ତାମିଲନାଡ଼ୁରେ ଆଜିଠୁ ନାଇଟ୍ କର୍ଫ୍ୟୁ, ରବିବାରଠୁ ସଂପୂର୍ଣ୍ଣ ଲକଡାଉନ୍
ତାମିଲନାଡ଼ୁରେ ଅଚାନକ କୋଭିଡ୍ ମାମଲା ବୃଦ୍ଧି ଦେଖି ତାମିଲନାଡୁରେ ରବିବାର ଲକଡାଉନ୍ ଲାଗୁ ହେବ । ଏହା ଚଳିତ ରବିବାର(ଜାନୁଆରୀ ୯)ଠାରୁ ଆରମ୍ଭ ହେବ । ଗୁରୁବାରଠୁ ରାତ୍ରକାଳୀନ କର୍ଫ୍ୟୁ ଆରମ୍ଭ ହେବ । ଏହି ସମୟରେ ରାତି ୧୦ରୁ ଆରମ୍ଭ କରି ସକାଳ ୫ଟା ମଧ୍ୟରେ ଯାତାୟତ ଉପରେ କଟକଣା ରହିବ ।
କୋଭିଡ୍ ସଂକ୍ରମଣକୁ କମାଇବା ଲାଗି ଶୁକ୍ର, ଶନି ଓ ରବିବାରରେ ଧାର୍ମିକ ସ୍ଥଳଗୁଡ଼ିକୁ ଲୋକଙ୍କ ପ୍ରବେଶ ବନ୍ଦ କରାଯିବ । ପ୍ରଥମରୁ ନବମ ଶ୍ରେଣୀ ପିଲା ସ୍କୁଲକୁ ଆସିବେ ନାହିଁ । ଦଶମ, ଏକାଦଶ ଓ ଦ୍ୱାଦଶ ଶ୍ରେଶୀର ପିଲାଙ୍କର ଅଫ୍ଲାଇନ୍ କ୍ଲାସ୍ ଜାରି ରହିବ । ବିବାହ ଉତ୍ସବରେ ୧୦୦ ଜଣ ଓ ଅନ୍ତ୍ୟେଷ୍ଟିରେ ୫୦ ଜଣ ଯୋଗ ଦେଇପାରିବେ । ୫୦% କ୍ଷମତା ସହ ବସ୍, ମେଟ୍ରୋ ଓ ଟ୍ରେନ୍ ଚାଲିବ ।
ସେପଟେ କୋଭିଡ୍ ମାମଲା ବଢ଼ିବା ଦେଖି ଗୋଆ ଓ ପଞ୍ଜାବ ମଧ୍ୟ ନାଇଟ୍ କର୍ଫ୍ୟୁ ଲଗାଇଛନ୍ତି । ଛତିଶଗଡ଼ର ରାଜଧାନୀ ରାୟପୁରରେ ରାତି ୯ରୁ ସକାଳ ୬ଟା ଯାଏ ନାଇଟ୍ କର୍ଫ୍ୟୁ ଲାଗୁ ହେବ ।
Comments are closed.