ଫିଲ୍ମ ନିର୍ଦ୍ଦେଶକ ରୁମି ଜାଫ୍ରି କରୋନାରେ ଆକ୍ରାନ୍ତ

କରୋନା ଭାଇରସ ଏବେ ବି ତାର କାୟା ବିସ୍ତାର କରି ଚାଲିଛି । ପ୍ରତିଦିନ ସମଗ୍ର ବିଶ୍ୱରେ ଅନେକ ମାମଲା ସାମ୍ନାକୁ ଆସୁଛି । କରୋନା ବଲିଉଡକୁ ମଧ୍ୟ ଖରାପ ପ୍ରଭାବ ପକାଉଛି। ଅନେକ ସେଲିବ୍ରିଟିଙ୍କ ପରେ ବର୍ତ୍ତମାନ ନିର୍ଦ୍ଦେଶକ ରୁମି ଜାଫ୍ରି କରୋନା ସଂକ୍ରମିତ ହୋଇଛନ୍ତି । ରୁମି ଜାଫ୍ରିଙ୍କ ଆଗାମୀ ଫିଲ୍ମ ‘ଚେହରେ’ ରିଲିଜ୍ ହେବାକୁ ଯାଉଛି କିନ୍ତୁ କରୋନା ପଜିଟିଭ୍ ଥିବାରୁ ସେ ଫିଲ୍ମର ପ୍ରମୋସନରୁ ଦୂରେଇ ଅଛନ୍ତି।

କରୋନା ପଜିଟିଭ୍ ପରେ ରୁମି ଜାଫ୍ରି କହିଛନ୍ତି, ‘ଅଗଷ୍ଟ ପ୍ରଥମ ସପ୍ତାହରେ ମୁଁ ମୋ ଝିଅର ବିବାହ ପାଇଁ ହାଇଦ୍ରାବାଦରେ ଥିଲି। ଏହି ବିବାହରେ ନୀତୁ କପୁର, ରଣଧୀର କପୁରଙ୍କ ସମେତ ମୋର ସମସ୍ତ ବନ୍ଧୁ ଯୋଗ ଦେଇଥିଲେ। ଭଗବାନଙ୍କୁ ଧନ୍ୟବାଦ ଯେ ମୁଁ ଅଗଷ୍ଟ ୧୫ ରେ କରୋନା ଭାଇରସ୍ ସଂସ୍ପର୍ଶରେ ଆସିଥିଲି ଏବଂ ବିବାହରେ ଯୋଗ ଦେଇଥିବା ସମସ୍ତ ବ୍ୟକ୍ତି ନିରାପଦରେ ନିଜ ଘରେ ପହଞ୍ଚିଯାଇଛନ୍ତି ।’ ରୁମି ବର୍ତ୍ତମାନ କ୍ୱାରେଣ୍ଟାଇନ୍‌ରେ ଅଛନ୍ତି ଏବଂ ଏହି ସପ୍ତାହରେ ସେ ପୁଣିଥରେ ଟେଷ୍ଟ କରିବେ । ସେ କହିଛନ୍ତି ଯେ ଯଦି ଟେଷ୍ଟ ନେଗେଟିଭ୍ ଆସେ ତେବେ ସେ ମୁମ୍ବାଇ ଫେରି ଆସିବେ ନଚେତ୍ ସେ ହାଇଦ୍ରାବାଦରେ ଫିଲ୍ମ ଦେଖିବେ।