ନିଜ ଇନଷ୍ଟାଗ୍ରାମରେ ଐଶ୍ୱର୍ଯ୍ୟା ରାୟଙ୍କ ଫଟୋ ସେୟାର କଲେ ଡବ୍ଲୁଡବ୍ଲୁଇ ସୁପର ଷ୍ଟାର ଜନ ସୀନା
ଡବ୍ଲୁଡବ୍ଲୁଇ ସୁପର ଷ୍ଟାର ଜନ ସୀନା ନିଜର ଇନଷ୍ଟାଗ୍ରାମ ପୋଷ୍ଟ ଯୋଗୁଁ ବେଶ ଚ୍ଚର୍ଚାରେ ଅଛନ୍ତି । ସେ ବଲିଉଡ ଅଭିନେତ୍ରୀ ଐଶ୍ୱର୍ଯ୍ୟା ରାୟଙ୍କର ଏକ ଫଟକୁ ନିଜର ଇନଷ୍ଟାଗ୍ରାମ ପେଜରେ ସେୟାର କରିଛନ୍ତି । ଏହା ପୂର୍ବରୁ ସେ ଅମିତାଭ ବଚନ ଏବଂ ଅଭିଷେକ ବଚ୍ଚନଙ୍କ ଫଟୋ ମଧ୍ୟ ନିଜ ଇନଷ୍ଟାଗ୍ରାମରେ କରିଥିଲେ ।
ଡବ୍ଲୁଡଢବ୍ଲୁଇ ସୁପରଷ୍ଟାର ଜନ ସୀନା ଐଶ୍ୱର୍ଯ୍ୟା ରାୟ ବଚ୍ଚନ କରୋନା ପଜିଟିଭ ବାହାରିବା ପରେ ତାଙ୍କ ଫଟୋ ସେୟାର କରିଛନ୍ତି । ତାଙ୍କର ଏହି ଫଟୋକୁ ପାଖାପାଖି ୬ ଲକ୍ଷ ଲୋକ ଲାଇକ କରିସାରିଛନ୍ତି ଏବଂ ଫଟୋ ଉପରେ ପାଖାଫାଖି ୧୧ ହଜାର କଂମେଟ ରହିଛି । ଅମିତାଭ ଏବଂ ଅଭିଷେକ ବଚ୍ଚନ କରୋନା ପଜିଟିଭ ବାହାରିବା ପରେ ଜନ ସୀନା ସେମାନଙ୍କର ଫଟୋ ସେୟାର କରିଥିଲେ ।
ଭାରତରେ ଜନ ସୀନାଙ୍କର ଲକ୍ଷ ଲକ୍ଷ ପ୍ରଶଂସକ ଅଛନ୍ତି । ଛୁଆଙ୍କ ଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ତାଙ୍କୁ ବେଶ ପସନ୍ଦ କରନ୍ତି । ଏହି କାରଣରୁ ତାଙ୍କର ଇନଷ୍ଟାଗ୍ରାମ ପୋଷ୍ଟରେ ଭାରତୀୟ ଲୋକଙ୍କ ସମ୍ବନ୍ଧିତ ପୋଷ୍ଟ ଦେଖିବାକୁ ମିଳିଥାଏ ।
ସେିହିଭଳି ଭାରତୀୟ ଅଭିନେତା ସୁଶାନ୍ତ, ଇରଫାନ ଏବଂ ରିଷି କପୁରଙ୍କ ନିଧନ ପରେ ଜନ ସୀନା ନିଜ ଇନଷ୍ଟାଗ୍ରାମରେ ସେମାନଙ୍କ ଫଟୋ ମଧ୍ୟ ସେୟାର କରିଥିଲେ । ଏହା ବ୍ୟତୀତ ସେ ଶାହାରୁଖ ଖାନ, ରଣବୀର ସିଂ ଏବଂ ଶିଳ୍ପା ସେଟ୍ଟୀଙ୍କ ଫଟୋ ମଧ୍ୟ ସେୟାର କରିଥିଲେ ।
ଇନଷ୍ଟାଗ୍ରାମରେ ଜନ ସୀନାଙ୍କର ୧୪.୨ ମିଲିୟନରୁ ଅଧିକ ଫଲୋର ଅଛନ୍ତି । ଏମିତିରେ ସେ କାହାକୁ ମଧ୍ୟ ଫଲୋ କରନ୍ତି ନାହିଁ । ରୋଚକ କଥା ଏହା ଯେ ବୃତିରୁ ଜଣେ ଡବ୍ଲୁଡବ୍ଲୁଇ ସୁପରଷ୍ଟାର ହୋଇ ମଧ୍ୟ ତାଙ୍କ ପେଜରେ ଡବ୍ଲୁଡବ୍ଲୁଇ ରିଙ୍ଗ କିମ୍ବା ତାହ ସହ ଜଡିତ ଖୁବ କମ ପୋଷ୍ଟ ଦେଖିବାକୁ ମିଳିଥାଏ ।
Comments are closed.