କରୋନା ମଧ୍ୟରେ କରୁଣ ଦୃଶ୍ୟ : ଭିଟାମାଟିରେ ପହଂଚିବା ପାଇଁ ବଳଦ ସହ ଜୋତି ହୋଇ ଜଣେ ବ୍ୟକ୍ତି ଗାଡ଼ି ଟାଣୁଥିବାର ଭିଡିଓ ଭାଇରାଲ

କରୋନା ଭାଇରସ କାରଣରୁ ଚାଳିଥିବା ଦେଶବ୍ୟାପି ଲକଡାଉନ ମଧ୍ୟରେ ଅନେକ ହୃଦୟ ବିଦାରକ ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେଉଥିବାର ଦେଖିବାକୁ ମିଳୁଛି । ଠିକ ସେହିଭଳି ଏକ ଦୃଶ୍ୟ ସାମ୍ନାକୁ ଆସିଛି ଯାହାକୁ ଦେଖିଲେ ଆପଣଙ୍କ ମନ ଓ ମସ୍ତିଷ୍କ ଦୋହଲିଯିବ ।
ସୋସିଆଲ ମିଡିଆ ଦାବି ଅନୁଯାୟୀ ଏହି ଭିଡିଓ ଇନ୍ଦୋର ଜିଲ୍ଲା ରୁ ହୋଇ ଗୁଜୁରାତର ରାଷ୍ଟ୍ରିୟ ମାର୍ଗ ନମ୍ବର-୩(ଆଗ୍ରା-ମୁମ୍ବଇ ରାଜମାର୍ଗ)ର ବୋଲି କୁହାଯାଇଛି । ଏହି ଭିଡିଓରେ ରାଜମାର୍ଗରେ ଏକ ବଳଦଗାଡ଼ି ମନ୍ଥର ଗତିରେ ଚାଲୁଛି ଯେଉଁଥିରେ ଗୋଟିଏ ବଳଦ ଓ ଜଣେ ବ୍ୟକ୍ତି ଏକାସାଙ୍ଗରେ ଜୋତି ହୋଇଥିବା ନଜର ଆସୁଛନ୍ତି ।
ଘରକରଣାର କିଛି ସାମଗ୍ରୀରେ ଲଦା ହୋଇଥିବା ଏକ ବଳଦଗାଡ଼ିରେ ଜଣେ ମହିଳା ଓ ଜଣେ ଯୁବକ ବସିଥିବାର ଦେଖିବାକୁ ମିଳୁଛି । ବଳଦ ସହିତ ଗାଡ଼ିକୁ ଟାଣୁଥିବା ବ୍ୟକ୍ତିଜଣକ ଭିଡିଓରେ ନିଜ ନାମ ରାହୁଲ ବୋଲି କହୁଛନ୍ତି ଏବଂ ତାଙ୍କର ବୟସ ୪୦ ବର୍ଷ ପାଖାପାଖି ହୋଇଥିବା ଜଣାପଡ଼ୁଛି ।
ଏହି ଭିଡିଓରେ ବ୍ୟକ୍ତିଜଣକ କହୁଥିବା ଜଣାପଡ଼ୁଛି ଯେ(ଇନ୍ଦୋର ସହର ପାଖରେ ସ୍ଥିତ) ମୁଁ ପଥରମୁଣ୍ଡା ଗାଁର ବାସିନ୍ଦା । ଗ।।ଡ଼ିରେ ମୋର ଭାଉଜ ଏବଂ ମୋର ଛୋଟ ଭାଇ ବସିଛନ୍ତି । ଆମେ ଦେହାତୋଁ ଗାଁ ଅଭିମୁଖେ ଯାଉଅଛୁ । ଆମ ପରିବାର ବହୁତ ଗରିବ । ରାହୁଲ କହିଛନ୍ତି ଯେ ମୋ ପରିବାର ଗାଁ ଗାଁ ବୁଲି ବଳଦ କିଣା ବିକା କରିଥାଉ । ଆମେ କଣ କରିବୁ?ମୋ ପାଖରେ ଦୁଇଟି ବଳଦ ଥିଲା । କିନ୍ତୁ ମୋ ଘରେ ଅଟା ଅନ୍ୟ ରୋଷେଇ ସାମଗ୍ରୀ ଶେଷ ହୋଇଗଲା । ଏହି କାରଣରୁ ମୁଁ ୧୫,୦୦୦ ଟଙ୍କା ମୂଲ୍ୟର ଗୋଟିଏ ବଳଦକୁ ମାତ୍ର ୫,୦୦୦ଟଙ୍କାରେ ୧୫ ଦିନ ଆଗରୁ ବିକିଦେଇଛି, ଯାହାଦ୍ୱାରା ମୁଁ ମୋର ଘର ଖର୍ଚ ଚଳାଇପାରିବି ।

शिवराज जी आँखे खोलो , नींद से जागो , बेबस , लाचार मज़दूरों की दशा देखो , उनकी सुध लो।
वल्लभ भवन से सरकार को बाहर निकालो।
आपके सारे दावे हवा- हवाई साबित हुए है।प्रदेश की सीमाएँ , प्रमुख मार्ग आज भी मज़दूरों से भरे पड़े हुए है , उनकी कोई सुध लेने वाला नहीं है।
1/5 pic.twitter.com/yvRRyD8EeT

— Office Of Kamal Nath (@OfficeOfKNath) May 13, 2020

ଏହା ମଧ୍ୟରେ ପ୍ରଶାସନ ଏହି ଭାଇରାଲ ଭିଡିଓର ତଦନ୍ତ କରିଛନ୍ତି । ଅନୁବିଭାଗୀୟ ମାଜିଷ୍ଟ୍ରେଟ(ଏସଡିଏମ) ପ୍ରତୂଲ ସିହ୍ନା ବୁଧବାରଦିନ ଜଣାଇଛନ୍ତି ଯେ ମୁଁ ମହୁର ଜନପଦ ପଂଚାୟତର ମୁଖ୍ୟ କାର୍ଯ୍ୟକର୍ତା ଅଧିକାରୀଙ୍କୁ (ସିଇଓ)ଘଟଣାର ସମ୍ପୂର୍ଣ୍ଣ ସତ୍ୟତା ଖୋଜିବାହାର କରିବାର ନିର୍ଦ୍ଦେଶ ଦିଆଯାଇଛି । ସିହ୍ନା କହିଛନ୍ତି ଯେ ଭିଡିଓରେ ବଳଦଗାଡ଼ି ସହ ଜୋତି ହୋଇଥିବା ବ୍ୟକ୍ତିଙ୍କର ସନ୍ଧାନ କରାଯାଉଛି ଏବଂ ସମ୍ବନ୍ଧିତ ସରକାରୀ ଯୋଜନା ଅନୁଯାୟୀ ତାଙ୍କ ପରିବାରକୁ ପ୍ରତ୍ୟେକ ସମ୍ଭବ ସାହାଯ୍ୟ ଯୋଗାଇଦିଆଯିବ ।