ଚାଇନା ଆପ ଟିକଟକ ବିକଳ୍ପ ରୁପେ କରି ପାରିବେ ଏହି ପାଂଚଟି ସ୍ବଦେଶୀ ଆପର ବ୍ୟବହାର

ଭାରତ ସରକାରଙ୍କ ଦ୍ବାରା ୫୯ଟି ଚାଇନା ଆପ ବ୍ୟାନ ହେବା ପରେ ଅନେକ ଭାରତୀୟ ଆପ୍ ଚାଇନିଜ ଆପ ଟିକ୍ ଟକ୍ ପାଇଁ ଏକ ବିକଳ୍ପ ଭାବରେ ଉଭା ହୋଇଛି, ଯାହାକୁ ଲୋକମାନେ ବହୁତ ପସନ୍ଦ କରିଛନ୍ତି | ଆଜି ଆମେ ଆପଣଙ୍କୁ ସେହି ମୋବାଇଲ୍ ଆପ୍ ବିଷୟରେ କହିବୁ, ଯାହା ଚାଇନିଜ୍ ଟିକ୍-ଟକ୍ ସ୍ଥାନରେ ବ୍ୟବହାର କରାଯାଇପାରିବ | ଆସନ୍ତୁ ଜାଣିବା ଟିକ୍ ଟକ୍ ର ପାଞ୍ଚଟି ବିକଳ୍ପ ବିଷୟରେ …

ମୋଜ୍ ଆପ୍

ଭାରତୀୟ କମ୍ପାନୀ ଶେୟାରଚାଟ ନିକଟରେ ଏହି ଆପ୍ ଲଞ୍ଚ କରିଛି। ଉପଯୋଗକର୍ତ୍ତାଗଣ ଏହି ଆପରେ ଟିକ୍ ଟକ୍ ପରି କ୍ଷୁଦ୍ର ଭିଡିଓ, ସ୍ପେସାଲ ଇେଫକ୍ଟ, ଷ୍ଟିକର୍ ଏବଂ ଇମୋସନ ଭଳି ଫିଚର ପାଇବେ | ଏହା ବ୍ୟତୀତ, ଏହି ଆପ୍ ଇଂରାଜୀକୁ ବାଦ ଦେଇ ୧୫ ଟି ଭାଷାକୁ ସମର୍ଥନ କରେ | ଏଥି ସହିତ, ଏହି ଆପକୁ ଗୁଗୁଲ୍ ପ୍ଲେ ଷ୍ଟୋରରୁ ୧ ମିଲିୟନରୁ ଅଧିକ ଉପଭୋକ୍ତା ଡାଉନଲୋଡ୍ କରିସାରିଛନ୍ତି ଏବଂ ଏହାକୁ ୪.୨ ପଏଣ୍ଟ ରେଟିଙ୍ଗ ମଧ୍ୟ ମିଳିଛି ।

ଚିଙ୍ଗାରି ଆପ୍

ଚାଇନିଜ୍ ଟିକ୍ ଟକ୍ ଉପରେ ନିଷେଧାଦେଶ ପରେ ଉପଭୋକ୍ତାମାନେ ବର୍ତ୍ତମାନ ଭାରତର ଚିଙ୍ଗାରି ଆପ୍ ବ୍ୟବହାର କରିପାରିବେ। ଉପଭୋକ୍ତାମାନେ ଏହି ଆପରେ ନିଜ ସାଙ୍ଗମାନଙ୍କ ସହିତ ଛୋଟ ଭିଡିଓ ସେୟାର କରିପାରିବେ | ଏହି ଆପରେ, ଉପଭୋକ୍ତାମାନେ ଟ୍ରେଣ୍ଡିଂ ନ୍ୟୁଜ୍, ମନୋରଞ୍ଜନ, ମଜାଳିଆ ଭିଡିଓ, ଲଭ ଷ୍ଟାଟସ ପରି ଭିଡିଓ ପାଇବେ |

