କରୋନାର ଦୈନିକ ସଂକ୍ରମଣରେ ହ୍ରାସ, ଗତ ୨୪ ଘଂଟା ମଧ୍ୟରେ ୩୮,୦୭୪ ନୂତନ ପଜିଟିଭ ଚିହ୍ନଟ

ସାଂପ୍ରତିକ ସମୟରେ କରୋନା ସଂକ୍ରମଣରେ ସବୁଠାରୁ ବଡ ହ୍ରାସ ଦେଖିବାକୁ ମିଳିଛି | ଗତ ୨୪ ଘଣ୍ଟା ମଧ୍ୟରେ ୩୮,୦୭୪ ନୂତନ ମାମଲା ଚିହ୍ନଟ ହୋଇଛି, ଯାହା ସୋମବାର ରିପୋର୍ଟ ହୋଇଥିବା ୪୫,୯୦୩ ତୁଳନାରେ ଯଥେଷ୍ଟ କମ୍ ଅଟେ। ଏଥି ସହିତ, ଏହି ସମୟ ମଧ୍ୟରେ ଦୈନିକ ମୃତ୍ୟୁହାର ମଧ୍ୟ ହ୍ରାସ ପାଇଛି | କ୍ରମାଗତ ଦ୍ୱିତୀୟ ଦିନ ମୃତ୍ୟୁ ସଂଖ୍ୟା ୫୦୦ ରୁ କମ୍ ହୋଇଛି ।

କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ କରୋନାର ୩୮,୦୭୪ଜଣ ନୂଆ ରୋଗୀ ଚିହ୍ନଟ ହୋଇଛନ୍ତି। ଏଥି ସହିତ, କୋଭିଡ-୧୯ ହେତୁ ୪୪୮ ଜଣ ଲୋକ ପ୍ରାଣ ହରାଇଛନ୍ତି। ଦେଶରେ କରୋନାର ସମୁଦାୟ ସଂକ୍ରମଣର ସଂଖ୍ୟା ୮୫,୯୧,୭୩୧ରେ ପହଂଚିଛି |

ତଥ୍ୟ ଅନୁଯାୟୀ, ଦେଶରେ କରୋନୀରୁ ସୁସ୍ଥ ହୋଇଥିବା ଲୋକଙ୍କ ସଂଖ୍ୟା ହେଉଛି ୭୯,୫୯,୪୦୬। ଗତ ୨୪ ଘଣ୍ଟା ମଧ୍ୟରେ, ୪୨,୦୩୩ ରୋଗୀ ସଂକ୍ରମଣରୁ ମୁକ୍ତ ହୋଇ ଡାକ୍ତରଖାନାରୁ ଘରକୁ ଫେରିଛନ୍ତି। ଏଥି ସହିତ ଦେଶରେ ସକ୍ରିୟ ମାମଲା ସଂଖ୍ୟା ଛଅ ଲକ୍ଷରୁ କମ୍ ହୋଇ ରହିଛି।

ମନ୍ତ୍ରଣାଳୟର ତଥ୍ୟ ଅନୁଯାୟୀ ଦେଶରେ ସକ୍ରିୟ ମାମଲା ସଂଖ୍ୟା ୫,୦୫,୨୬୫ ରହିଛି। ଗତ ୨୪ ଘଣ୍ଟା ମଧ୍ୟରେ ଏହା ୪,୪୦୮କୁ ହ୍ରାସ ପାଇଛି | ଏଥି ସହିତ, କରୋନା କାରଣରୁ ପ୍ରାଣ ହରାଇଥିବା ଲୋକଙ୍କ ସଂଖ୍ୟା ୧,୨୭,୦୫୯ରେ ପହଂଚିଛି |