ଜାଭେଲିନ ଥ୍ରୋରେ ନୀରଜଙ୍କୁ ଟକ୍କର ଦେବା ପାଇଁ ଆଗକୁ ଆସିଲେ ଡ୍ରାମା କ୍ୱିନ ରାକ୍ଷୀ ସାୱନ୍ତ, ଦେଖନ୍ତୁ ଏହି ମଜାଦାର ଭିଡିଓ
ବଲିଉଡର ଆଇଟମ୍ ଗାର୍ଲ ରାକ୍ଷୀ ସାୱନ୍ତ ପ୍ରାୟତଃ ପାପାରାଜିଙ୍କ ମାଧ୍ୟମରେ ନଜର ଆସିଥାନ୍ତି । ଏହା ସହିତ ସେ କିଛି ବିବୃତ୍ତି ଦେଇ କିମ୍ବା ଅଜବ କାର୍ଯ୍ୟ କରି ଚର୍ଚ୍ଚାରେ ରହିଥାନ୍ତି । ଏବେ ଡ୍ରାମା କ୍ୱିନଙ୍କ ଏକ ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ୍ ହେଉଛି, ଯେଉଁଥିରେ ସେ ଅଲିମ୍ପିକ୍ ସ୍ୱର୍ଣ୍ଣ ପଦକ ବିଜେତା ନୀରଜ ଚୋପ୍ରାଙ୍କୁ ଜାଭେଲିନ୍ ଥ୍ରୋରେ ଟକ୍କର୍ ଦେଉଥିବାର ନଜର ଆସିଛନ୍ତି ।
ରାକ୍ଷୀ ସାୱନ୍ତଙ୍କ ଏହି ଭିଡିଓକୁ ବଲିଉଡର ପ୍ରସିଦ୍ଧ ସେଲିବ୍ରିଟି ଫଟୋଗ୍ରାଫର ଭାଇରାଲ ଭାୟାନୀ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ପୋଷ୍ଟ କରିଛନ୍ତି। ଯେଉଁଥିରେ ରାକ୍ଷୀ ରାସ୍ତା ମଝିରେ ଠିଆ ହୋଇ ପୂର୍ଣ୍ଣ ବଳ ସହିତ ଜାଭେଲିନ୍ ଫିଙ୍ଗୁଥିବାର ଦେଖାଯାଉଛି । ଏହି ସମୟରେ, ଆଇଟମ୍ ଗାର୍ଲ ପିଙ୍କ୍ ଟି-ସାର୍ଟ ଏବଂ ବ୍ଲୁ ଟାଇଟ୍ସ ସହିତ ବ୍ଲାକ୍ ଏଣ୍ଡ୍ ହ୍ୱାଇଟ୍ ସ୍ପୋର୍ଟ ସୁଜ୍ ପିନ୍ଧିଛନ୍ତି ।
View this post on Instagram
ଜାଭେଲିନ୍ ଫିଙ୍ଗିବା ପରେ ରାକ୍ଷୀ ହସି ହସି ଆଖପାଖର ଲୋକଙ୍କୁ କୁହୁଛନ୍ତି, ‘ମୁଁ ଚେଷ୍ଟା କରିଛି । ମୁଁ ଭଲ ପକାଇଛି ନା…। ଏହା ପରେ ସେ ଜୟ ହିନ୍ଦ ଏବଂ ଜୟ ହୋ ସ୍ଲୋଗାନ ମଧ୍ୟ ଦେଉଛନ୍ତି । ତା’ପରେ ସେ ତାଙ୍କ କାରରେ ବସି ଚାଲିଯାଉଛନ୍ତି । ଡ୍ରାମା କ୍ୱିନଙ୍କର ଏହି ଭିଡିଓ ଫ୍ୟାନ୍ସଙ୍କୁ ଖୁବ୍ ପସନ୍ଦ ଆସୁଛି । ଏଥିରେ ଅନେକ ୟୁଜର୍ କମେଣ୍ଟ୍ ଦେଇଛନ୍ତି । ଜଣେ ୟୁଜର୍ ଲେଖିଛନ୍ତି, ‘ବହୁତ ପରିଷ୍କାର ହୃଦୟ…ଅନ୍ୟ ଡ୍ରାମା କ୍ୱିନ୍ ଙ୍କ ପରି ନୁହଁନ୍ତି’ । ଆଉ ଜଣେ ଲେଖିଛନ୍ତି, ‘ଆପଣଙ୍କୁ ପରବର୍ତ୍ତୀ ଅଲିମ୍ପିକ୍ସରେ ଅଂଶଗ୍ରହଣ କରିବା ଉଚିତ୍ ‘। ଏହି ଭିଡିଓ ବର୍ତ୍ତମାନ ପର୍ଯ୍ୟନ୍ତ ଏହା ୫ ଲକ୍ଷ ୭୧ ହଜାରରୁ ଅଧିକ ଭ୍ୟୁ ପାଇଛି ।
Comments are closed.