ଚଳଚ୍ଚିତ୍ର ‘ପୁଷ୍ପା’ର କ୍ରୁ ସଦସ୍ୟମାନଙ୍କୁ ସୁନା ରିଙ୍ଗ ଉପହାର ଦେଲେ ସାଉଥ ସୁପରଷ୍ଟାର ଅଲୁ ଅର୍ଜୁନ

ସାଉଥ୍ ଚଳଚ୍ଚିତ୍ରର ଲୋକପ୍ରିୟ ତାରକା ଆଲୁ ଅର୍ଜୁନ ବର୍ତ୍ତମାନ ତାଙ୍କ ଚଳଚ୍ଚିତ୍ର ‘ପୁଷ୍ପା: ଦି ରାଇଜ୍’ ପାଇଁ ଆଲୋଚନାରେ ଅଛନ୍ତି। ନିକଟରେ ରିଲିଜ ହୋଇଥିବା ଫିଲ୍ମର ଟ୍ରେଲର ସୋସିଆଲ ମିଡିଆରେ ରାଉଣ୍ଡ କରୁଛି। ପ୍ରଶଂସକଙ୍କ ଠାରୁ ଆରମ୍ଭ କରି ସେଲିବ୍ରିଟିଙ୍କ ପର୍ଯ୍ୟନ୍ତ ସଭିଏଁ ‘ପୁଷ୍ପା’ରେ ଅଲୁ ଅର୍ଜୁନଙ୍କୁ ପ୍ରଶଂସା କରିବାକୁ ପଛଘୁଂଚା ଦେଉ ନାହାଁନ୍ତି | ବର୍ତ୍ତମାନ ଅଲୁ ଅର୍ଜୁନ ତାଙ୍କ ଫିଲ୍ମର ଦଳ ପାଇଁ ଏପରି କାର୍ଯ୍ୟ କରିଛନ୍ତି ଯେ ପ୍ରଶଂସକମାନେ ତାଙ୍କୁ ଆହୁରି ପ୍ରଶଂସାରେ ପୋତି ପକାଇଛନ୍ତି।

ବାସ୍ତବରେ, ଅଲୁ ଅର୍ଜୁନ ଫିଲ୍ମ ‘ପୁଷ୍ପା’ର କ୍ରୁ ସଦସ୍ୟମାନଙ୍କୁ ପ୍ରତ୍ୟେକ ୧୦ ଗ୍ରାମର ସୁନା ରିଙ୍ଗ ଉପହାର ଦେଇଛନ୍ତି | ସାଉଥ୍ ଚଳଚ୍ଚିତ୍ର ବାଣିଜ୍ୟ ବିଶ୍ଳେଷକ ତଥା ଲେଖକ ମନୋବାଲା ବିଜୟବାଲାନ୍ ଏକ ଟୁଇଟ୍ କରିଛନ୍ତି ଯେଉଁଥିରେ ସେ ଏହି ସୂଚନା ଦେଇଛନ୍ତି।

ଖବର ଅନୁଯାୟୀ, ଫିଲ୍ମର ସୁଟିଂ ସୁରୁଖୁରୁରେ ହୋଇଥିବାରୁ ଅଲୁ ଅର୍ଜୁନ ବହୁତ ଖୁସି ଅଛନ୍ତି। ସାଉଥ୍ ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ଆଗାମୀ ଫିଲ୍ମ ପୁଷ୍ପାର ଟ୍ରେଲର ରିଲିଜ୍ ହେଉ ହେଉ ଦର୍ଶକେ ଏହାକୁ ଖୁବ୍ ପସନ୍ଦ କରିଛନ୍ତି । ଏବେ ଉତ୍ସୁକତାର ସହ ଅପେକ୍ଷା କରି ରହିଛନ୍ତି ଫିଲ୍ମ ରିଲିଜକୁ । ସୂଚନଯୋଗ୍ୟ, ଏହି ଫିଲ୍ମର ଏକ ଗୀତର ଶୁଟିଂ କରିବା ପାଇଁ ତାଙ୍କ ପାଖରେ ଖୁବ୍ କମ୍ ସମୟ ବାକି ରହିଥିଲା । ଏଥିପାଇଁ ନିର୍ଦ୍ଦେଶକ ସୁକୁମାର ଚାହୁଁଥିଲେ ଯେ ଖୁବ୍ ଶୀଘ୍ର ଏହାର ଶୁଟିଂ କରିବାକୁ । ଏଥିପାଇଁ କ୍ରିୟୁ ମେମ୍ବର ଖୁବ୍ ପରିଶ୍ରମ କରି ଶୁଟିଂକୁ ଆରମ୍ଭ କରି ଶେଷ କରି ଦେଇଥିଲେ । ଆଉ ଏହାକୁ ଦେଖି ଖୁସିରେ ଅଲ୍ଲୁ ଅର୍ଜୁନ କ୍ରିୟୁ ମେମ୍ବରକୁ ୧୦ ଗ୍ରାମର ସୁନା ମୁଦି ଉପହାର ଭାବେ ଦେଇଥିଲେ ବୋଲି ଜଣାପଡିଛି । ତେବେ ଏହାର ମୂଲ୍ୟ ପାଖାପାଖି ୫୦ ହଜାର ଟଙ୍କା ହେବ ବୋଲି କୁହାଯାଉଛି ।