ମେଲାଣି ନେଲେ ମା’, ଭସାଣି ଶୋଭାଯାତ୍ରା ଆରମ୍ଭ

ମେଲାଣି ନେଲେ ମା’। ଗତକାଲି ବିଜୟାଦଶମୀରେ ମା’ଙ୍କୁ ସିନ୍ଦୂର ଟୋପା ଲାଗାଇ ଓ ମହିଳାମାନେ ସିନ୍ଦୂର ଖେଳି ମେଲାଣି ଦେଇଥିବା ବେଳେ ଆଜି ମା’ଙ୍କ ମୂର୍ତ୍ତି ବିସର୍ଜନ ହୋଇଛି। ୮୪ ବର୍ଷ ହେବ ଖୋର୍ଦ୍ଧା ଜଗତଜନନୀ ମଣ୍ଡପରେ ପୂଜା ପାଉଥିବା ମା’ ଦୁର୍ଗାଙ୍କ ଭସାଣି ଶୋଭାଯାତ୍ରା ଆରମ୍ଭ ହୋଇଛି। ଏହି ଶୋଭାଯାତ୍ରାରେ ଶତାଧିକ ଶ୍ରଦ୍ଧାଳୁ ଏକତ୍ରିତ ହୋଇ ଘଣ୍ଟ, ଘଣ୍ଟି ଓ ମୂର୍ଦ୍ଦଙ୍ଗ ବଜେଇ ନୃତ୍ୟରେ ମଜିଥିବା ଦେଖିବାକୁ ମିଳିଛି।