ରାତିରେ ଏହିସବୁ ଖାଦ୍ୟ ଖାଇବା ଠାରୁ ରୁହନ୍ତୁ ଦୂରେଇ, ହୋଇପାରେ କ୍ଷତିକାରକ

ଯେପରି ସକାଳେ ଖାଲି ପେଟରେ କିଛି ସୁସ୍ଥ ଖାଦ୍ୟ ଖାଇବାକୁ ପରାମର୍ଶ ଦିଆଯାଇଥାଏ ସେହିଭଳି ରାତିରେ ମଧ୍ୟ ଖାଦ୍ୟରେ ସୁସ୍ଥ ଖାଦ୍ୟ ସାମିଲ କରିବା ଉଚିତ । ଯଦି ଆମେ ରାତିରେ ସୁସ୍ଥ ଖାଦ୍ୟ ଖାଉ ତେବେ ଏହା ଆମ ହଜମ ପ୍ରକ୍ରିୟାକୁ ଠିକ୍ ରଖିଥାଏ । ଯଦି ଆମେ ରାତିରେ ସୁସ୍ଥ ଖାଦ୍ୟ ନଖାଇବା ଏହା ଆମ ହଜମ ପ୍ରକ୍ରିୟାକୁ ପ୍ରଭାବିତ କରିଥାଏ । ସେହିଭଳି ରାତିରେ ଅସ୍ୱାସ୍ଥ୍ୟକର କିମ୍ବା ହେଭି ଖାଇବା ଯୋଗୁଁ ନିଦ୍ରାହୀନତା, କୋଷ୍ଠକାଠିନ୍ୟ, ଅମ୍ଳ ଆଦି ସମସ୍ୟା ଦେଖାଦେଇପାରେ । ଏଥିପାଇଁ ରାତିରେ କିଛି ଖାଦ୍ୟ ଖାଇବା ଉଚିତ ନୁହେଁ । ତେବେ ଆସନ୍ତୁ ଜାଣିବା ରାତିରେ କେଉଁ ଖାଦ୍ୟ ଖାଇବା ଉଚିତ ନୁହେଁ ।

ହେଭି ଖାଦ୍ୟ :

ରାତିରେ ହେଭି ଖାଦ୍ୟ ଖାଇବା ଠାରୁ ଦୂରେଇ ରୁହନ୍ତୁ । ହେଭି ଖାଦ୍ୟ ଖାଇବା ଦ୍ୱାରା ପେଟରେ ସମସ୍ୟା ହୋଇଥାଏ । ଏହା ଅମ୍ଳ, ପେଟ ଯନ୍ତ୍ରଣା ଭଳି ସମସ୍ୟା ସୃଷ୍ଟି କରିପାରେ । ଫଳରେ ଆପଣ ରାତିରେ ପନିରରେ ତିଆରି ଜିନିଷ, ବର୍ଗର, ପିଜ୍ଜା ଆଦି ଠାରୁ ଦୂରେଇ ରହିବା ଉଚିତ । କାରଣ ଏହି ଖାଦ୍ୟ ହଜମ ହେବାକୁ ସମୟ ନେଇଥାଏ । ଏହାଦ୍ବାରା ଆପଣଙ୍କ ପାଇଁ ସମସ୍ୟା ସୃଷ୍ଟି ହୋଇପାରେ ।

ମଦ :

ଏମିତିରେ ଅଧିକାଂଶ ଲୋକ କେବଳ ରାତିରେ ମଦ୍ୟପାନ କରିଥାନ୍ତି । କିନ୍ତୁ ମଦ୍ୟପାନ କରିବା ସ୍ୱାସ୍ଥ୍ୟ ପାଇଁ କ୍ଷତିକାରକ ଅଟେ । ମଦ୍ୟପାନ ନିଦକୁ ପ୍ରଭାବିତ କରିଥାଏ । ତେଣୁ ରାତିରେ ମଦ୍ୟପାନ କରିବ ଉଚିତ ନୁହେଁ ।

ମସଲାଯୁକ୍ତ ଖାଦ୍ୟ :

ରାତି ସମୟରେ ମସଲାଯୁକ୍ତ ଖାଦ୍ୟ ଖାଇବାଠାରୁ ଦୂରେଇ ରୁହନ୍ତୁ । ମସଲାଯୁକ୍ତ ଖାଦ୍ୟ ନିଦ ଏବଂ ହଜମ ପ୍ରକ୍ରିୟାକୁ ପ୍ରଭାବିତ କରିପାରେ । ତେଣୁ ରାତି ସମୟରେ କମ୍ ମସଲାଯୁକ୍ତ ଖାଦ୍ୟ ଖାଇବା ଉଚିତ ।

ଅମ୍ଳ କରାଉଥିବା ଖାଦ୍ୟ :

ଯେଉଁ ଖାଦ୍ୟ ଅମ୍ଳ ସୃଷ୍ଟି କରିଥାଏ ତାହାକୁ ରାତିରେ ଖାଇବା ଅନୁଚିତ । କାରଣ ରାତିରେ ଏପରି ଖାଦ୍ୟ ପଦାର୍ଥ ହଜମ କରିବା କଷ୍ଟକର ହୋଇଥାଏ । ଯେଉଁଥିରେ ଅଧିକ ଫାଇବର ଥାଏ ତାହା ଆମ୍ଲର କାରଣ ହୋଇପାରେ । ଏଥିପାଇଁ ରାତିରେ ଶୁଖିଲା ଫଳ, ବିନ୍, ବ୍ରୋକଲି, ଫୁଲକୋବି, ସ୍ପ୍ରାଉଟସ ଭଳି ଖାଦ୍ୟ ଖାଇବାଠାରୁ ଦୂରେଇ ରହିବା ଉଚିତ ।