ଘରେ ଭୁଲରେ ମଧ୍ୟ ରଖନ୍ତୁ ନାହିଁ ଏଭଳି ଜିନିଷ, ନଚେତ ପିଛା ଛାଡ଼ିବନି ସମସ୍ୟା

ବାସ୍ତୁ ଶାସ୍ତ୍ର ଅନୁଯାୟୀ, ଘରେ ରଖାଯାଇଥିବା ସମସ୍ତ ଜିନିଷର ନିଜସ୍ୱ ଗୁରୁତ୍ୱ ରହିଛି। କିଛି ଜିନିଷ ଘରେ ଧନ ଏବଂ ସୁଖ-ଶାନ୍ତି ଆଣିଥିବା ବେଳେ ଆଉ କିଛି ଜିନିଷ ପ୍ରଗତିରେ ବାଧା ସୃଷ୍ଟି କରିଥାଏ। ଚାଲନ୍ତୁ ଜାଣିବା ଏପରି କିଛି ପୁରୁଣା ଜିନିଷ ବିଷୟରେ ଯାହା ବାସ୍ତୁ ଅନୁଯାୟୀ ଘରେ ରଖିବା ଉଚିତ୍ ନୁହେଁ-

ତାଲା :

ପ୍ରାୟତଃ ଲୋକମାନେ ତାଲା ଖରାପ ହୋଇଗଲେ ବଦଳାଇ ଦେଇଥାନ୍ତି, କିନ୍ତୁ ଏହାକୁ ପକାଇବାକୁ ଭୁଲିଯାଇଥାନ୍ତି ଏବଂ ଏହା ଅନେକ ବର୍ଷ ଧରି ଘରର କୋଣରେ ପଡ଼ି ରହିଥାଏ । ଘରେ ଖରାପ ତାଲା ପଡ଼ି ରହିବା ଶୁଭ ବିବେଚନା କରାଯାଏ ନାହିଁ । ତେଣୁ ଏହାକୁ ତୁରନ୍ତ ହଟାଇବା ଉଚିତ୍ ।

ଆଲମାରୀ :

ଭଙ୍ଗା ଆଲମାରୀକୁ ଘରେ ରଖନ୍ତୁ ନାହିଁ । ବିଶ୍ୱାସ କରାଯାଏ ଯେ ଘରେ ଭଙ୍ଗା ଆଲମାରୀ ରହିବା କାର୍ଯ୍ୟରେ ବାଧା ସୃଷ୍ଟି କରିଥାଏ । ଏଥିସହ ଧନ ହାନି ମଧ୍ୟ ହୋଇଥାଏ ।

ଜୋତା :

ଅନେକ ଘରେ ଖରାପ ଜୋତା ଏବଂ ଚପଲ ରଖାଯାଇଥାଏ । ବାସ୍ତୁ ଅନୁଯାୟୀ ଘରେ ଖରାପ ଜୋତା ଏବଂ ଚପଲ ରହିବା ଭଲ ହୋଇନଥାଏ । ଏହା ଘରେ ଖରାପ ପ୍ରଭାବ ପକାଇଥାଏ ।

କପଡା :

ଚିରିଯାଇଥିବା ପୋଷାକ ଘରେ ନକାରାତ୍ମକତା ଆଣିଥାଏ । ସେଥିପାଇଁ ଘରୁ ସମ୍ପୂର୍ଣ୍ଣ ପୁରୁଣା ଏବଂ ଚିରା ପୋଷାକ ବାହାର କରିଦେବା ଉଚିତ୍ । ଯଦି ଏପରି ପୋଷାକ ଘରେ ଥାଏ, ତେବେ ଏହା କ୍ୟାରିୟରରେ ବାଧା ସୃଷ୍ଟି କରିଥାଏ ।

ଫଟୋ :

ଦେବା-ଦେବୀଙ୍କ ଚିରିଯାଇଥିବା ଫଟୋ ଏବଂ ଭଙ୍ଗା ପ୍ରତିମାକୁ ଘରେ ରଖନ୍ତୁ ନାହିଁ । ଏପରି ଜିନିଷ ଘରେ ରହିବା ଦ୍ୱାରା ଆର୍ଥିକ କ୍ଷତି ହୋଇଥାଏ ।