ଇସ୍ତଫା ଦେଲେ ଅଭିନେତା ୱିଲ୍ ସ୍ମିଥ୍
ଇସ୍ତଫା ଦେଲେ ଆମେରିକୀୟ ଅଭିନେତା ୱିଲ୍ ସ୍ମିଥ୍ । ଏକାଡେମୀ ଅଫ ମୋସନ୍ ପିକଚର୍ ଆର୍ଟ୍ସ ଆଣ୍ଡ ସାଇନ୍ସ ସଦସ୍ୟରୁ ୱିଲ୍ ସ୍ମିଥ୍ ଇସ୍ତଫା ଦେଇଥିବା ଜଣାପଡ଼ିଛି । ପୂର୍ବରୁ ଓସ୍କାର ଉତ୍ସବରେ ହାସ୍ୟ ଅଭିନେତା କ୍ରିସ୍ ରକଙ୍କୁ ଚାପୁଡ଼ା ମାରି ବିବାଦୀୟ ହୋଇଥିଲେ ୱିଲ୍ । ଏନେଇ କିଛି ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା । ପରେ ଘଟଣାକୁ ନେଇ ୱିଲ୍ ସ୍ମିଥଙ୍କୁ ଶୃଙ୍ଖଳା କମିଟି ନୋଟିସ୍ କରିଥିଲା । ଶୃଙ୍ଖଳା କମିଟିର ନୋଟିସ ପରେ ସଦସ୍ୟ ପଦରୁ ୱିଲ୍ ସ୍ମିଥ୍ ଇସ୍ତଫା ଦେଇଛନ୍ତି । ଇସ୍ତଫା ଦେବା ପରେ ଏନେଇ ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି ୱିଲ୍ ସ୍ମିଥ୍ । ୱିଲ୍ କହିଛନ୍ତି ମୋର ନିଜର ହୀନ କାର୍ଯ୍ୟ ପାଇଁ ମୁଁ ଅନୁତାପ କରୁଛି । ଏଥିପାଇଁ ଯେଉଁ ଦଣ୍ଡ ମତେ ଦିଆଯିବ ତାହାକୁ ମୁଁ ମାନିବାକୁ ପ୍ରସ୍ତୁତ ରହଛି । ତେବେ ଶେଷରେ ସୂଚନା ଥାଉକି ନିକଟରେ ଶ୍ରେଷ୍ଠ ଅଭିନେତା ଭାବେ ୱିଲ୍ ସ୍ମିଥ୍ ଓସ୍କାର ପୁରସ୍କାର ପାଇଥିଲେ ।
Comments are closed.