ଲୋକପ୍ରିୟ ପାକିସ୍ତାନୀ ଟିକଟକ ଷ୍ଟାର ସାନାଙ୍କୁ ଗୁଳି କରି ହତ୍ୟା

ସମା ଟିଭି ରିପୋର୍ଟ ଅନୁଯାୟୀ, ଜଣେ ଲୋକପ୍ରିୟ ଯୁବ ପାକିସ୍ତାନୀ ସୋସିଆଲ ମିଡିଆ ଇନଫ୍ଲଏନସର ସାନା ୟୁସୁଫଙ୍କୁ ପାକିସ୍ତାନର ଇସଲାମାବାଦରେ ତାଙ୍କ ବାସଭବନରେ ଗୁଳି କରି ହତ୍ୟା କରାଯାଇଛି। ୪ ଲକ୍ଷରୁ ଅଧିକ ସବସ୍କ୍ରାଇବର୍ ଥିବା ଉପର ଚିତ୍ରଲର ଜଣେ ଜଣାଶୁଣା କଣ୍ଟେଣ୍ଟ କ୍ରିଏଟର ସାନାଙ୍କୁ ତାଙ୍କ ପାଖକୁ ଆସିଥିବା ଜଣେ ସମ୍ପର୍କୀୟ ନିକଟରୁ ଗୁଳି କରାଯାଇଛି ।

ଘଟଣା ପରେ ଆକ୍ରମଣକାରୀ ଘଟଣାସ୍ଥଳରୁ ତୁରନ୍ତ ପଳାଇ ଯାଇଥିଲେ। ପୋଲିସ,  ଏକ ତଲାସ ଆରମ୍ଭ କରିଛନ୍ତି, ସମସ୍ତ ସମ୍ଭାବ୍ୟ ଉଦ୍ଦେଶ୍ୟ ତଦନ୍ତ କରୁଛନ୍ତି, ଯେଉଁଥିରେ ଅନର କିଲିଂ ମଧ୍ୟ ଅନ୍ତର୍ଭୁକ୍ତ, ଯାହା ସମଗ୍ର ପାକିସ୍ତାନରେ ବ୍ୟାପି ରହିଛି।

ପୋଲିସର କହିବା ଅନୁଯାୟୀ, ଗୁଳି ଚଳାଇବା ପୂର୍ବରୁ ସନ୍ଦିଗ୍ଧ ବ୍ୟକ୍ତି ସାନାଙ୍କ ଘର ବାହାରେ ତାଙ୍କ ସହିତ କଥାବାର୍ତ୍ତା କରିଥିଲେ। “ସନ୍ଦିଗ୍ଧ ବ୍ୟକ୍ତି ଘରେ ପ୍ରବେଶ କରି ଅନେକ ଗୁଳି ଚଳାଇ ଖସି ପଳାଇଗଲା,” ଜଣେ ପୋଲିସ ଅଧିକାରୀଙ୍କ ପକ୍ଷରୁ ପାକିସ୍ତାନୀ ମିଡିଆକୁ ସୂଚନା ଦିଆଯାଇଛି। ସାନାଙ୍କୁ ଦୁଇଟି ଗୁଳି ବାଜିଥିଲା ​​ଏବଂ ସେ ଘଟଣାସ୍ଥଳରେ ହିଁ ଟଳି ପଡିଥିଲେ ।