ଇସଲାମାବାଦ/କଲମ୍ବୋ: ଭାରତ ବିପକ୍ଷରେ ପରାଜୟ ପରେ ପାକିସ୍ତାନ କ୍ରିକେଟ୍ ପ୍ରେମୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ସୋସିଆଲ ମିଡିଆରେ ପାକିସ୍ତାନୀ ପ୍ରଶଂସକମାନେ ନିଜ ଟିମକୁ ଟ୍ରୋଲ କରିବା ସହ ବିଭିନ୍ନ ପ୍ରକାର କଟାକ୍ଷ କରୁଛନ୍ତି। ଟି-୨୦ ବିଶ୍ୱକପରେ ଭାରତଠାରୁ ୬୧ ରନରେ ଶୋଚନୀୟ ଭାବେ ପରାସ୍ତ ହେବା ପରେ ପାକିସ୍ତାନ କ୍ରିକେଟ ଜଗତରେ ଶୋକର ଛାୟା ଖେଳିଯାଇଛି। କଲମ୍ବୋରେ ଖେଳାଯାଇଥିବା ଏହି ହାଇ-ଭୋଲଟେଜ୍ ମ୍ୟାଚରେ ପାକିସ୍ତାନର ବ୍ୟାଟିଂ ବିପର୍ଯ୍ୟୟକୁ ଦେଖି ପ୍ରଶଂସକମାନେ ସୋସିଆଲ ମିଡିଆରେ ନିଜର କ୍ରୋଧ ପ୍ରକାଶ କରିଛନ୍ତି।
ସୋସିଆଲ ମିଡିଆରେ ଟ୍ରୋଲର ଶିକାର ପାକିସ୍ତାନ ଟିମ୍
ମ୍ୟାଚ୍ ପରେ ପରେ ଏକ୍ସ (X) ଓ ଫେସବୁକରେ ପାକିସ୍ତାନୀ ପ୍ରଶଂସକମାନେ ନିଜ ଦଳକୁ ସମାଲୋଚନା କରିବା ଆରମ୍ଭ କରିଛନ୍ତି। ଅନେକ ବ୍ୟବହାରକାରୀ ଲେଖିଛନ୍ତି ଯେ, ବାଂଲାଦେଶ ସମର୍ଥନରେ ପାକିସ୍ତାନ ସରକାର ଯେଉଁ ‘ବୟକଟ୍’ ବା ବାସନ୍ଦ କରିବାର ନିଷ୍ପତ୍ତି ନେଇ ପରେ ପଛଘୁଞ୍ଚା ଦେଇଥିଲେ, ତାହା ଅପେକ୍ଷା ବୟକଟ୍ କରିଥିଲେ ବୋଧହୁଏ ଟିମର ଅଧିକ ସମ୍ମାନ ରହିଥାନ୍ତା।
-
ମଜାକର ପାତ୍ର ସାଜିଲେ ଖେଳାଳି: ପ୍ରଶଂସକମାନେ କହିଛନ୍ତି, “ଏମିତି ଖେଳିବା ଅପେକ୍ଷା ମ୍ୟାଚ୍ ନଖେଳିବା ଭଲ ଥିଲା।”
-
ସରକାରଙ୍କ ନିଷ୍ପତ୍ତିକୁ ନେଇ କଟାକ୍ଷ: ଲୋକେ କହୁଛନ୍ତି କି ପାକିସ୍ତାନ ସରକାର ବାଂଲାଦେଶ ସମର୍ଥନରେ ଦେଇଥିବା ବୟକଟ୍ ଆହ୍ୱାନକୁ ପାଳନ କରିଥିଲେ ଆଜି ଏହି ଅପମାନ ସହିବାକୁ ପଡ଼ିନଥାନ୍ତା।
View this post on Instagram
ପୂର୍ବତନ ଖେଳାଳିଙ୍କ କ୍ରୋଧ
କେବଳ ସାଧାରଣ ଜନତା ନୁହଁନ୍ତି, ପାକିସ୍ତାନର ପୂର୍ବତନ କ୍ରିକେଟରମାନେ ମଧ୍ୟ ବାବର ଆଜମ ଏବଂ ସଲମାନ ଅଲି ଆଘାଙ୍କ ନେତୃତ୍ୱାଧୀନ ଟିମକୁ କଡ଼ା ସମାଲୋଚନା କରିଛନ୍ତି। କିଛି ପୂର୍ବତନ ଖେଳାଳି ଏହାକୁ ପାକିସ୍ତାନ କ୍ରିକେଟ୍ ଇତିହାସର ଏକ କଳା ଅଧ୍ୟାୟ ବୋଲି ବର୍ଣ୍ଣନା କରିଛନ୍ତି।
ଭାରତ ପକ୍ଷରୁ ଇଶାନ କିଶନଙ୍କ ବିସ୍ଫୋରକ ବ୍ୟାଟିଂ ଏବଂ ଭାରତୀୟ ବୋଲରଙ୍କ ଶାଣିତ ବୋଲିଂ ଆଗରେ ପାକିସ୍ତାନୀ ବ୍ୟାଟରମାନେ ଆଣ୍ଠୁ ମାଡ଼ିଥିଲେ। ଏହି ବିଜୟ ସହ ଭାରତ ବିଶ୍ୱକପରେ ନିଜର ଦବଦବା ବଜାୟ ରଖିଛି।
Comments are closed.