କରୋନା ଆକ୍ରାନ୍ତ ଶୀର୍ଷ ୨୦ଟି ଦେଶ ମଧ୍ୟରେ ଏବେ ମଧ୍ୟ ୧୬ତମ ସ୍ଥାନରେ ରହିଛି ଭାରତ, ଅନ୍ୟ ଦେଶ ତୁଳନାରେ ଭଲ ରହିଛି ସ୍ଥିତି

କରୋନାରେ ସର୍ବାଧିକ ପ୍ରଭାବିତ ୨୦ଟି ଦେଶ ମଧ୍ୟରେ ଭାରତର ସ୍ଥାନ ୧୬ ନମ୍ବରରେ ରହିଛି । ଶୀର୍ଷ ୧୧ରେ ଥିବା ଦେଶଗୁଡ଼ିକରେ ସଂକ୍ରମିତଙ୍କ ସଂଖ୍ୟା ୫୦ହଜାରରୁ ମଧ୍ୟ ଉର୍ଦ୍ଧ୍ୱ ରହିଛି । ଯେଉଁଥିରେ ଆମେରିକା ସର୍ବାଧିକ ସଂକ୍ରମିତ ଓ ମୃତ୍ୟୁ ସଂଖ୍ୟା ସହିତ ପ୍ରଥମ ନମ୍ବରରେ ରହିଛି । ଏହା ପରେ ସ୍ପେନ, ଇଟାଲୀ, ଜର୍ମାନୀ ଏବଂ ବ୍ରିଟେନ ରହିଛନ୍ତି । ପୃଥିବୀର ସ୍ୱର୍ଗ କୁହାଯାଉଥିବା କମ୍ ଜନସଂଖ୍ୟା ବିଶିଷ୍ଟ ସ୍ୱିଜରଲ୍ୟାଣ୍ଡ ଠାରୁ ମଧ୍ୟ ଭାରତ ଭଲ ସ୍ଥିତିରେ ରହିଛି । ଏପର୍ଯ୍ୟନ୍ତ ଭାରତରେ ମୋଟ ୨୯, ୪୫୧ ଜଣ ସଂକ୍ରମିତ ହୋଇଥିବାବେଳେ ୯୩୯ ଜଣଙ୍କର ମୃତ୍ୟୁ ହୋଇସାରିଛି । ଅନ୍ୟପଟେ ସ୍ୱିଜରଲ୍ୟାଣ୍ଡରେ ସଂକ୍ରମିତଙ୍କ ସଂଖ୍ୟା ୨୯, ୧୬୪ ରହିଥିବାବେଳ ୧୬୬୫ ଜଣଙ୍କର ମୃତ୍ୟୁ ହୋଇସାରିଲାଣି ।
ଡବ୍ଲୁଏଚଓ ଏବଂ ଜନ ହପକିନ୍ସ ୟୁନିଭର୍ସିଟି ଗବେଷଣା କେନ୍ଦ୍ର ଅନୁସାରେ ସୋମବାର ସଂନ୍ଧ୍ୟା ପର୍ଯ୍ୟନ୍ତ ସ୍ୱିଜରଲ୍ୟାଣ୍ଡ ୧୫ ତମ ସ୍ଥାନରେ ଥିଲା, ଯେଉଁଠାରେ କରୋନାର ୬୩ ଦିନ ମଧ୍ୟରେ୨୯,୦୬୧ ଜଣ ସଂକ୍ରମିତ ଥିବାବେଳେ ୧୬୧୦ଜଣଙ୍କର ମୃତ୍ୟୁ ହୋଇସାରିଛି । ଅନ୍ୟପଟେ ଭାରତୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ଆକଳନ ଅନୁଯାୟୀ ଭାରତରେ ୮୯ ଦିନ ମଧ୍ୟରେ ୨୭,୮୯୨ ସଂକ୍ରମିତ ହୋଇଥିବାବେଳେ ୮୭୨ ଜଣଙ୍କର ମୃତ୍ୟୁ ହୋଇଛି ।
ଭାରତରେ ପ୍ରଥମ କେଶ ୩୦ ଜାନୁଆରୀରେ ଆସିଥିବାବେଳେ ସ୍ୱିଜରଲ୍ୟାଣ୍ଡରେ ୨୬ ଫ୍ରେବୃଆରୀ ଅର୍ଥାତ ଭାରତର ୨୬ ଦିନ ପରେ ଆସିଥିଲା । ଆଜି କିନ୍ତୁ ୮୬ ଲକ୍ଷ ଜନସଂଖ୍ୟା ବିଶିଷ୍ଟ ସ୍ୱିଜରଲ୍ୟାଣ୍ଡ, ୧୩୦ କୋଟି ଜନସଂଖ୍ୟା ବାଲା ଭାରତ ଠାରୁ ମଧ୍ୟ ଅଧିକ ପ୍ରଭାବିତ ।