ସୌନ୍ଦର୍ଯ୍ୟ ବଢ଼ାଇବା ସହିତ ହାର୍ଟ ଓ ବ୍ରେନ ପାଇଁ ବେଶ ଉପକାରୀ ହୋଇଥାଏ ନଡ଼ିଆ ତେଲ

ସାଧାରଣତଃ ମହିଳାମାନେ କେଶ ପାଇଁ ନଡିଆ ତେଲ ବ୍ୟବହାର କରିଥାନ୍ତି, କିନ୍ତୁ ଏହା କେବଳ କେଶ ପାଇଁ ନୁହେଁ ବରଂ ଅନେକ ଉପାୟରେ ଲାଭଦାୟକ ହୋଇଥାଏ । ଦକ୍ଷିଣ ଭାରତରେ ନଡ଼ିଆ ତେଲ ଖାଦ୍ୟରେ ମଧ୍ୟ ବ୍ୟବହୃତ ହୋଇଥାଏ । ଏଥି ସହିତ ଆୟୁର୍ବେଦରେ ସକାଳେ ଗୋଟିଏ ଚାମଚ ନଡ଼ିଆ ତେଲ ଖାଲି ପେଟରେ ଖାଇବାକୁ ପରାମର୍ଶ ଦିଆଯାଇଥାଏ । ବାସ୍ତବରେ, ଖାଲି ପେଟରେ ନଡ଼ିଆ ତେଲ ଖାଇବା ଦ୍ୱାରା ଓଜନ ହ୍ରାସ ହେବା ସହିତ ଅନେକ ରୋଗରୁ ମୁକ୍ତି ମିଳିଥାଏ ।

ଏକ ହେଲ୍ଥ ସାଇଟ ଅନୁଯାୟୀ, ନଡିଆ ତେଲରେ ଫ୍ୟାଟି ଏସିଡ୍ ର ୟୁନିକ୍ କମ୍ବିନେସନ୍ ମିଳିଥାଏ, ଯାହା ଆମ ମସ୍ତିଷ୍କ ଏବଂ ହାର୍ଟ ଫଙ୍କ୍ସନ୍ ପାଇଁ ବହୁତ ଭଲ ହୋଇଥାଏ । ତେବେ ଚାଲନ୍ତୁ ଜାଣିବା ନଡ଼ିଆ ତେଲ ଆମ ଶରୀର ପାଇଁ କେତେ ଲାଭଦାୟକ ହୋଇଥାଏ ।

ହାର୍ଟ ଫଙ୍କସନକୁ ଠିକ୍ ରଖିଥାଏ:

ଅନୁସନ୍ଧାନ ଅନୁଯାୟୀ, ଯେଉଁ ଅଞ୍ଚଳରେ ଖାଦ୍ୟରେ ନଡ଼ିଆ ତେଲ ବ୍ୟବହାର କରାଯାଇଥାଏ, ସେଠାରେ ଲୋକମାନେ ହାର୍ଟ ସୁସ୍ଥ ରହିଥାଏ ।

ଓଜନ କମ୍ କରିଥାଏ:

ନଡ଼ିଆ ତେଲର ନିୟମିତ ବ୍ୟବହାର ଦ୍ୱାରା ଶରୀରରେ ମେଟାବୋଲିଜିମ୍ ଭଲ ଭାବରେ କାମ କରିଥାଏ ଏବଂ ଅତିରିକ୍ତ ଓଜନକୁ ହ୍ରାସ କରିଥାଏ । ତେଣୁ ଆୟୁର୍ବେଦରେ ସକାଳେ ଖାଲି ପେଟରେ ଏକ ଚାମଚ ନଡ଼ିଆ ତେଲ ଖାଇବାକୁ ପରାମର୍ଶ ଦିଆଯାଇଥାଏ ।

ଇମ୍ୟୁନିଟି ଷ୍ଟ୍ରଙ୍ଗ୍ କରିଥାଏ:

ନଡିଆ ତେଲରେ କ୍ୟାପ୍ରିକ୍ ଏସିଡ୍, ଲୌରିକ୍ ଏସିଡ୍ ଏବଂ କ୍ୟାପ୍ରିଲିକ୍ ଏସିଡ୍ ମିଳିଥାଏ, ଯାହା ରୋଗ ପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ ।

ହଜମ ଠିକ୍ କରିଥାଏ:

ନଡ଼ିଆ ତେଲ ହଜମ ପ୍ରକ୍ରିୟାକୁ ଠିକ୍ ରଖିଥାଏ, ଏଥିରେ ଆଣ୍ଟି-ବ୍ୟାକ୍ଟେରିଆ ଗୁଣ ରହିଥାଏ ଯାହା ବ୍ୟାକ୍ଟେରିଆ ବିରୁଦ୍ଧରେ ଲଢିଥାଏ ଏବଂ ହଜମ ପ୍ରକ୍ରିୟାକୁ ଠିକ୍ ରଖିଥାଏ । ଏହା ଆପଣଙ୍କ ପେଟରେ ଗ୍ୟାସର ସମସ୍ୟାକୁ ମଧ୍ୟ ଦୂର କରିଥାଏ ।

ଗୁଡ୍ କୋଲେଷ୍ଟ୍ରଲ୍ ବଢାଇଥାଏ:

ନଡିଆ ତେଲ ଗୁଡ୍ କୋଲେଷ୍ଟ୍ରଲ ପାଇଁ ବହୁତ ଭଲ ହୋଇଥାଏ । ଏହାକୁ ଖାଇବା ଦ୍ୱାରା ରକ୍ତରେ ଗୁଡ୍ କୋଲେଷ୍ଟ୍ରଲ ବଢିଥାଏ, ଯେଉଁ କାରଣରୁ ହାର୍ଟକୁ ଅନେକ ରୋଗରୁ ରକ୍ଷା କରାଯାଇପାରେ