‘ମୋତେ କାହିଁକି ଏହା ଦିଆଗଲା ‘, ମ୍ୟାଚ୍ ର ଶ୍ରେଷ୍ଠ ଖେଳାଳି ଭାବେ ତାଙ୍କ ନାମ ଶୁଣି ଧୋନି ହୋଇଗଲେ ଆଶ୍ଚର୍ଯ୍ୟ

ଲକ୍ଷ୍ନୌ ବିପକ୍ଷରେ ଧୋନି ୨୩୬.୩୬ ଷ୍ଟ୍ରାଇକ୍ ରେଟ୍ ରେ ବ୍ୟାଟିଂ କରିଥିଲେ। ଏହି ସମୟରେ ସେ ୪ଟି ଚୌକା ଓ ଗୋଟିଏ ଛକା ମାରିଥିଲେ। ମ୍ୟାଚ୍ ପରେ ଯେତେବେଳେ ତାଙ୍କୁ ମ୍ୟାଚ୍ ର ଶ୍ରେଷ୍ଠ ଖେଳାଳି ପୁରସ୍କାର ପାଇଁ ଡକାଯାଇଥିଲା, ସେତେବେଳେ ସେ ଆଶ୍ଚର୍ଯ୍ୟ ହୋଇଯାଇଥିଲେ। ମହେନ୍ଦ୍ର ସିଂହ ଧୋନି ଲକ୍ଷ୍ନୌ ସୁପର ଜାଏଣ୍ଟସ (ଏଲଏସଜି) ବିପକ୍ଷରେ ୧୧ ବଲ୍ ରୁ ୨୭ ରନ୍ ର ଅପରାଜିତ ଇନିଂସ୍ ଖେଳି ଦଳକୁ ବିଜୟୀ କରାଇଥିଲେ। ଷଷ୍ଠ ୱିକେଟ୍ ପାଇଁ ସେ ଶିବମ ଦୁବେଙ୍କ ସହ ୫୦ରୁ ଅଧିକ ରନ୍ ର ଭାଗିଦାରୀ କରିଥିଲେ। ମ୍ୟାଚ୍ ପରେ ଅଧିନାୟକ ଧୋନିଙ୍କୁ ତାଙ୍କ ଚମତ୍କାର ପ୍ରଦର୍ଶନ ପାଇଁ ମ୍ୟାଚ୍ ର ଶ୍ରେଷ୍ଠ ଖେଳାଳି ଭାବେ ମନୋନୀତ କରାଯାଇଥିଲା। ତେବେ ଏହି ପୁରସ୍କାର ପାଇଁ ତାଙ୍କ ନାମ ଶୁଣି ‘ଥାଲା’ ଆଶ୍ଚର୍ଯ୍ୟ ହୋଇଯାଇଥିଲା।

ଧୋନି ମ୍ୟାଚ୍ ର ଶ୍ରେଷ୍ଠ ଖେଳାଳି ପୁରସ୍କାର ପାଇ ଆଶ୍ଚର୍ଯ୍ୟ ହୋଇଯାଇଥିଲେ

ଧୋନି ଲକ୍ଷ୍ନୌ ବିପକ୍ଷରେ ୨୩୬.୩୬ ଷ୍ଟ୍ରାଇକ୍ ରେଟ୍ ରେ ବ୍ୟାଟିଂ କରିଥିଲେ। ଏହି ସମୟରେ ସେ ୪ଟି ଚୌକା ଓ ଗୋଟିଏ ଛକା ମାରିଥିଲେ। ମ୍ୟାଚ୍ ପରେ ଯେତେବେଳେ ତାଙ୍କୁ ପ୍ଲେୟାର ଅଫ୍ ଦି ମ୍ୟାଚ୍ ପୁରସ୍କାର ପାଇଁ ଡକାଯାଇଥିଲା, ସେତେବେଳେ ସେ ଆଶ୍ଚର୍ଯ୍ୟ ହୋଇଯାଇଥିଲେ। ସେ ପଚାରିଥିଲେ, ମୋତେ କାହିଁକି ଏହି ପୁରସ୍କାର ପାଇଁ ଚୟନ କରାଗଲା? ଏହି ସମୟରେ ଥାଲା ଚେନ୍ନାଇର ମାରାତ୍ମକ ସ୍ପିନର ନୁର ଅହମ୍ମଦଙ୍କୁ ପ୍ରଶଂସା କରି କହିଛନ୍ତି ଯେ ନୁର ଏହି ପୁରସ୍କାର ପାଇବାକୁ ଯୋଗ୍ୟ। ନୂର ଅହମ୍ମଦଧୋନି କହିଛନ୍ତି, ଆପଣମାନେ ସମସ୍ତେ ମୋତେ ମ୍ୟାଚ୍ ର ଶ୍ରେଷ୍ଠ ଖେଳାଳି ପୁରସ୍କାର ଦେଉଥିବାରୁ ମୁଁ ବି ଆଶ୍ଚର୍ଯ୍ୟ ହୋଇଥିଲି। ମୁଁ ଭାବୁଛି ନୁର ଆଜି ବହୁତ ଭଲ ବୋଲିଂ କରିଛନ୍ତି। ମୋର ବିଶ୍ୱାସ ଯେ ନୂଆ ବଲ୍ ବୋଲରମାନେ ମଧ୍ୟ ବହୁତ ଭଲ ପ୍ରଦର୍ଶନ କରିଛନ୍ତି। ବାସ୍ତବରେ ୨୦ ବର୍ଷୀୟ ଆଫଗାନିସ୍ତାନ ସ୍ପିନର ନିଜର ମାରାତ୍ମକ ୪ ଓଭର ସ୍ପେଲରେ ମାତ୍ର ୧୩ ରନ୍ ଦେଇଥିଲେ। ତେବେ ସେ କୌଣସି ୱିକେଟ୍ ନେଇ ନ ଥିଲେ ମଧ୍ୟ ୩.୨୫ ଇକୋନୋମି ରେ ବୋଲିଂ କରିଥିଲେ।