କ୍ଷୀର ସହ ଭୁଲରେ ଖାଆନ୍ତୁ ନାହିଁ ଏହି ଖାଦ୍ୟ, ସ୍ୱାସ୍ଥ୍ୟ ପାଇଁ ହୋଇପାରେ ହାନିକାରକ

ସ୍ୱାସ୍ଥ୍ୟ ପାଇଁ କ୍ଷୀର ବହୁତ ଲାଭଦାୟକ ହୋଇଥାଏ। ପ୍ରତିଦିନ ଏକ ଗ୍ଲାସ୍ କ୍ଷୀର ପିଇବା ଦ୍ୱାରା କେବଳ ହାଡ ମଜବୁତ ହୋଇନଥାଏ ବରଂ ଆପଣଙ୍କୁ ଅନେକ ରୋଗରୁ ରକ୍ଷା କରିଥାଏ। କ୍ଷୀରରେ ପ୍ରୋଟିନ୍, ଫ୍ୟାଟ୍, କ୍ୟାଲୋରୀ, କ୍ୟାଲସିୟମ୍, ଭିଟାମିନ୍ ଡି, ବି-୨, ବି -୧୨, ପୋଟାସିୟମ୍, ଫସଫରସ୍ ଏବଂ ସେଲେନିୟମ୍ ପରି ପୋଷକ ତତ୍ତ୍ୱ ଆପଣଙ୍କୁ ସୁସ୍ଥ ରଖିବାରେ ସାହାଯ୍ୟ କରିଥାଏ।

ଆୟୁର୍ବେଦରେ ମଧ୍ୟ କ୍ଷୀରକୁ ଏକ ଗୁରୁତ୍ୱପୂର୍ଣ୍ଣ ଜିନିଷ ଭାବରେ ବିବେଚନା କରାଯାଏ। ଆୟୁର୍ବେଦ ଅନୁଯାୟୀ, ଯେକୌଣସି ବୟସର ବ୍ୟକ୍ତି ହୁଅନ୍ତୁ କିମ୍ବା ପିଲା, ପ୍ରତିଦିନ ଏକ ଗ୍ଲାସ କ୍ଷୀର ପିଇବା ଆବଶ୍ୟକ। କିନ୍ତୁ ଆପଣ ହୁଏତ ଜାଣିନଥିବେ ଏପରି କିଛି ଖାଦ୍ୟ ଅଛି, ଯାହା ଆଦୌ କ୍ଷୀର ସହିତ ଖାଇବା ଉଚିତ୍ ନୁହେଁ। ଆମର ଦୈନନ୍ଦିନ ଜୀବନରେ ଆମେ କ୍ଷୀର ସହିତ କିଛି ନା କିଛି ଜିନିଷ ଖାଇଥାଉ। ଯାହା ସମଗ୍ର ଶରୀର ଉପରେ ଖରାପ ପ୍ରଭାବ ପକାଇଥାଏ। ଅନେକ ଲୋକଙ୍କୁ ଚର୍ମ ସମ୍ବନ୍ଧୀୟ ସମସ୍ୟାର ସାମ୍ନା ମଧ୍ୟ କରିବାକୁ ପଡିଥାଏ। ତେବେ ଚାଲନ୍ତୁ ଜାଣିବା ଏପରି କିଛି ଖାଦ୍ୟ ବିଷୟରେ ଯାହା କ୍ଷୀର ସହିତ ଆଦୌ ଖାଇବା ଉଚିତ୍ ନୁହେଁ ।

କ୍ଷୀର ଓ ଲୁଣ :

