ସୋନୁ ସୁଦ୍‌ଙ୍କୁ ପ୍ରଶଂସାରେ ପୋତିଲେ କେନ୍ଦ୍ରମନ୍ତ୍ରୀ ସ୍ମୃତ ଇରାନୀ

କରୋନା ଭାଇରସ ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇଗଲାଣି । ଏହି ମହାମାରୀର ମୁକାବିଲା ପାଇଁ ଲକଡାଉନର ସାହାରା ନିଆଯାଇଥିଲା । ତେବେ ଲକଡାଉନ୍ ଯୋଗୁଁ ସବୁଠାରୁ ଅଧିକ ପ୍ରବାସୀ ଶ୍ରମିକ ମାନେ ହଇରାଣ ହୋଇଥିଲେ । ସରକାର ଅନେକ ପ୍ରୟାସ କରି ଶ୍ରମିକଙ୍କୁ ସେମାନଙ୍କ ଘରକୁ ପଠାଇ ଥିଲେ । ତେବେ ଏହା ମଧ୍ୟରେ ବଲିଉଡ କଳାକାର ସୋନୁ ସୁଦ୍ ଶ୍ରମିକଙ୍କ ପାଇଁ ଭଗବାନ ପାଲଟି ଯାଇଥିଲେ । ସୋନୁ ସୁଦ୍ ଅନେକ ପ୍ରବାସୀଙ୍କୁ ସେମାନଙ୍କ ଘରକୁ ପହଞ୍ଚାଇଥିଲେ । ତାଙ୍କର ଏହି ପଦକ୍ଷେପକୁ ସମସ୍ତେ ପ୍ରଂଶସା କରିଥିଲେ । ଏବେ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ମଧ୍ୟ ଏକ ଟ୍ୱିଟକୁ ରିଟ୍ୱିଟ୍ କରି ତାଙ୍କର ଏହି କାମକୁ ପ୍ରଶଂସା କରିଛନ୍ତି । ସ୍ମୃତି ଇରାନୀ ସୋନୁ ସୁଦଙ୍କ ଏକ ଟ୍ୱିଟ୍  ଯେଉଁଥିରେ ଲେଖାଥିଲା ‘ଚାଲି ଚାଲି କାଇଁ ଯିବ ବନ୍ଧୁ’କୁ ରିଟ୍ୱିଟ୍ କରି ଲେଖିଛନ୍ତି କି ‘ଏହା ମୋର ସୌଭାଗ୍ୟ ଯେ ଜଣେ ପ୍ରଫେସନାଲ୍ ସାଥୀ ଭାବେ ଆପଣଙ୍କୁ ୨ ଦଶକ ହେବ ଜାଣିଛି । ଆକ୍ଟର ଭାବେ ଆପଣଙ୍କ ସଫଳତାରେ ମୁଁ ବହୁତ ଖୁସି । ଏହି ଆହ୍ୱାନପୂର୍ଣ୍ଣ ସମୟରେ ଆପଣ ଯେଉଁ ଭଳି ବଡ ହୃଦୟର ପରିଚୟ ଦେଇଛନ୍ତି ସେଥିରେ ମୁଁ ଗର୍ବିତ । ପ୍ରଭାବିତଙ୍କୁ ସାହାଯ୍ୟ କରିଥିବାରୁ ଆପଣଙ୍କୁ ବହୁତ ବହୁତ ଧନ୍ୟବାଦ ।’

I’ve had the privilege of knowing you as a professional colleague for over 2 decades now @SonuSood & celebrated your rise as an actor ;but the kindness you have displayed in these challenging times makes me prouder still 🙏thank you for helping those in need🙏🙏 https://t.co/JcpoZRIr8M

— Smriti Z Irani (@smritiirani) May 24, 2020

ଆପଣଙ୍କୁ କହିରଖୁଛୁ ସୋନୁ ସୁଦ ଏପର୍ଯ୍ୟନ୍ତ ହଜାରରୁ ଅଧିକ ଶ୍ରମିକଙ୍କୁ ତାଙ୍କ ଘରକୁ ପହଞ୍ଚିବାରେ ସାହାଯ୍ୟ କରିଛନ୍ତି । ସୋନୁ ସୁଦଙ୍କୁ ସମସ୍ତେ ପ୍ରଶଂସା କରୁଛନ୍ତି । ସୋନୁ ସୁଦ ସେମାନଙ୍କ ପାଇଁ କୌଣସି ଭଗବାନଙ୍କଠୁ କମ୍ ନୁହଁନ୍ତି । ଏହା ବ୍ୟତୀତ ସୋନୁ ସୁଦ୍ ନିଜ ମୁମ୍ବାଇ ହୋଟେଲକୁ ଚିକିତ୍ସକଙ୍କ ପାଇଁ ଦେଇଥିଲେ । ଅନେକ ଡାକ୍ତରଙ୍କୁ ସୋନୁ ସୁଦ ପିପିଇ କିଟ୍ ମଧ୍ୟ ବାଣ୍ଟିଛନ୍ତି । ସୋନୁ ସୁଦ ନିଜ ପିତାଙ୍କ ନାମରେ ହଜାର ହଜାର ଗରିବଙ୍କୁ ଖାଇବାକୁ ମଧ୍ୟ ଦେଇଛନ୍ତି । କହିରଖୁଛୁ ଏହି ସଙ୍କଟମୟ ପରିସ୍ଥିତିରେ ସୋନୁ ସୁଦଙ୍କ ବ୍ୟତୀତ ଅନ୍ୟ କିଛି ବଲିଉଡ ଆକ୍ଟର ମଧ୍ୟ ସାହାଯ୍ୟ କରିବା ପାଇଁ ଆଗେଇ ଆସିଛନ୍ତି ।