ମାନବିକତା ହାରିଗଲା, ଧାର ଟଙ୍କା ପାଇଁ ଶ୍ମଶାନରେ ଜଳୁଥିବା ସାଙ୍ଗର ଚିତାକୁ ବାଡ଼େଇଲେ ବନ୍ଧୁ
ଉତ୍ତରପ୍ରଦେଶର ଏକ ଛୋଟ ଗାଁରେ ଏକ ସ୍ତବ୍ଧ କରିଦେଲା ଭଳି ଘଟଣା ସାମ୍ନାକୁ ଆସିଛି। ଜଣେ ବ୍ୟକ୍ତି ତାଙ୍କର ଜଣେ ମୃତ ବନ୍ଧୁଙ୍କ ଜଳୁଥିବା ଚିତା ଉପରେ ଆକ୍ରମଣ କରୁଥିବାର ଦୃଶ୍ୟ କ୍ୟାମେରାରେ କଏଦ ହୋଇଛି। ଧାର ନେଇଥିବା ଟଙ୍କା ଫେରସ୍ତ ପାଇନଥିବାରୁ ବ୍ୟକ୍ତିଜଣକ ଏଭଳି କ୍ରୋଧ ପ୍ରକାଶ କରିଛନ୍ତି। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯାହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହେବା ସହ କ୍ଷୋଭ ପ୍ରକାଶ କରୁଛନ୍ତି।
ଏହି ଘଟଣାଟି ଗାଁର ଏକ ଶ୍ମଶାନରେ ସନ୍ଧ୍ୟା ସମୟରେ ଅନ୍ତିମ ସଂସ୍କାର ଚାଲିଥିବା ବେଳେ ଘଟିଥିଲା। ଭିଡିଓରେ ଦେଖିବାକୁ ମିଳୁଛି ଯେ, ଗୋଟିଏ ପଟେ ଜିତା ଜଳୁଛି ଏବଂ ପାଖରେ ମୃତକଙ୍କ ପତ୍ନୀ ଓ ପିଲାମାନେ ଶୋକାକୁଳ ଅବସ୍ଥାରେ ଛିଡ଼ା ହୋଇଛନ୍ତି। ଠିକ୍ ସେତିକି ବେଳେ ହଠାତ୍ ଜଣେ ବ୍ୟକ୍ତି ହାତରେ ଏକ ବାଡ଼ି ଧରି ସେଠାରେ ପହଞ୍ଚିଥିଲେ ଏବଂ ଜଳୁଥିବା ଜିତାକୁ ପିଟିବାକୁ ଆରମ୍ଭ କରିଥିଲେ, ଯାହା ଫଳରେ ସେଠାରେ ଏକ ବିଭ୍ରାଟ ପରିସ୍ଥିତି ସୃଷ୍ଟି ହୋଇଥିଲା।
ରିପୋର୍ଟ ଅନୁଯାୟୀ, ମୃତ ବ୍ୟକ୍ତିଜଣକ ସେହି ବ୍ୟକ୍ତିଙ୍କଠାରୁ ୫୦,୦୦୦ ଟଙ୍କା ଧାର ନେଇଥିଲେ, କିନ୍ତୁ ଋଣ ପରିଶୋଧ କରିବା ପୂର୍ବରୁ ତାଙ୍କର ମୃତ୍ୟୁ ହୋଇଯାଇଥିଲା। ଏଥିରେ ଉତ୍କ୍ଷିପ୍ତ ହୋଇ ବ୍ୟକ୍ତିଜଣକ ଜଳୁଥିବା ଜିତା ଉପରେ ବାଡ଼ିରେ ପ୍ରହାର କରିଥିଲେ, ଯାହା ଫଳରେ ନିଆଁରୁ ସ୍ଫୁଲିଙ୍ଗ ବାହାରିବା ସହ ଜଳୁଥିବା କାଠଗୁଡ଼ିକ ଏଣେତେଣେ ବିଛାଡ଼ି ହୋଇ ପଡ଼ିଥିଲା।
在 Instagram 查看这篇帖子
