ରକ୍ତଚାପ ନିୟନ୍ତ୍ରଣ କରିବା ସହ କ୍ୟାନ୍ସରରୁ ମଧ୍ୟ ରକ୍ଷା କରିଥାଏ ତରଭୁଜ, ସ୍କିନକୁ ରଖେ କୋମଳ

ଗ୍ରୀଷ୍ମ ଋତୁରେ ତରଭୁଜ ଖାଇବାର ମଜା ହିଁ କିଛି ଅଲଗା । ଏହାର ସ୍ୱାଦ ମିଠା ଏବଂ ରସଯୁକ୍ତ। ତରଭୁଜରେ ପାଖାପାଖି ୯୨ ପ୍ରତିଶତ ଜଳୀୟଅଂଶ ଓ ୮ ପ୍ରତିଶତ ଚିନି ରହିଛି। ତରଭୁଜରେ ଆଣ୍ଟିଅକ୍ସିଡେଣ୍ଟ ରହିଛି ଯାହା ତ୍ୱଚା କ୍ୟାନ୍ସର ଭଳି ବିଭିନ୍ନ କ୍ୟାନ୍ସର ଆଶଙ୍କା କମ କରିବାରେ ସାହାଯ୍ୟ କରିଥାଏ। ନିଦ ସମସ୍ୟା ଥିଲେ ତରଭୁଜ ସେବନ କଲେ ଭଲ ନିଦ ହୋଇଥାଏ। ତରଭୁଜରେ ଭିଟାମିନ-ବି ୬ ରହିଛି। ଏହା ସେରୋଟୋନିନ ଓ ଡୋପାମାଇନ ଉତ୍ପାଦନରେ ସାହାଯ୍ୟ କରିଥାଏ। ତରଭୁଜରେ ଇଲେକ୍ଟ୍ରୋଲାଇଟ୍, ସୋଡିୟମ୍ ଏବଂ ପୋଟାସିୟମ୍ ଭରପୁର ମାତ୍ରାରେ ରହିଛି। ଏହା ଶରୀରର ଡିହାଇଡ୍ରେସନ ସମସ୍ୟା ମଧ୍ୟ ଦୂର କରିବାରେ ସାହାଯ୍ୟ କରେ। ତରଭୁଜ ସ୍ୱାସ୍ଥ୍ୟ ପକ୍ଷେ ଅତ୍ୟନ୍ତ ହିତକର ହୋଇଥାଏ। ତରଭୁଜରେ ହଳଦିଆ ଛିଟା ପଡିଥିବା ଭଲ ତରଭୁଜର ସଂକେତ। ଏହି ତରଭୁଜ ମିଠା ଓ ରସଯୁକ୍ତ ହୋଇଥାଏ।

୧. ହାଇଡ୍ରେଟ୍ ରଖିବାରେ ସାହାଯ୍ୟ କରେ – ଶରୀରକୁ ହାଇଡ୍ରେଟ ରଖିବାରେ ପାଣିର ମହତ୍ତ୍ୱପୂର୍ଣ୍ଣ ଭୂମିକା ରହିଛି। ଯେଉଁ ଫଳ ଓ ପନିପରିବାରେ ଅଧିକ ମାତ୍ରାରେ ପାଣି ଥାଏ ତାହା ମଧ୍ୟ ଶରୀରକୁ ହାଇଡ୍ରେଟ ରଖିଥାଏ।

୨. ପୋଷାକ ତତ୍ତ୍ୱରେ ଭରପୁର – ତରଭୁଜରେ ଭିଟାମିନ-ଏ, ଭିଟାମିନ-ବି ଓ ଭିଟାମିନ-ସି ର ଏକ ଭଲ ସ୍ରୋତ। ତରଭୁଜରେ କମ କ୍ୟାଲୋରୀ ରହିଛି ଏବଂ ଅଧିକ ପୋଷାକ ତତ୍ତ୍ୱ ରହିଛି।

