ତାରରେ ଝୁଲୁଥିଲା ବିଶାଳକାୟ ସାପ , ଭିଡ଼ିଓ ଦେଖିଲେ ଲୋମ ଟାଙ୍କୁରି ଉଠିବ

ପଶୁ ଏବଂ ମଣିଷ ମଧ୍ୟରେ ସମ୍ପର୍କ ବହୁତ ପୁରୁଣା । ଦୀର୍ଘ କାଳରୁ ମଣିଷ ଏବଂ ପଶୁମାନେ ପରସ୍ପର ସହିତ ବାସ କରୁଥିବା ଦେଖିବାକୁ ମିଳିଛି। ତଥାପି, ଏପରି କିଛି ପ୍ରାଣୀ ଅଛନ୍ତି ଯେଉଁଠାରୁ ମଣିଷମାନେ ଦୂରରେ ରହିବାକୁ ପସନ୍ଦ କରନ୍ତି । ବଣୁଆ ଜନ୍ତୁ ଏବଂ ବିଷାକ୍ତ ପ୍ରାଣୀ ସବୁଠାରୁ ବିପଜ୍ଜନକ ଅଟନ୍ତି। ବିଶେଷକରି ଯଦି ଆମେ ସାପ ବିଷୟରେ କଥାବାର୍ତ୍ତା କରିବା, ତାହେଲେ ଯିଏ କେହି ବି ଏହାକୁ ଦେଖିଲା ପରେ ଭୟଭିତ ହୋଇଯାଇଆନ୍ତି। ମଣିଷ ସାପଠାରୁ ଦୂରରେ ରହିବାକୁ ଚେଷ୍ଟା କରେ । କିନ୍ତୁ ଯଦି ଆକାଶରୁ ସାପ ଖସିବା ଆରମ୍ଭ ହୁଏ ତେବେ କଣ ହେବ ? ତାହା ପୁଣି ଏକ ଜନଗହଳି ପୂର୍ଣ୍ଣ ଅଞ୍ଚଳରେ? ବର୍ତ୍ତମାନ ସୋସିଆଲ ମିଡିଆରେ ଏଭଳି ଏକ ଭିଡିଓ ଭାଇରାଲ ହେଉଛି।

A massive snake falling from the sky is my worst nightmare 🐍😨#viralhog #snake #spooktober #nope #nightmarefuel pic.twitter.com/VS9P6q9Spy

— ViralHog (@ViralHog) October 15, 2021

ସୋସିଆଲ ମିଡିଆ ସାଇଟ ଟ୍ୱିଟରରେ ଏକ ଭିଡିଓ ବହୁତ ସେୟାର କରାଯାଉଛି । ଏଥିରେ ଏକ ସାପ ବ୍ୟସ୍ତବହୁଳ ରାସ୍ତାରେ ଥିବା ତାରରେ ଝୁଲୁଥିବା ଦେଖିବାକୁ ମିଳିଛି। ସାପ ତାରରେ ଝୁଲି ରହି ଏପଟ ସେପଟ ଝୁଲୁଥିଲା। ଲୋକମାନେ ମଧ୍ୟ ଏହି ଘଟଣାର ଭିଡିଓ ତିଆରି କରୁଥିବା ଦେଖିବାକୁ ମିଳିଥିଲା ​​। ତାରରେ ଝୁଲୁଥିବା ସାପ ଉପରେ ଲୋକଙ୍କ ଆଖି ପଡ଼ିବା ମାତ୍ରେ ସମସ୍ତେ ଶୀଘ୍ର ରାସ୍ତା ଫାଙ୍କା କରିଥିଲେ। ଏହା ପରେ ସମସ୍ତେ ଦୂରରୁ ସାପକୁ ଦେଖିବା ଆରମ୍ଭ କଲେ ।

ସାପ ତାରରେ ଗତି କରୁଥିବା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ହଠାତ୍ ଏହି ସାପ ରାସ୍ତାରେ ପଡିଗଲା। ସାପ ଖସିଯିବା ମାତ୍ରେ ଚିତ୍କାର କରିବାକୁ ଲାଗିଲେ ଲୋକେ । ‘ଆକାଶରୁ ଖସିପଡିଥିବା ସାପ’ ଏହିଭଳି କ୍ୟାପସନ୍ ଦେଇ ଭିଡିଓ ସେୟାର କରାଯାଇଥିଲା। କିନ୍ତୁ ବାସ୍ତବରେ ଏହି ସାପ ତାରରେ ଝୁଲୁଥିଲା, ଆକାଶରୁ ଖସିନଥିଲା। ସାପକୁ ଦେଖି ଉଦ୍ଧାରକାରୀ ଟିମ୍‌କୁ ସୂଚନା ଦିଆଯାଇଥିଲା। ସ୍ନେକ ହେଲ୍ପଲାଇନ୍‌ ଦ୍ବାରା ଏହି ସାପକୁ ଉଦ୍ଧାର କରାଯାଇଥିଲା । ଏହା ପରେ ସାପକୁ ଜଙ୍ଗଲରେ ଛାଡ଼ି ଦିଆଯାଇଥିଲା।