ଏହି ଦୃଶ୍ୟ ଦେଖି ଉପସ୍ଥିତ ଥିବା ଲୋକମାନେ ସ୍ତବ୍ଧ ହୋଇଯାଇଥିଲେ। ଗାଁର ଜଣେ ବ୍ୟକ୍ତି ଏହି ବିଭ୍ରାଟର ଭିଡିଓ ରେକର୍ଡ କରି ହ୍ୱାଟସଆପ୍ରେ (WhatsApp) ସେୟାର କରିଥିଲେ, ଯାହା ପରେ ଇନଷ୍ଟାଗ୍ରାମ ଏବଂ ଫେସବୁକରେ ଖୁବ୍ ଶୀଘ୍ର ଭାଇରାଲ ହୋଇ ଲକ୍ଷ ଲକ୍ଷ ଲୋକଙ୍କ ନିକଟରେ ପହଞ୍ଚିଛି।
ରିପୋର୍ଟ ଅନୁଯାୟୀ, ଏହି ଦୁଇଜଣ ବ୍ୟକ୍ତି ଗୋଟିଏ ଗାଁର ପିଲାଦିନର ସାଙ୍ଗ ଥିଲେ ଏବଂ ସେମାନେ ଏକାଠି ଚାଷ କାମ କରୁଥିଲେ। ପ୍ରାୟ ଦୁଇ ବର୍ଷ ପୂର୍ବେ, ଜଣେ ବନ୍ଧୁ ଅନ୍ୟଜଣଙ୍କଠାରୁ ଟଙ୍କା ଧାର ନେଇଥିଲେ ଏବଂ ଅମଳ ପରେ ଫସଲ ବିକ୍ରି କରି ଟଙ୍କା ସୁଝିଦେବେ ବୋଲି ପ୍ରତିଶ୍ରୁତି ଦେଇଥିଲେ।
ତେବେ, ହଠାତ୍ ଅସୁସ୍ଥତା କାରଣରୁ ଋଣ ନେଇଥିବା ବ୍ୟକ୍ତିଙ୍କର ମୃତ୍ୟୁ ହୋଇଯିବାରୁ ଟଙ୍କା ପରିଶୋଧ ହୋଇପାରିନଥିଲା, ଯାହା ଋଣ ଦେଇଥିବା ବନ୍ଧୁଙ୍କ କ୍ରୋଧକୁ ବଢ଼ାଇ ଦେଇଥିଲା। ସେହି ବ୍ୟକ୍ତିଜଣକ ଅଭିଯୋଗ କରିଥିଲେ ଯେ ମୃତ ବନ୍ଧୁଜଣକ ଜାଣିଶୁଣି ଟଙ୍କା ଅଟକାଇ ରଖିଥିଲେ। ଗ୍ରାମବାସୀଙ୍କ କହିବା ଅନୁଯାୟୀ, ସେ ପୂର୍ବରୁ ମଧ୍ୟ ଟଙ୍କା ଫେରସ୍ତ ପାଇଁ ବନ୍ଧୁଙ୍କ ଉପରେ ଚାପ ପକାଉଥିଲେ, କିନ୍ତୁ ଅନ୍ତିମ ସଂସ୍କାର ସମୟରେ ସେ ଏଭଳି ଉଗ୍ର ରୂପ ଧାରଣ କରିବେ ବୋଲି କେହି କଳ୍ପନା କରିନଥିଲେ।
ଏହି ଭାଇରାଲ ଭିଡିଓ ସୋସିଆଲ ମିଡିଆରେ ଏକ ତୀବ୍ର ବିତର୍କ ସୃଷ୍ଟି କରିଛି। ଜଣେ ବ୍ୟବହାରକାରୀ (User) ମତ ଦେଇଛନ୍ତି ଯେ, “ଏହା ହେଉଛି କଳିଯୁଗ, ଏଠାରେ ବନ୍ଧୁତା ମଧ୍ୟ ଏକ ବ୍ୟବସାୟ ପାଲଟିଛି।” ଅନ୍ୟ ଜଣେ ଲେଖିଛନ୍ତି, “ରାଗିବା ସ୍ୱାଭାବିକ, କିନ୍ତୁ ଜଳୁଥିବା ଜିତା ଉପରେ ଆକ୍ରମଣ କରିବା? ଏହା ହେଉଛି ବର୍ବରତାର ଚରମ ସୀମା!”
Comments are closed.