କେବେ ବଡ଼ଷ୍ଟାରଙ୍କୁ ଟକ୍କର ଦେଉଥିଲେ ଶାଇନୀ ଆହୁଜା, ଗୋଟିଏ କେଶ ବର୍ବାଦ କରିଦେଲା ତାଙ୍କର ପୁରା କ୍ୟାରିୟର

ବଲିଉଡ ଫିଲ୍ମ ଅଭିନେତା ଶାଇନୀ ଆହୁଜା ନିଜର ପ୍ରଥମ ଫିଲ୍ମ ‘ହଜାର ଖ୍ୱାଇଶୋଁ ଏସି’ ପାଇଁ ବେଷ୍ଟ ମେଲ ଡେବ୍ୟୁଟ କାଟାଗୋରୀରେ ଫିଲ୍ମଫେୟାର ଆୱାର୍ଡ ହାସଲ କରିଥିଲେ । ଗୋଟିଏ ସମୟରେ ସାଇନୀଙ୍କ ନାମ ବଡ଼ ଷ୍ଟାରମାନଙ୍କ ଲିଷ୍ଟରେ ନିଆଯାଉଥିଲା । ସେ ଗ୍ୟାଙ୍ଗଷ୍ଟର, ୱୋ ଲମ୍‌ହେ, ଲାଇଫ ଇନ ମେଟ୍ରୋ ଏବଂ ଭୁଲ ଭୁଲୈୟାଁ ଭଳି ହିଟ ଫିଲ୍ମରେ ଅଭିନୟ କରିଛନ୍ତି । କିନ୍ତୁ ଗୋଟିଏ କେଶ ତାଙ୍କର ପୂରା କ୍ୟାରିୟରକୁ ବର୍ବାଦ କରିଦେଲା ।
ଚଳଚିତ୍ର ‘ହଜାରୋ ଖ୍ୱାଇଶେଁ ଏସି’ରୁ ନିଜର ଫିଲ୍ମ କ୍ୟାରିୟର କ୍ୟାରିୟର ଆରମ୍ଭ କରିଥିଲେ ଶାଇନୀ ଆହୁଜା । ଏହି ଫିଲ୍ମରେ ତାଙ୍କର ଅଭିନୟକୁ ବେଶ ପସନ୍ଦ କରାଯାଇଥିଲା । ଏହା ପରଠାରୁ ଶାଇନୀଙ୍କ ଖାତାରେ ହିଟ ଫିଲ୍ମର ଲାଇନ ଲାଗିଚାଲିଲା । ଲୋକଙ୍କୁ ଧିରେ ଧିରେ ଲାଗିଲା ଯେ ବଲିଉଡକୁ ଆଉ ଏକ ନୂଆ ଷ୍ଟାର ମିଳିଯାଇଛି । ନିର୍ମାତା ନିର୍ଦ୍ଦେଶକମାନେ ମଧ୍ୟ ସାଇନୀଙ୍କୁ ଅନ୍ୟ ଷ୍ଟାରଙ୍କ ପାଇଁ କଡ଼ା ଟକ୍କର ବୋଲି ମାନିବାକୁ ଳାଗିଥିଲେ ।
କିନ୍ତୁ ଗୋଟିଏ କେଶରେ ନାଁ ଆସିବା ପରେ ତାଙ୍କର ପୂରା ଷ୍ଟାର୍ଡମ ଛଡ଼େଇ ହୋଇଗଲା । ଯାହାପରେ ନା ତାଙ୍କୁ ଫିଲ୍ମ ମିଳିଲା ନା ଇଣ୍ଡଷ୍ଟ୍ରିରେ ତାଙ୍କୁ କେହି ପଚାରିଲେ । ୨୦୦୯ ରେ ଶାଇନୀଙ୍କ ଚାକରାଣୀ ତାଙ୍କ ଉପରେ ଦୁଷ୍କର୍ମର ଆରୋପ ଲଗାଇଥିଲା । ସେହି ସମୟରେ ଏହି କେଶ ପୁରା ଦେଶରେ ହେଡଲାଇନ ହୋଇ ରହିଥିଲା । ଏହି କେଶରେ ଶାଇନୀଙ୍କୁ ୭ବର୍ଷର ଦଣ୍ଡ ଶୁଣାଗଲା କିନ୍ତୁ ୨୦୧୧ରେ ସେ ବେଲରେ ମୁକୁଳିଯାଇଥିଲେ ।
ଏହି ଘଟଣା ପରେ ଶାଇନୀ ଆହୁଜାଙ୍କ କ୍ୟାରିୟର ସମ୍ପୂର୍ଣ୍ଣ ଅନ୍ଧକାରକୁ ଚାଲିଗଲା । ନିର୍ଦ୍ଦେଶକ ଅନୀସ ବଜ୍ମୀ ତାଙ୍କୁ ୨୦୧୫ରେ ମୁକ୍ତିଲାଭ କରିଥିବା ନିଜର ଫିଲ୍ମ ‘ୱେଲକମ ବ୍ୟାକ’ରେ କାମ କରିବାର ସୁଯୋଗ ଦେଇଥିଲେ । କିନ୍ତୁ ଏଥିରେ ତାଙ୍କ ଭୂମିକା ଏତେ ଛୋଟ ଥିଲା ଯେ ଲୋକମାନେ ତାଙ୍କୁ ନୋଟିସ ମଧ୍ୟ କରିପାରିଲେନି । ଏହାପରଠାରୁ ଶାଇନୀ ଆଉ କୌଣସି ଫିଲ୍ମରେ ନଜର ଆସିନାହାନ୍ତି ।