ଭାରତ-ଚୀନ ସୀମା ବିବାଦ ଉପରେ ଆମେରିକାର ନଜର, କହିଛି-ଶାନ୍ତିପୂର୍ଣ୍ଣ ସମାଧାନର କରିବ ସମର୍ଥନ

ପୁର୍ବ ଲଦାଖର ଗଲୱା ଘାଟିରେ ଭାରତୀୟ ଏବଂ ଚୀନୀ ସେନା ମଧ୍ୟରେ ହୋଇଥିବା ହିଂସାତ୍ମକ ଟକ୍କରକୁ ନେଇ ଆମେରିକାର ବିଦେଶ ମନ୍ତ୍ରୀଙ୍କର ବୟାନ ଆସିଯାଇଛି । ମନ୍ତ୍ରଣାଳୟ ପକ୍ଷରୁ ମଙ୍ଗଳବାରଦିନ କୁହାଯାଇଛି ଯେ ସେ ଭାରତ ଏବଂ ଚୀନ ସେନା ମଧ୍ୟରେ ବାସ୍ତବିକ ନିୟନ୍ତ୍ରଣ ରେଖାରେ(ଏଲଓସି)ରେ ଉପୁଜିଥିବା ସ୍ଥିତି ଉପରେ ବେଶ ନୀକଟରୁ ନଜର ରଖିଛି ।
ଆମେରିକା ବିଦେଶ ମନ୍ତ୍ରଣାଳୟର ପ୍ରବକ୍ତା କହିଛନ୍ତି ଯେ, “ଆମେ ଏଲଓସିଠାରେ ଭାରତୀୟ ଏବଂ ଚୀନ ସେନା ମଧ୍ୟରେ ଉପୁଜିଥିବା ସ୍ଥିିତି ଉପରେ ନୀକଟରୁ ନଜର ରଖିଛୁ । ଆମେ ଜାଣିବାକୁ ପାଇଛୁ ଯେ ଭାରତୀୟ ସେନା ଘୋଷଣା କରିଛି ଯେ ଏହାର ୨୦ଯବାନ ଶହିଦ ହୋଇଛନ୍ତି ଏବଂ ଆମେ ତାଙ୍କର ପରିବାର ପ୍ରତି ନିଜର ସମ୍ବେଦନା ବ୍ୟକ୍ତ କରୁଅଛୁ । ଭାରତ ଏବଂ ଚୀନ ଉଭୟ ଉତେଜନା ହ୍ରାସ କରିବା ପାଇଁ ଇଚ୍ଛା ବ୍ୟକ୍ତ କରିଛନ୍ତି ଏବଂ ଆମେ ବର୍ତମାନ ସ୍ଥିତିର ଶାନ୍ତିପୂର୍ଣ୍ଣ ସମାଧାନକୁ ସମର୍ଥନ କରୁଛୁ । ୨ ଜୁନ ୨୦୨୦ରେ ରାଷ୍ଟ୍ରପତି ଟ୍ରମ୍ପ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମଧ୍ୟରେ ଫୋନ ମାଧ୍ୟମରେ ହୋଇଥିବା ଆଲୋଚନାରେ ଭାରତ-ଚୀନ ସୀମା ସ୍ଥିତି ଉପରେ ଆଲୋଚନା କରାଯାଇଥିଲା ।”

We are closely monitoring the situation between Indian and Chinese forces along the Line of Actual Control. We note the Indian Army has announced that 20 soldiers lost their lives, we offer our condolences to their families: US State Department Spokesperson to ANI

— ANI (@ANI) June 16, 2020

ଭାରତୀୟ ସେନା ମଙ୍ଗଳବାର ଦିନ କହିଛନ୍ତି ଯେ ଚୀନ ସୈନିକଙ୍କ ସହିତ ଗଲବା ଘାଟିରେ ହୋଇଥିବା ସଂର୍ଘର୍ଷରେ ୨୦ଜଣ ଯବାନ ଶହିଦ ହୋଇଛନ୍ତି । ସେନା ପକ୍ଷରୁ ବୟାନରେ କୁହାଯାଇଛି ଯେ, “ଭାରତୀୟ ଏବଂ ଚୀନ ସୈନ୍ୟ ୧୫-୧୬ ରାତିରେ ଗଲୱା କ୍ଷେତ୍ରରେ ପରସ୍ପର ସହ ଟକ୍କର ଦେଇଥିଲେ । ୧୭ ଭାରତୀୟ ସୈନ୍ୟ ଗୁରୁତର ରୂପେ ଆହତ ହୋଇଥିଲେ ଏବଂ ପରେ ସେମାନେ ଶହିଦ ହୋଇଯାଇଥିଲେ । ଏହା ସହିତ ଶହୀଦଙ୍କ ସଂଖ୍ୟା ୨୦ ହୋଇଯାଇଛି ।”

ଏମିତିରେ ବିଦେଶ ମନ୍ତ୍ରଣାଳୟ ଏହି ଘଟଣା ପାଇଁ ଚୀନକୁ ଦାୟୀ କରିଛି । ମନ୍ତ୍ରଣାଳୟର କହିବା ଅନୁଯାୟୀ ସେ ଏକତରଫା ଭାବେ ସ୍ଥିତି ବଦଳାଇବାକୁ ଚେଷ୍ଟା କରିଛି ଏବଂ ଗଲୱା ଘାଟିରେ ଏଲଓସିର ସମ୍ମାନ କରିବା ପାଇଁ ତାକୁ ସାଧାରଣ ସହମତିରେ ପ୍ରସ୍ଥାନ କରିବା ଆବଶ୍ୟକ । ଏହା ମଧ୍ୟରେ ସଂଯୁକ୍ତ ରାଷ୍ଟ୍ରର ଅଧ୍ୟକ୍ଷ ଏନ୍ତୋନିଆ ଗୁତାରେସ୍ ଭାରତ-ଚୀନ ସୀମା ବିବାଦ ଉପେର ଗମ୍ଭୀର ଚିନ୍ତା ବ୍ୟକ୍ତ କରିଛନ୍ତି ଏବଂ ଉଭୟ ପକ୍ଷକୁ ସଂଯମତା ଅବଲମ୍ବନ କରିବା ପାଇଁ ଅନୁରୋଧ କରିଛନ୍ତି ।