୪୦ ଟଙ୍କା ଲଟେରୀ ଚମକେଇଦେଲା ଶ୍ରମିକଙ୍କ ଭାଗ୍ୟ: ହୋଇଗଲେ ୮୦ ଲକ୍ଷ ଟଙ୍କାର ମାଲିକ

ପଶ୍ଚିମବଙ୍ଗରୁ ଆସିଥିବା ଜଣେ ପ୍ରବାସୀ ଶ୍ରମିକଙ୍କ ଭାଗ୍ୟ ଚମକିଯାଇଛି । କେରଳ ସରକାରଙ୍କର କରୁଣ୍ୟ ପ୍ଲସ୍ ଲଟେରୀର ବମ୍ପର ପୁରସ୍କାର ଜିତି ୮୦ ଲକ୍ଷ ଟଙ୍କା ହାସଲ କରିବାରେ ସଫଳ ହୋଇଛନ୍ତି ପ୍ରତିଭା ମଣ୍ଡଳ ନାମକ ଏହି ଶ୍ରମିକ। ପଶ୍ଚିମବଙ୍ଗର ମୂଳ ବାସିନ୍ଦା ପ୍ରତିଭା ମଣ୍ଡଳ ତିରୁବନନ୍ତପୁରମକୁ ଜଣେ ନିର୍ମାଣ ଶ୍ରମିକ ଭାବରେ କାମ କରିବାକୁ ଆସିଥିଲେ।

ତାଙ୍କର ୪୦ ଟଙ୍କା ଲଟେରୀ ଟିକେଟ୍ ନମ୍ବର ୩୫ ** ୦ ସହିତ ପ୍ରତିଭା ଗୁରୁବାର ଦିନ ଜଣେ ସାଧାରଣ ଶ୍ରମିକରୁ କୋଟିପତି ହୋଇଯାଇଛନ୍ତି। ଏହଟଭଳି ଅପ୍ରତ୍ୟାଶିତ ଧନବର୍ଷା ଯୋଗୁଁ ସେ ଆଶ୍ଚର୍ଯ୍ୟ ହୋଇଯାଇଥିଲେ ଏବଂ ଲଟେରୀ ଟିକେଟ୍ ତାଙ୍କ ସହିତ ରଖିବାକୁ ଭୟ କରୁଥିଲେ | ସେଥିପାଇଁ ସେ ତୁରନ୍ତ କେରଳ ପୋଲିସର ସାହାଯ୍ୟ ମାଗିଥିଲେ ।

ପ୍ରତିଭା ମଣ୍ଡଳ ସିଧା ପୂଜାପୁରା ପୋଲିସ ଷ୍ଟେସନକୁ ଯାଇ ତାଙ୍କ ଚିନ୍ତା ବିଷୟରେ କହିଥିଲେ। କେରଳର ଅନ୍ୟାନ୍ୟ ପ୍ରବାସୀ ଶ୍ରମିକଙ୍କ ପରି ପ୍ରତିଭା ମଣ୍ଡଳଙ୍କର ମଧ୍ୟ ବ୍ୟାଙ୍କ ଆକାଉଣ୍ଟ ନାହିଁ। ପୂଜାପୁରାର କାନାରା ବ୍ୟାଙ୍କ ଶାଖାରେ ବ୍ୟାଙ୍କ ଆକାଉଣ୍ଟ ଖୋଲିବାକୁ ପୋଲିସ ନେଇଗଲା। ବ୍ୟାଙ୍କ ଅଧିକାରୀମାନେ ପୋଲିସ ଷ୍ଟେସନକୁ ଆସି ବ୍ୟାଙ୍କ ଲକରରେ ସଂରକ୍ଷଣ ପାଇଁ ଲଟେରୀ ଟିକେଟ୍ ନେଇଥିଲେ।

ପ୍ରତି ଗୁରୁବାର ଦିନ ଉଠୁଥିବା କରୁଣ୍ୟ ପ୍ଲସ୍ ଲଟେରୀ ଟିକେଟ୍ ପ୍ରଥମ ପୁରସ୍କାର ଭାବରେ ୮୦ ଲକ୍ଷ ଟଙ୍କା ରହିଛି। ଦ୍ୱିତୀୟ ପୁରସ୍କାର ୧୦ ଲକ୍ଷ ଟଙ୍କା ହୋଇଥିବାବେଳେ ୮,୦୦୦ ଟଙ୍କାର ସାନ୍ତ୍ୱନାମୂଳକ ପୁରସ୍କାର ମଧ୍ୟ ପ୍ରଦାନ କରାଯାଇଛି |

ଯଦି ଲଟେରୀ ପୁରସ୍କାର ରାଶି ୫୦୦୦ ରୁ କମ୍, ଲୋକମାନେ କେରଳର ଯେକୌଣସି ଲଟେରୀ ଦୋକାନରୁ ଟଙ୍କା ଉଠାଇ ପାରିବେ | ଯଦି ଏହା ୫,୦୦୦ ହଜାରରୁ ଅଧିକ ହୋଇଥାଏ, ତେବେ ସରକାରୀ ଲଟେରୀ ଅଫିସରେ କିମ୍ବା କୌଣସି ବ୍ୟାଙ୍କରେ ଟିକେଟ୍ ଏବଂ ଆଇଡି ପ୍ରମାଣ ଉପସ୍ଥାପନ କରାଯିବା ଜରୁରୀ | ବିଜେତାମାନେ ସରକାରୀ ଗେଜେଟରେ ପ୍ରକାଶିତ ଫଳାଫଳଗୁଡିକ ଯାଞ୍ଚ କରିବେ ଏବଂ ୩୦ ଦିନ ମଧ୍ୟରେ ଲଟେରୀ ଟିକେଟ ଦାଖଲ କରିବେ |