ଦୁର୍ଘଟଣାର ଶିକାର ହେଲେ ବଲିଉଡର୍ ଅଭିନେତ୍ରୀ ତନୁଶ୍ରୀ ଦତ୍ତା, ଗୋଡରେ ଲାଗିଲା ଆଘାତ
ବଲିଉଡରେ ନିଜର ଚମତ୍କାର ଅଭିନୟ ପାଇଁ ଜଣାଶୁଣା ଅଭିନେତ୍ରୀ ତନୁଶ୍ରୀ ଦତ୍ତା ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ତାଙ୍କ ଗାଡିର ବ୍ରେକ୍ ଫେଲ ହେତୁ ଏହି ଦୁର୍ଘଟଣା ଘଟିଛି। ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ତନୁ ଦୁର୍ଘଟଣାର ଖବର ଦେଇଛନ୍ତି। ଭଗବାନ ମହାକାଳଙ୍କୁ ଦର୍ଶନ କରିବାକୁ ଯାଉଥିବାବେଳେ ଏହା ଘଟିଥିବା ସେ କହିଛନ୍ତି।
View this post on Instagram
ଦୁର୍ଘଟଣା ପଛର କାରଣ ବର୍ଣ୍ଣନା କରି ଅଭିନେତ୍ରୀ କହିଛନ୍ତି, ଗାଡିର ବ୍ରେକ୍ ଫେଲ୍ ହେବା ହେତୁ ସେ ଦୁର୍ଘଟଣାର ଶିକାର ହୋଇଛନ୍ତି। ଫଟୋ ଶେୟାର କରି ସେ କ୍ୟାପସନରେ ଲେଖିଛନ୍ତି – ଆଡଭେଞ୍ଚରରେ ପରିପୂର୍ଣ୍ଣ ଥିଲା ଆଜିର ଦିନ, ଶେଷରେ ମହାକାଳଙ୍କ ଦର୍ଶନ କରିବାକୁ ପହଞ୍ଚିଲି। ମନ୍ଦିରକୁ ଯିବା ବାଟରେ ଏକ ଅଜବ ଦୁର୍ଘଟଣା ଘଟିଛି। ବ୍ରେକ୍ ଫେଲ୍ ହେବା ପରେ କାରଟି ଧକ୍କା ହୋଇଛି। କେବଳ କିଛି ଷ୍ଟିଚ୍ ପଡିଛି … ଜୟ ଶ୍ରୀ ମହାକାଳ। ଅଭିନେତ୍ରୀଙ୍କ ଗୋଡରେ ଆଘାତ ଲାଗିଛି, ଯାହାର ଫଟୋ ସେ ସୋସିଆଲ ମିଡିଆରେ ସେୟାର କରିଛନ୍ତି। ଯାହା ଦେଖି ଫ୍ୟାନ୍ସ ତାଙ୍କ ପାଇଁ ଚିନ୍ତା ପ୍ରକାଶ କରିଛନ୍ତି। ଏକ ସମୟରେ ତନୁ ବଲିଉଡର ଜଣାଶୁଣା ନାମ ଥିଲେ, କିନ୍ତୁ ପରେ ସେ ଇଣ୍ଡଷ୍ଟ୍ରିରୁ ଦୂରେଇ ଯାଇଥିଲେ। ହୁଏତ ତନୁ ଇଣ୍ଡଷ୍ଟ୍ରିରୁ ନିଜକୁ ଦୁରେଇ ରଖିଛନ୍ତି ହେଲେ ସୋସିଆଲ ମିଡିଆରେ ବେଶ ସକ୍ରିୟ। ସେ ପ୍ରାୟତଃ ତାଙ୍କର ଫଟୋ ଏବଂ ଭିଡିଓ ସେୟାର କରନ୍ତି। ଯାହାକୁ ଫ୍ୟାନ୍ସ ଖୁବ୍ ପସନ୍ଦ କରନ୍ତି।
Comments are closed.