କିଏ ସେହି ବୈଭବ ସୂର୍ଯ୍ୟବଂଶୀ ? ଆଇପିଏଲ୍ ୨୦୨୫ର ସର୍ବକନିଷ୍ଠ ଖେଳାଳିଙ୍କୁ ଜାଣନ୍ତୁ

ଆଇପିଏଲର ୧୮ତମ ସିଜିନ ୨୨ ମାର୍ଚ୍ଚରୁ ଆରମ୍ଭ ହେବ। ଏଥର ଏହି ଲିଗର ସବୁଠାରୁ ଯୁବ ଖେଳାଳି ହେଉଛନ୍ତି ବୈଭବ ସୂର୍ଯ୍ୟବଂଶୀ। ଯିଏ ତାଙ୍କର ପ୍ରଥମ ମ୍ୟାଚ୍ ଖେଳିବା ମାତ୍ରେ ଇତିହାସ ସୃଷ୍ଟି କରିବେ। ବୈଭବଙ୍କଠାରୁ ଆରମ୍ଭ କରି ମୁଶିର ଖାନଙ୍କ ପର୍ଯ୍ୟନ୍ତ ଏହି ସିଜିନରେ ୫ ଜଣ ଏପରି ଖେଳାଳି ଅଛନ୍ତି ଯେଉଁମାନଙ୍କ କିନିଷ୍ଠ ଖେଳାଳିଙ୍କ ମଧ୍ୟରେ ସାମିଲ ଅଛନ୍ତି।

ଆଇପିଏଲ ୨୦୨୫ ର ସବୁଠାରୁ ଯୁବ କ୍ରିକେଟର ହେଉଛନ୍ତି ବିହାରର ବୈଭବ ସୂର୍ଯ୍ୟବଂଶୀ। ଏଥର IPLରେ ରାଜସ୍ଥାନ ରୟାଲ୍ସ ପାଇଁ ଏହି ଖେଳାଳି ଖେଳିବେ। ବୈଭବଙ୍କୁ ରାଜସ୍ଥାନ ରୟାଲ୍ସ ୧.୧୦ କୋଟି ଟଙ୍କାରେ ଚୁକ୍ତିବଦ୍ଧ କରିଛି। ଏହା ବୈଭବଙ୍କର ପ୍ରଥମ IPL ଚୁକ୍ତି। ସେ ୧୯ ବର୍ଷରୁ କମ୍ ଏସିଆ କପରେ ନିଜର ଚମତ୍କାର ପ୍ରଦର୍ଶନ କରି ସମସ୍ତଙ୍କୁ ପ୍ରଭାବିତ କରିଥିଲେ। ଆଇପିଏଲ ୨୦୨୫ ନିଲାମରେ ବିକ୍ରି ହେବା ପରେ ବୈଭବ ସୂର୍ଯ୍ୟବଂଶୀଙ୍କ ବୟସ ବିଷୟରେ ବହୁତ ଆଲୋଚନା ହୋଇଥିଲା। ତାଙ୍କ ବୟସ ଫେକ୍ ବୋଲି କୁହାଯାଉଥିଲା। କିନ୍ତୁ ଏହି ଖେଳାଳି ଏସବୁକୁ ପଛରେ ପକାଇ ଘରୋଇ କ୍ରିକେଟରେ ନିଜର ପ୍ରଦର୍ଶନ ଜାରି ରଖିଛନ୍ତି।

ଚେନ୍ନାଇ ସୁପର କିଙ୍ଗ୍ସ ୧୮ ବର୍ଷୀୟ ଆଣ୍ଡ୍ରେ ସିଦ୍ଧାର୍ଥଙ୍କୁ ନିଜ ଦଳରେ ସାମିଲ କରିଛି। ସିଦ୍ଧାର୍ଥ ରଣଜୀ ଟ୍ରଫିରେ ବହୁତ ଭଲ ପ୍ରଦର୍ଶନ କରିଛନ୍ତି। ଏହି ପ୍ରଦର୍ଶନ ଆଧାରରେ ସେ CSKକୁ ପ୍ରଭାବିତ କରିଥିଲେ ଏବଂ ଏହି ଖେଳାଳିଙ୍କୁ ୩୦ ଲକ୍ଷ ଟଙ୍କାରେ କିଣିଥିଲେ।

