ମୋଦୀ ସରକାର ଦୀପାବଳି ପୂର୍ବରୁ ୩୦ ଲକ୍ଷ ସରକାରୀ କର୍ମଚାରୀଙ୍କୁ ବୋନସ୍ ଦେବାକୁ ନିଷ୍ପତ୍ତି ନେଇଛନ୍ତି। କେନ୍ଦ୍ର ମନ୍ତ୍ରୀ ପ୍ରକାଶ ଜାଭେଦକର କହିଛନ୍ତି ଏଥିରେ ସରକାରଙ୍କ ଉପରେ ୩,୭୩୭ କୋଟି ଟଙ୍କାର ଅତିରିକ୍ତ ବୋଝଭାର ପଡିବ। ବିଜୟାଦଶମୀ କିମ୍ବା ଦୁର୍ଗା ପୂଜା ପୂର୍ବରୁ ୩୦ ଲକ୍ଷ କର୍ମଚାରୀଙ୍କୁ କେନ୍ଦ୍ର ସରକାର ୩୭୩୭ କୋଟି ଟଙ୍କାର ବୋନସ୍ ପ୍ରଦାନ କରିବା ଆରମ୍ଭ କରି ଦେବେ। କର୍ମଚାରୀଙ୍କୁ ଡାଇରେକ୍ଟ ବେନିଫିଟ୍ ଟ୍ରାନ୍ସଫର ଜରିଆରେ ଗୋଟିଏ କିସ୍ତିରେ ହିଁ ବୋନସ୍ ଦେବେ। ଜାଭେଦକର କହିଛନ୍ତି ଜନକଲ୍ୟାଣର ଅନେକ ଆଇନ ଭାରତରେ ଥାଇ ବି ଜାମ୍ମୁ-କାଶ୍ମୀର ଉପରେ ଲାଗୁ ହେଉନଥିଲା। ଆଜି ସେହି ନିର୍ଣ୍ଣୟ ଉପରେ ମୋହର ବାଜିଛି। ଏବେ ଜିଲ୍ଲା ବିକାଶ ପରିଷଦର ସିଧାସଳଖ ନିର୍ବାଚନ ହୋଇ ଜନପ୍ରତିନିଧିଙ୍କ ହାତରେ କ୍ଷମତା ଆସିବ। ଗ୍ରାମ ପଞ୍ଚାୟତ, ପଞ୍ଚାୟତ ସମିତି ଓ ଜିଲ୍ଲା ପରିଷଦ ଏମିତି ତ୍ରିସ୍ତରୀୟ ବ୍ୟବସ୍ଥା ପଞ୍ଚାୟତ ଆଇନ ଆଧାରରେ କାଶ୍ମୀରରେ ମଧ୍ୟ ଲାଗୁ ହେବ।
The bonus will be given in a single installment, through Direct Benefit Transfer, before Vijayadashami: Union Minister Prakash Javadekar https://t.co/Y5ST8UGjjf
— ANI (@ANI) October 21, 2020
ଉଲ୍ଲେଖନୀୟ ଏହା ପୂର୍ବରୁ କେନ୍ଦ୍ର ସରକାର ନିକଟରେ ସମସ୍ତ ସରକାରୀ ଅଧିକାରୀ ଓ କର୍ମଚାରୀଙ୍କୁ ପାର୍ବଣ ଅବସରରେ ୧୦ ହଜାର ଟଙ୍କାର ସୁଧ ମୁକ୍ତ ଅଗ୍ରୀମ ଦେବାକୁ ନିଷ୍ପତ୍ତି ନେଇଥିଲେ। ଉପଭୋକ୍ତାଙ୍କ ଖର୍ଚ୍ଚ ବଢାଇ ଅର୍ଥବ୍ୟବସ୍ଥାରେ ଚାହିଦା ବୃଦ୍ଧି କରିବା ଉଦ୍ଦେଶ୍ୟରେ ସରକାର ଏହି ପଦକ୍ଷେପ ଉଠାଇଥିଲେ।
Comments are closed.