କ୍ଷୀର ଏବଂ ଲୁଣର ଅର୍ଥ ନୁହେଁ ଯେ ଆପଣ ଲୁଣ ମିଶାଇ କ୍ଷୀର ପିଇ ପାରିବେ ନାହିଁ। ଆପଣ କ୍ଷୀର ସହିତ ଏପରି କୌଣସି ଜିନିଷ ଖାଇବା ଉଚିତ୍ ନୁହେଁ, ଯେଉଁଥିରେ ଲୁଣ ପଡିଥିବ। ଯେପରିକି ନମକିନ୍, ବିସ୍କୁଟ, ଚିପ୍ସ ଇତ୍ୟାଦି। ଆୟୁର୍ବେଦ ଅନୁଯାୟୀ, କ୍ଷୀର ସହିତ ଲୁଣିଆ ଜିନିଷ ଖାଇବା ଦ୍ୱାରା ଚର୍ମ ସମସ୍ୟା ଦେଖାଦେଇଥାଏ। ଏହା ଆପଣଙ୍କ ଶରୀରରେ ଧଳା ଦାଗ ମଧ୍ୟ ସୃଷ୍ଟି କରିଥାଏ।

କ୍ଷୀର ଓ ଖଟା ଫଳ :

କ୍ଷୀର ସହିତ କେବେ ବି ଖଟା ଫଳ ଯେପରିକି ଲେମ୍ବୁ, ତେନ୍ତୁଳି, ସପୁରୀ, କମଳା ଇତ୍ୟାଦି ଖାଇବା ଉଚିତ୍ ନୁହେଁ। କାରଣ କ୍ଷୀରରେ ଖଟା ଫଳ ମିଶି ତାହାକୁ ଛିଡାଇ ଦିଏ। ଏହାକୁ ଖାଇବା ଦ୍ୱାରା ଆପଣଙ୍କୁ ହଜମ ପ୍ରକ୍ରିୟାରେ ସମ୍ମୁଖୀନ ହେବାକୁ ପଡିଥାଏ।

କ୍ଷୀର ଓ କଦଳୀ :

ଯେଉଁ ବ୍ୟକ୍ତି ନିଜର ଓଜନ ବଢାଇବାକୁ ଚାହୁଁଛନ୍ତି ସେମାନେ ସବୁବେଳେ କ୍ଷୀର ସହିତ କଦଳୀ ଖାଇବାକୁ କିମ୍ବା ବାନାନା ସେକ୍ ପିଇବାକୁ ପସନ୍ଦ କରନ୍ତି। ଆୟୁର୍ବେଦ ଅନୁଯାୟୀ, ଏହା ଆଦୌ କରିବା ଉଚିତ ନୁହେଁ। କାରଣ ଏହି ଦୁଇଟି ଜିନିଷର ମିଶ୍ରଣ ଆପଣଙ୍କ ଶରୀରରେ ବିଷାକ୍ତ ପଦାର୍ଥର ପରିମାଣ ବଢାଇଥାଏ, ଯେଉଁଥିପାଇଁ ଆପଣ ଭାରୀ ଅନୁଭବ କରନ୍ତି। ଏହା ସହିତ, ଆପଣଙ୍କର ମସ୍ତିଷ୍କ ମଧ୍ୟ ଧୀର ଗତିରେ କାମ କରିବା ଆରମ୍ଭ କରେ। ଯେତେବେଳେ ଆପଣ କ୍ଷୀର ପିଉଛନ୍ତି, ତାହାର ଅଧା ଘଣ୍ଟା ପରେ କଦଳୀ ଖାଆନ୍ତୁ।

କ୍ଷୀର ଓ ମୂଳା :

ମୂଳା ସ୍ୱାସ୍ଥ୍ୟ ପାଇଁ ବହୁତ ଭଲ ବୋଲି ବିବେଚନା କରାଯାଏ। ଲୋକମାନେ ଏହାକୁ ବିଭିନ୍ନ ଉପାୟରେ ଖାଆନ୍ତି। କିନ୍ତୁ ଏହାକୁ କ୍ଷୀର ସହିତ କେବେବି ଖାଆନ୍ତୁ ନାହିଁ। କାରଣ ଏହା କରିବା ଦ୍ୱାରା ଚର୍ମ ସମ୍ବନ୍ଧୀୟ ସମସ୍ୟା ହୋଇଥାଏ।