ଦକ୍ଷିଣ ଆଫ୍ରିକାର ଉଦୀୟମାନ ଦ୍ରୁତ ବୋଲର କ୍ୱେନା ମଫାକା ପାକିସ୍ତାନର ବାବର ଆଜମଙ୍କୁ ଆଉଟ୍ କରିବା ପରେ ବହୁତ ପ୍ରଶଂସା ପାଇଥିଲେ। ସେ ନିଜର ଅନ୍ତର୍ଜାତୀୟ ଡେବ୍ୟୁ ମ୍ୟାଚ୍‌ରେ ବାବରଙ୍କୁ ଆଉଟ୍ କରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ। ୧୮ ବର୍ଷୀୟ ମଫାକା ୧୯ ବର୍ଷରୁ କମ୍ ବିଶ୍ୱକପରେ ଚମତ୍କାର ପ୍ରଦର୍ଶନ କରିଥିଲେ। ତାଙ୍କୁ ନିଲାମରେ ରାଜସ୍ଥାନ ରୟାଲ୍ସ କିଣିଛି।

୧୯ ବର୍ଷୀୟ ସ୍ୱସ୍ତିକ ଚିକାରାକୁ ଆରସିବି ୩୦ ଲକ୍ଷ ଟଙ୍କାରେ ସାମିଲ କରିଛି। ଚିକାରା ଆଇପିଏଲ ୨୦୨୫ର ଚତୁର୍ଥ ସର୍ବକନିଷ୍ଠ ଖେଳାଳି। ଉତ୍ତର ପ୍ରଦେଶ ଟି-୨୦ ଲିଗରେ ୪୯୯ ରନ କରିବା ପରେ ଚିକାରା ଚର୍ଚ୍ଚାକୁ ଆସିଥିଲେ।

ଏହି ତାଲିକାରେ ପଞ୍ଚମ ସ୍ଥାନରେ ଅଛନ୍ତି ୧୯ ବର୍ଷୀୟ ମୁଶିର ଖାନ। ଯିଏ ସରଫରାଜ ଖାନଙ୍କ ସାନ ଭାଇ। ମୁଶିରଙ୍କୁ ପଞ୍ଜାବ କିଙ୍ଗ୍ସ ୩୦ ଲକ୍ଷ ଟଙ୍କାରେ କିଣିଛି। ଘରୋଇ କ୍ରିକେଟରେ ମୁଶିରଙ୍କର ଏକ ଉତ୍କୃଷ୍ଟ ରେକର୍ଡ ରହିଛି। ସେ ମୁମ୍ବାଇ ପାଇଁ ଘରୋଇ କ୍ରିକେଟ ଖେଳନ୍ତି। ମୁଶିର ଖାନଙ୍କ ନାମରେ ରଣଜୀ ଟ୍ରଫିରେ ଏକ ଦ୍ୱିଶତକ ଅଛି। ନିକଟରେ ତାଙ୍କର ଏକ ସଡ଼କ ଦୁର୍ଘଟଣା ହୋଇଥିଲା ଯାହା ପରେ ସେ କିଛି ମାସ ପର୍ଯ୍ୟନ୍ତ କ୍ରିକେଟରୁ ଦୂରରେ ରହିଥିଲେ। ଦୁର୍ଘଟଣା ପରେ ମୁଶିର ଆଇପିଏଲରେ ଡେବ୍ୟୁ କରିବାକୁ ପ୍ରସ୍ତୁତ।