୩. କ୍ୟାନ୍ସର ରୋକିବାରେ ସହାୟକ – ଗବେଷକମାନେ ତରଭୁଜରେ ଆଣ୍ଟିକ୍ୟାନ୍ସର ପ୍ରଭାବ ପାଇଁ ଲାଇକୋପିନ୍ ଏବଂ ଅନ୍ୟାନ୍ୟ ବ୍ୟକ୍ତିଗତ ଉଦ୍ଭିଦ ଜାତୀୟ ଯୌଗିକ ଅଧ୍ୟୟନ କରିଛନ୍ତି।

୪. ହୃଦ ସ୍ୱାସ୍ଥ୍ୟ ପାଇଁ ଉତ୍ତମ – ହୃଦରୋଗ ମୃତ୍ୟୁର ଏକ ପ୍ରମୁଖ କାରଣ। ହୃଦଘାତ ଯୋଗୁଁ ଅନେକ ଲୋକଙ୍କ ଜୀବନ ଯାଉଛି। ଜୀବନଶୈଳୀ, ରକ୍ତଚାପ, କୋଲେଷ୍ଟ୍ରୋଲ ସ୍ଥର ନିୟନ୍ତ୍ରଣ କରି ଆପଣ ହୃଦ ସମସ୍ୟାରୁ ଦୁରେଇ ରହିପାରିବେ। ତରଭୁଜରେ ଥିବା ପୋଷାକ ତତ୍ତ୍ୱ ହାର୍ଟକୁ ସୁସ୍ଥ ରଖିଥାଏ।

୫. ଉଚ୍ଚ ରକ୍ତଚାପ ରୋଗୀ ପାଇଁ ଲାଭଦାୟକ – ଉଚ୍ଚ ରକ୍ତଚାପ ରୋଗୀଙ୍କ ପାଇଁ ତରଭୁଜ ଲାଭଦାୟକ। ଏଥିରେ ଭରପୁର ମାତ୍ରାରେ ପୋଟାସିୟମ ଅଛି ଯାହା ରକ୍ତଚାପ ନିୟନ୍ତ୍ରଣ କରିଥାଏ। ଲାଇକୋପିନ୍ କୋଲେଷ୍ଟ୍ରୋଲ ଓ ଉଚ୍ଚ ରକ୍ତଚାପ କମ କରିବାରେ ସାହାଯ୍ୟ କରେ।

୬. ସୁଜନ ଓ ଅବସାଦ କମ କରିଥାଏ – ସୁଜନ ଅନେକ ପୁରୁଣା ରୋଗର ପ୍ରମୁଖ କାରଣ। ତରଭୁଜ ସୁଜନ କମ କରିବାରେ ସାହାଯ୍ୟ କରିଥାଏ। ଲାଇକୋପିନ୍ ମସ୍ତିସ୍କକୁ ମଧ୍ୟ ସୁସ୍ଥ ରଖିଥାଏ।

୭. ମାଂସପେଶୀ ଯନ୍ତ୍ରଣାରୁ ଆଶ୍ବସ୍ତି – ତରଭୁଜରେ ଏମିନୋ ଏସିଡ ଅଛି ଯାହା ମାଂସପେଶୀ ଯନ୍ତ୍ରଣା କମ୍ କରିଥାଏ। ତରଭୁଜ ରସ ସିଟ୍ଟଲିନ୍ ଅବଶୋଷଣ ବଢ଼ିଥାଏ।

୮. ତ୍ୱଚା ଓ କେଶ ପାଇଁ ଲାଭଦାୟକ – ତରଭୁଜରେ ଭିଟାମିନ-ଏ ଓ ସି ରହିଛି ଯେଉଁଥିପାଇଁ ଏହା ତ୍ୱଚା ଓ କେଶ ପାଇଁ ଲାଭଦାୟକ। ଭିଟାମିନ-ସି ଶରୀରରେ କୋଲେଜନ ସୃଷ୍ଟି କରିବାରେ ସାହାଯ୍ୟ କରିଥାଏ ଯାହା ତ୍ୱଚାକୁ କୋମଳ ଓ କେଶକୁ ମଜବୁତ ରଖେ।