ନିର୍ବାଚନୀ ପ୍ରଚାର ସମୟର ଫଟୋ ସେୟାର କଲେ ରାମାୟଣର ‘ସୀତା’, ଫଟୋ ଭାଇରାଲ

ଲୋକପ୍ରିୟ ସୋ’ ରାମାୟଣରେ ସୀତାଙ୍କ ଭୂମିକାରେ ଅଭିନୟ କରିଥିବା ଦୀପିକା ଚିଖଲିଆ ସୋସିଆଲ ମିଡିଆରେ ଖୁବ ସକ୍ରିୟ ରୁହନ୍ତି । ସେ ସର୍ବଦା ସୋସିଆଲ ମିଡିଆରେ କିଛି ନା କିଛି ଫଟୋ ସେୟାର କରନ୍ତି । ବର୍ତ୍ତମାନ ସେ ଏଭଳି ଏକ ଫଟୋ ସେୟାର କରିଛନ୍ତି, ଯାହାକୁ ଦେଖି ସମସ୍ତେ ଆକର୍ଷିତ ହେବାରେ ଲାଗିଛନ୍ତି । ଏହି ଫଟୋଟି ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।

My days of election and campaign @PMOIndiaModi @narendramodi @BJP4Delhi pic.twitter.com/1aLZQDONk2

— Dipika Chikhlia Topiwala (@ChikhliaDipika) May 5, 2020

ଦୀପିକା ଏହି ଫଟୋକୁ ନିଜ ଟ୍ୱିଟର ହ୍ୟାଣ୍ଡଲରେ ସେୟାର କରିଛନ୍ତି । ଏହି ଫଟୋଟି ସେଇ ସମୟରେ ଅଟେ ଯେତେବେଳେ ସେ ନିର୍ବାଚନରେ ଅଂଶଗ୍ରହଣ କରିଥିଲେ । ଫଟୋ ସେ ନିର୍ବାଚନ ପ୍ରଚାର କରୁଥିବାର ଦେଖିବାକୁ ମିଳୁଛି । ପ୍ରକାଶ ଥାଉକି, ଦୀପିକା ୮୦ ଦଶକରେ ଗୁଜୁରାଟର ବଡୋଦରାରୁ ନିର୍ବାଚନ ଲଢିଥିଲେ । ଟ୍ୱିଟରେ ଫଟୋ ସେୟାର କରି ଦୀପିକା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପିଏମଓ ଇଣ୍ଡିଆ ଏବଂ ବିଜେପି ଦିଲ୍ଲୀକୁ ମଧ୍ୟ ଟ୍ୟାଗ କରିଛନ୍ତି । ଫଟୋ କ୍ୟାପସନରେ ଦୀପିକା ଲେଖିଛନ୍ତି ଯେ, ନିର୍ବାଚନ ଏବଂ ପ୍ରଚାର ସମୟରେ ମୋ ଦିନ ।
ଫଟୋରେ ଦୀପିକା ସାଢି ପିନ୍ଧିଥିବାର ଦେଖିବାକୁ ମିଳିଛି । ସେ ଏକ ମାଇକ ଧରି ନର୍ବାଚନ ପ୍ରଚାର କରୁଥିବାର ଦେଖିବାକୁ ମିଳୁଛି । ଫଟୋକୁ ଅନେକ ଲାଇକ ଏବଂ ସେୟାର ମଧ୍ୟ କରାଯାଇଛି । ଏହା ପୂର୍ବରୁ ଦୀପିକା ଅନ୍ୟ ଏକ ଫଟୋ ସୋସିଆଲ ମିଡିଆରେ ସେୟାର କରିଥିଲେ ଯେଉଁଥିରେ ତାଙ୍କୁ ଲାଲକୃଷ୍ଣ ଆଡଭାନୀ ଏବଂ ନରେନ୍ଦ୍ର ମୋଦିଙ୍କ ସହ ଦେଖିବାକୁ ମିଳିଥିଲା ।