ହ୍ୱାଇଟ ହାଉସ ପରେ ଜେଲ ଯାଇପାରନ୍ତି ଟ୍ରମ୍ପ

ଆମେରିକାର ରାଷ୍ଟ୍ରପତି ନିର୍ବାଚନର ଫଳାଫଳ ଆସିସାରିଛି ଏବଂ ଆମେରିକାର ଜନତା ଜୋ ବାଇଡେନଙ୍କୁ ରାଷ୍ଟ୍ରପତି ଭାବେ ଚୟନ କରିଛନ୍ତି। ଡୋନାଲ୍ଡ ଟ୍ରମ୍ପ ରାଷ୍ଟ୍ରପତି ପଦର ଦ୍ୱିତୀୟ କାର୍ଯ୍ୟକାଳ ଫେରିପାରିଲେ ନାହିଁ। କିନ୍ତୁ, ଏହା କେବଳ ତାଙ୍କର ନିର୍ବାଚନ ପରାଜୟ ନୁହେଁ, ଏଥିପାଇଁ ଆଗକୁ ଅନେକ ଅସୁବିଧାର ସମ୍ମୁଖୀନ ହୋଇପାରନ୍ତି । ରାଷ୍ଟ୍ରପତି ପଦରୁ ହଟିବା ମାତ୍ରେ ସେ ଜେଲ ଯାଇପାରନ୍ତି।

ବିବିସି ଖବର ଅନୁଯାୟୀ, ବିଶେଷଜ୍ଞଙ୍କ ମୁତାବିକ ତାଙ୍କ କାର୍ଯ୍ୟକାଳ ମଧ୍ୟରେ ହୋଇଥିବା ଦୁର୍ନୀତିର ତଦନ୍ତରୁ ଜଣାପଡ଼ୁଛି ଯେ ସେ ତାଙ୍କ ରାଷ୍ଟ୍ରପତି ପଦରୁ ଇସ୍ତଫା ଦେବା ପରେ ଅପରାଧିକ କାର୍ଯ୍ୟବାହୀ ବ୍ୟତୀତ ଏକ ଆର୍ଥିକ ପରିସ୍ଥିତିର ସମ୍ମୁଖୀନ ହୋଇପାରନ୍ତି। ରାଷ୍ଟ୍ରପତି ପଦରେ ଥିବାବେଳେ ତାଙ୍କ ବିରୋଧରେ ସରକାରୀ କାର୍ଯ୍ୟ ପାଇଁ ମକଦ୍ଦମା ଦାୟର କରାଯାଇପାରିବ ନାହିଁ।

ପ୍ରେସ୍ ବିଶ୍ୱବିଦ୍ୟାଳୟର ସାମ୍ବିଧାନିକ ଆଇନର ପ୍ରଫେସର ବେନେଟ୍ ଗେର୍ସମାନ କହିଛନ୍ତି ଯେ ଏହି କଥାର ସମ୍ଭାବନା ରହିଛି କି, ଡୋନାଲ୍ଡ ଟ୍ରମ୍ପଙ୍କ ଉପରେ ଅପରାଧିକ ମାମଲାର ବିଚାର ଚଲାଯିବ। ପ୍ରଫେସର ବେନେଟ ଗେର୍ଶମାନ ଏକ ଦଶନ୍ଧି ପର୍ଯ୍ୟନ୍ତ ନ୍ୟୁୟର୍କରେ ଚାର୍ଜର ଭାବରେ କାର୍ଯ୍ୟ କରିଛନ୍ତି । ବୋଲି ଗେର୍ଶମାନ କହିଛନ୍ତି ଯେ, ରାଷ୍ଟ୍ରପତି ଟ୍ରମ୍ପଙ୍କ ବିରୋଧରେ ବ୍ୟାଙ୍କ ଠକେଇ, ଟିକସ ଠକେଇ, ମନି ଲଣ୍ଡରିଂ, ନିର୍ବାଚନ ଠକେଇ ଭଳି ମାମଲାରେ ଅଭିଯୋଗ ହୋଇପାରେ । ତାଙ୍କ କାର୍ଯ୍ୟ ସହ ଜଡିତ ଯେଉଁ ବି ସୂଚନା ଗଣମାଧ୍ୟମରେ ଆସୁଛି ତାହା ଆର୍ଥିକ ଅଟେ ।

ତେବେ ମାମଲା କେବଳ ଏହା ମଧ୍ୟରେ ସୀମିତ ନୁହେଁ। ଆମେରିକାର ମିଡ଼ିଆ ରିପୋର୍ଟ ଅନୁଯାୟୀ, ଡୋନାଲ୍ଡ ଟ୍ରମ୍ପଙ୍କୁ ମଧ୍ୟ ବିପୁଳ ଆର୍ଥିକ କ୍ଷତିର ସାମ୍ନା କରିବାକୁ ପଡ଼ିପାରେ। ଏଥିରେ ବଡ଼ ଆକାରର ବ୍ୟକ୍ତିଗତ ଋଣ ଏବଂ ତାଙ୍କ ବ୍ୟବସାୟରେ ଅସୁବିଧା ସାମିଲ ରହିଛି। ନ୍ୟୁୟର୍କ ଟାଇମ୍ସ ଅନୁଯାୟୀ, ଆସନ୍ତା ଚାରି ବର୍ଷ ମଧ୍ୟରେ ଟ୍ରମ୍ପ ୩୦୦ ମିଲିୟନ ଡଲାରରୁ ଅଧିକ ଋଣ ପରିଶୋଧ କରିବାକୁ ପଡ଼ିବ। ତାହା ବି ଏହି ସମୟରେ ଯେତେବେଳେ ତାଙ୍କର ବ୍ୟକ୍ତିଗତ ବିନିଯୋଗ ଭଲ ସ୍ଥିତିରେ ନାହିଁ ।