ବିରାଟକାୟ ଅଜଗରକୁ ଦେଖି ଭୟର ନିଜ ମାର୍ଗ ବଦଳାଇଲା ବାଘ, ଭିଡିଓ ଭାଇରାଲ

ଜଙ୍ଗଲରେ ସବୁବେଳେ ବାଘର ରାଜ ଚାଲେ ! ବାଘର ଗୋଟିଏ ଗର୍ଜନରେ ଜଙ୍ଗଲରେ ଥିବା ଅନ୍ୟ ପ୍ରାଣୀଙ୍କ ମଧ୍ୟରେ ଭୟର ବାତାବରଣ ଖେଳି ଯାଇଥାଏ । ମନୁଷ୍ୟ ମଧ୍ୟ ବାଘକୁ ବହୁତ ଭୟ କରେ । କିନ୍ତୁ ସୋସିଆଲ ମିଡିଆରେ ଭାଇରାଲ ହୋଇଥିବା ଏହି ଭିଡିଓ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରି ଦେଇଛି । ଆଇଏଫଏସ ସୁଶାନ୍ତ ନନ୍ଦ ମଙ୍ଗଳବାର ଦିନ ଟ୍ୱିଟରେ ଏକ ଭିଡିଓ ସେୟାର କରିଛନ୍ତି । କ୍ୟାପସନରେ ଲେଖିଛନ୍ତି, “ବାଘ, ଅଜଗର ପାଇଁ ନିଜ ରାସ୍ତା ବଦଳାଇ ଦେଲା । ”

Tiger leaves the way to Python.. pic.twitter.com/87nGHbo0M0

— Susanta Nanda IFS (@susantananda3) July 21, 2020

କେହି କେହି ଭିଡିଓକୁ ଦେଖି ଆଶ୍ଚର୍ଯ୍ୟଚକିତ ହୋଇଯାଇଥିବାବେଳେ ଅନେକ କମେଣ୍ଟରେ ଲେଖିଛନ୍ତି, ବାଘର ଏହି ନିଷ୍ପତି ଖୁବ ପ୍ରଶଂସନିୟ । ମନୁଷ୍ୟକୁ ମଧ୍ୟ ବାଘ ଠାରୁ କିଛି ଶିଖିବା କଥା ।
ଏହି ଭିଡିଓ ଲୋକଙ୍କୁ ଖୁବ ପସନ୍ଦ ଆସୁଛି । ଏହାର ବର୍ତ୍ତମାନ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି । ଏହି ଭିଡିଓ ୪୪ ସେକେଣ୍ଡର ଅଟେ । ଏଥିରେ ଏକ ବିଶାଳକାୟ ଅଜଗର ରାସ୍ତାରେ ଶୋଇ ରହିଛି । ରାସ୍ତାରେ ଯାଉଥିବା ବାଘର ନଜର ତା’ ଉପରେ ପଡେ । ଏହା ପରେ ବାଘଟି ତାକୁ ଦେଖି ଅଟକି ଯାଇ ପରିସ୍ଥିତିକୁ ବୁଝି ନିଜେ ପଛକୁ ହଟି ମାର୍ଗ ବଦଳାଇବାର ନିଷ୍ପତି ନିଏ ।