ମିତ୍ରୋ ଆପ

ଏହି ଆପକୁ ବର୍ତ୍ତମାନ 50 ଲକ୍ଷ ୟୁଜର ଡାଉନଲୋଡ୍ କରିଛନ୍ତି | ଆପଣଙ୍କୁ ଜଣାଇଦେଉଛୁ ଯେ, ଏହି ଆପକୁ ଆଇ.ଆଇ.ଟି. ରୁଡ଼ାଙ୍ଗର ଜଣେ ଛାତ୍ର ଶିବାଙ୍କ ଅଗ୍ରୱାଲ ତିଆରି କରିଛନ୍ତି | ପ୍ରଥମ ନଜରରେ ଏହି ଆପ ଆପଣଙ୍କୁ ଟିକଟକ୍ ଭଳି ନଜର ଆସିବ । ଅନ୍ୟ ଶବ୍ଦରେ, ଆପଣ କହିପାରିବେ ଯେ ମିତ୍ରୋ ଆପ ହେଉଛି ଟିକଟକ୍ ଆପର କ୍ଲୋନ୍ | ମିତ୍ରୋ ଆପ୍ ଗୁଗୁଲ୍ ପ୍ଲେ ଷ୍ଟୋର୍‌ର ଟପ୍ ଫ୍ରି ଚାର୍ଟରେ ଟପ୍ -୧୦ ତାଲିକାରେ ସ୍ଥାନିତ ହୋଇଛି, ଯଦିଓ ଆପଣ ଏହି ଆପରେ ଟିକ୍-ଟକ୍ ର ସମସ୍ତ ଫିଚର ପାଇବେ ନାହିଁ ତଥାପି, ଏହି ଆପ୍ ପ୍ଲେ-ଷ୍ଟୋରରେ ୪.୭ ରେଟିଂ ପାଇଛି | ଏହି ଆପରେ ଅନେକ ତ୍ରୁଟି ଅଛି, କିନ୍ତୁ ସ୍ୱଦେଶୀ ହୋଇଥିବାରୁ ଉପଭୋକ୍ତାମାନେ ଏହାକୁ ସମର୍ଥନ କରୁଛନ୍ତି |

ରୋପୋସୋ ଆପ୍

ଲୋକପ୍ରିୟ ଆପ୍ସ ମଧ୍ୟରୁ ରୋପୋସୋ ଅନ୍ୟତମ | ଏହି ଆପ୍ ଗୁଗୁଲ୍ ପ୍ଲେ ଷ୍ଟୋର ଏବଂ ଆପ୍ ଷ୍ଟୋରରୁ ଡାଉନଲୋଡ୍ ହୋଇପାରିବ | ଉପଭୋକ୍ତାମାନେ ଏହି ଆପରେ ଟିକ୍-ଟକ୍ ପରି ଭିଡିଓ ଏବଂ ଅଡିଓ ସୃଷ୍ଟି କରି ସୋସିଆଲ୍ ମିଡିଆ ପ୍ଲାଟଫର୍ମରେ ଭିଡିଓ ଏବଂ ଅଡିଓ ସେୟାର କରିପାରିବେ | ଏଥି ସହିତ, ଏହି ଆପକୁ ଏପର୍ଯ୍ୟନ୍ତ ୫୦ ଲକ୍ଷ ଉପଭୋକ୍ତା ଡାଉନଲୋଡ୍ କରିସାରିଛନ୍ତି ଏବଂ ଏହାର ରେଟିଂ ୪.୩ ପଏଣ୍ଟ ରହିଛି ।

ବୋଲୋ ଇଣ୍ଡିଆ ଆପ୍

ବୋଲୋ ଇଣ୍ଡିଆ ଏକ ସ୍ୱଦେଶୀ ଆପ୍ | ଏହି ଆପ୍ ଚାଇନାର ଟିକ୍ ଟକ୍ ଆପକୁ ଏକ କଡ଼ା ପ୍ରତିଯୋଗିତା ଦେଇପାରେ | ଏହି ଆପ୍ ଗୁଗଲ୍ ପ୍ଲେ ଷ୍ଟୋରରେ ୪.୭ ପଏଣ୍ଟ ପାଇଛି | ଉପଭୋକ୍ତାମାନେ ଏହି ଆପରେ ଇଂରାଜୀ ଶିଖିବା ଏବଂ ରନ୍ଧନ ଟିପ୍ସ ଭଳି ବିଷୟବସ୍ତୁ ଅପଲୋଡ୍ କରିପାରିବେ, ଯାହା ଅନ୍ୟ ଉପଭୋକ୍ତାମାନଙ୍କୁ ବହୁତ ଲାଭଦାୟକ ହେବ |