୨୪୨ ଯାତ୍ରୀଙ୍କୁ ନେଇ ଯାଉଥିବା ବିମାନ ଦୁର୍ଘଟଣାଗ୍ରସ୍ତ, ଦେଖନ୍ତୁ ଦୁର୍ଘଟଣା ସମୟର ଛାତି ଥରା ଦୃଶ୍ୟ
ଅହମଦାବାଦ: ଏକଛାତି ଥରା ଘଟଣା, ଗୁରୁବାର ଦିନ ଗୁଜରାଟର ଅହମଦାବାଦରେ ଏୟାର ଇଣ୍ଡିଆର ଏକ ବିମାନ ଉଡ଼ାଣ ଭରିବା ସମୟରେ ଦୁର୍ଘଟଣାଗ୍ରସ୍ତ ହୋଇଛି।
ବିମାନରେ ୨୪୨ ଜଣ ଯାତ୍ରୀ ଥିଲେ। ଉଡ଼ାଣ ଭରିବା ସମୟରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣା ପରେ ଆକାଶରେ ଘନ କଳା ଧୂଆଁର ମେଘ ଖେଳିଗଲା।
ଯାତ୍ରୀଙ୍କ ଅବସ୍ଥା କିମ୍ବା କୌଣସି ମୃତାହତ ବିଷୟରେ କୌଣସି ସୂଚନା ନାହିଁ। ବିମାନଟି ସର୍ଦ୍ଦାର ବଲ୍ଲଭ ଭାଇ ପଟେଲ ଅନ୍ତର୍ଜାତୀୟ ବିମାନବନ୍ଦରରୁ ଅହମଦାବାଦରୁ ଲଣ୍ଡନ ଅଭିମୁଖେ ଯାତ୍ରା କରୁଥିଲା।
ଏହା ଏକ ବ୍ରେକିଂ ଷ୍ଟୋରୀ। ଅଧିକ ସୂଚନା ଅପେକ୍ଷା କରାଯାଇଛି।
ସର୍ବଶେଷ ସୂଚନା ଅନୁଯାୟୀ, ବିମାନରେ ୨୪୨ ଜଣ ଯାତ୍ରୀ ଥିଲେ। ଅଗ୍ନିଶମ ବାହିନୀ ଦ୍ୱାରା ଉଦ୍ଧାର କାର୍ଯ୍ୟ ଜାରି ରହିଛି। ଦୁର୍ଘଟଣା ପରେ ବୋଇଂ ଡ୍ରିମଲାଇନର ୭୮୭ରେ ନିଆଁ ଲାଗିଯାଇଥିଲା।
ଏୟାର ଇଣ୍ଡିଆ ବି୭୮୭ ବିମାନ ଭିଟି-ଏଏନବି, ଅହମ୍ମଦାବାଦରୁ ଲଣ୍ଡନର ଗାଟୱିକ୍ ଯାଉଥିବା AI-୧୭୧ ଉଡ଼ାଣ କରୁଥିବା ସମୟରେ ଅହମ୍ମଦାବାଦରୁ ଉଡ଼ାଣ ଆରମ୍ଭ କରିବା ମାତ୍ରେ ଦୁର୍ଘଟଣାଗ୍ରସ୍ତ ହୋଇଛି। ବିମାନରେ ୨୪୨ ଜଣ ଥିଲେ, ଯେଉଁଥିରେ ୨ ଜଣ ପାଇଲଟ୍ ଏବଂ ୧୦ ଜଣ କ୍ୟାବିନ କ୍ରୁ ଥିଲେ। ବିମାନଟି କ୍ୟାପ୍ଟେନ ସୁମିତଙ୍କ ନେତୃତ୍ୱରେ ଥିଲା।
ବିମାନ ଦୁର୍ଘଟଣା ସମ୍ପର୍କରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଗୁଜୁରାଟ ମୁଖ୍ୟମନ୍ତ୍ରୀ, ଗୃହମନ୍ତ୍ରୀ ଏବଂ ପୋଲିସ କମିଶନରଙ୍କ ସହ କଥା ହୋଇଛନ୍ତି। ସେ କେନ୍ଦ୍ର ସରକାରଙ୍କ ସହାୟତା ଯୋଗାଇବାକୁ ମଧ୍ୟ ପ୍ରତିଶ୍ରୁତି ଦେଇଛନ୍ତି।
Comments are closed.