପ୍ୟାକ

ସାଧାରଣତଃ କଫି ପିଇବାକୁ ସମସ୍ତେ ପସନ୍ଦ କରନ୍ତି । କାହିଁକି ନା ସକାଳୁ ଉଠିବା ମାତ୍ରେ କଫି ବା ଚା ପିଇବା ଦ୍ବାରା ସତେଜ ଲାଗେ। ଏହାକୁ କେବଳ ପିଇବା ହିଁ ନୁହେଁ ବରଂ ଏହା ଆପଣ ତ୍ୱଚାରେ ଲଗାଇ ପାରିବେ । ଯାହା ଦ୍ବାରା ଆପଣଙ୍କୁ ମଧ୍ୟ ସତେଜ ଲାଗିବ । ହଁ, କଫି ଆମ ମୁହଁରେ ଚମକ ଆଣିଥାଏ ।ଅନେକ ଉପାୟରେ ଆପଣଙ୍କ ଶରୀରରେ ଏବଂ ମୁହଁରେ କଫି ଲଗାଇବା ଦ୍ବାରା ଆପଣ ନିଜକୁ ସୁନ୍ଦର କରିପାରିବେ । ଆଜି ଆମେ ଆପଣଙ୍କୁ କହିବୁ କିପରି ଆପଣ ଏହାକୁ ନିଜ ତ୍ବଚାରେ ବ୍ୟବହାର କରିପାରିବେ ।

କଫିରେ ଫେସ୍ ପ୍ୟାକ୍ ତିଆରି କରିବାକୁ, ସର୍ବପ୍ରଥମେ ତିନିରୁ ଚାରି ଚାମଚ କଫି ନିଅନ୍ତୁ । ସେଥିରେ ଏକ ଚାମଚ ନଡ଼ିଆ ତେଲ, ଗୋଲାପ ଜଳ ଏବଂ ମହୁ ମିଶାନ୍ତୁ । ଏସବୁକୁ ଏକାଠି ମିଶାଇ ମୁହଁକୁ ସଫା କରି ୨୫ ମିନିଟ୍ ପାଇଁ ରଖନ୍ତୁ । ଏହା ଶୁଖିବା ପରେ ଥଣ୍ଡା ପାଣିରେ ଧୁଅନ୍ତୁ । ଏହା ବାର ବାର ଲଗାଇବା ଦ୍ବାରା ଆପଣଙ୍କ ତ୍ବଚାର ଚମକାଇବ ସହ ପିମ୍ପଲ୍ ମଧ୍ୟ ଦୂର କରିଥାଏ ।

୧-ଏହି ପ୍ୟାକ୍ କେବଳ ଚେହେରାରେ ଚମକ ଆଣି ନଥାଏ ବରଂ ପିମ୍ପଲ୍ ସମସ୍ୟାକୁ ମଧ୍ୟ ଦୂର କରିଥାଏ । ଏହା ସହ ନଜକୁ ସତେଜତା ଅନୁଭବ କରିବେ । କେବଳ ଏତିକି ନୁହେଁ, ଏହି ପ୍ୟାକ୍ ସହିତ ଆପଣଙ୍କ ଚର୍ମରୁ ମୃତ ଚର୍ମକୁ ମଧ୍ୟ ସଫା କରିଥାଏ ।

୨-ଯେଉଁମାନଙ୍କର ଅତ୍ୟଧିକ ତେଲିଆ କିମ୍ବା ଶୁଖିଲା ତ୍ବଚା ଅଛି । ସେମାନେ ମଧ୍ୟ ଏହି ପ୍ୟାକ୍ ପ୍ରତିଦିନ ଲଗାଇବା ଉଚିତ୍ । ଏହା ନିଶ୍ଚିତ ଭାବରେ ଆପଣଙ୍କୁ ସାହାଯ୍ୟ କରିବ ।

୩-ଏହା ବ୍ୟତୀତ ଡାର୍କ ସର୍କଲ ଗୁଡିକ ଦୂର କରିବାରେ ଏହା ସାହାଯ୍ୟ କରେ । ଏହି ପ୍ୟାକ୍ ର ନିୟମିତ ବ୍ୟବହାର କରିବା ଦ୍ବାରା ଆପଣଙ୍କ ଚେହେରା ସଫା ରହିବ । ସପ୍ତାହରେ ଥରେ ଏହି କଫି ପ୍ୟାକ୍ ବ୍ୟବହାର କରନ୍ତୁ ।