ABCD 3 ର ଷ୍ଟାର୍ କାଷ୍ଟରେ ଆସିବ ବଡ଼ ପରିବର୍ତ୍ତନ , ପ୍ରସ୍ତୁତିରେ ଲାଗିପଡ଼ିଛନ୍ତି ରେମୋ ଡି’ସୁଜା

ବଲିଉଡର ଭେଟେରନ ଡ୍ୟାନ୍ସ କୋରିଓଗ୍ରାଫର ତଥା ଚଳଚ୍ଚିତ୍ର ନିର୍ମାତା ରେମୋ ଡି’ସୁଜା ତାଙ୍କର ଲୋକପ୍ରିୟ ଫିଲ୍ମ ସିରିଜ ‘ଏବିସିଡି’ର ତୃତୀୟ ଭାଗରେ କାମ ଆରମ୍ଭ କରିଛନ୍ତି। ସମ୍ପ୍ରତି ରେମୋ ଚଳଚ୍ଚିତ୍ର ସହ ଜଡିତ କିଛି ଆକର୍ଷଣୀୟ ଦିଗ ବିଷୟରେ କଥାବାର୍ତ୍ତା କରିଥିଲେ ଏବଂ ଏହା ସହ ଜଡିତ କିଛି ଆଶ୍ଚର୍ଯ୍ୟଜନକ ତଥ୍ୟ ପ୍ରକାଶ କରିଥିଲେ | ରେମୋ କହିଛନ୍ତି ଯେ ସେ କ୍ରମାଗତ ଭାବରେ ଫିଲ୍ମର ସ୍କ୍ରିପ୍ଟ ଉପରେ କାମ କରୁଛନ୍ତି ଏବଂ ଦର୍ଶକମାନେ ଏହି ସିରିଜର ତୃତୀୟ ପାର୍ଟ ଦେଖିବାକୁ ପାଇବେ |

ଟାଇମ୍ସ ଅଫ୍ ଇଣ୍ଡିଆ ସହିତ ଏକ ବାର୍ତ୍ତାଳାପରେ ରେମୋ କହିଛନ୍ତି, “ଆଜ୍ଞା ହଁ ଆପଣ ତୃତୀୟ ଭାଗ ଦେଖିବାକୁ ପାଇବେ। ମୁଁ ଏହି ସିରିଜର ତୃତୀୟ ଭାଗ ପାଇଁ କ୍ରମାଗତ ଭାବରେ ଯୋଜନା କରୁଛି। ଆମେ ବର୍ତ୍ତମାନ ସ୍କ୍ରିପ୍ଟ ଉପରେ କାମ କରୁଛୁ ଏବଂ ଏହା ପ୍ରାୟ ପ୍ରସ୍ତୁତ” ଆମେ ମଧ୍ୟ ଶୀଘ୍ର ଏହାର ଘୋଷଣା କରିବୁ। ଏଥର ABCD ଡିସ୍ନି ସହିତ ଆସିବ ।

ଏହାର ଟାଇଟେଲ ABCD 3 ରହିବ ବୋଲି ରେମୋ କହିଛନ୍ତି । ଏଥର ଫିଲ୍ମରେ ଷ୍ଟାର କାଷ୍ଟର ନାମ ବିଷୟରେ କୌଣସି ଘୋଷଣା କରିନାହାଁନ୍ତି, କିନ୍ତୁ ଏହି କାଷ୍ଟରେ ନିଶ୍ଚିତ ରୂପେ ଡ୍ୟାନ୍ସର ରହିବେ ବୋଲି କହିଛନ୍ତି ରେମୋ ଡିସୌଜା । ପ୍ରକାଶଥାଉ ଯେ ରେମୋ ଡି’ସୁଜାଙ୍କ ସିରିଜ୍ ABCD ର ପ୍ରଥମ ଭାଗ ୨୦୦୩ ରେ ମୁକ୍ତିଲାଭ କରିଥିଲା ​​| ସେ ଏହି ଚଳଚ୍ଚିତ୍ରରେ କେବଳ ନୃତ୍ୟଶିଳ୍ପୀଙ୍କୁ କାଷ୍ଟ କରିଥିଲେ ଏବଂ ଏହା ଜବରଦସ୍ତ ହିଟ ରହିଥିଲା ।