ଏହି କାରଣରୁ ନିଜ ଇନଷ୍ଟାରୁ ଜୋନସ ସରନେମ ହଟାଇଛନ୍ତି ପ୍ରିୟଙ୍କା ଚୋପ୍ରା, ନିଜେ କଲେ ଖୁଲାସା

କିଛିଦିନ ତଳେ ପ୍ରିୟଙ୍କା ଚୋପ୍ରା ତାଙ୍କ ଇନଷ୍ଟାଗ୍ରାମ ଆକାଉଂଟରୁ ସ୍ବାମୀ ନିକ ଜୋନସଙ୍କ ସରନେମ ହଟାଇ ଆଲୋଚନାର କେନ୍ଦ୍ର ପାଲଟିଯାଇଥିଲେ । ପ୍ରିୟଙ୍କା ଚୋପ୍ରା ବଲିଉଡ ବ୍ୟତୀତ ହଲିଉଡରେ ମଧ୍ୟ ବଡ ନାମ ସୃଷ୍ଟି କରୁଛନ୍ତି। ୧୦ ବର୍ଷ ଧରି ହଲିଉଡରେ କାର୍ଯ୍ୟ କରୁଥିବା ପ୍ରିୟଙ୍କା ସେଠାରେ କାର୍ଯ୍ୟ କରିବାର ଅଭିଜ୍ଞତାକୁ ନିକଟରେ ସେୟାର କରିଛନ୍ତି। ଏହା ବ୍ୟତୀତ ପ୍ରିୟଙ୍କା ଇନଷ୍ଟାଗ୍ରାମରୁ ଜୋନାସ ସରନେମ ହଟାଇବା ବିଷୟରେ ମଧ୍ୟ କହିଛନ୍ତି।

ସୂଚନା ଅନୁଯାୟୀ, ପ୍ରିୟଙ୍କାଙ୍କୁ ତାଙ୍କ ଇନଷ୍ଟାଗ୍ରାମ ପ୍ରୋଫାଇଲରୁ ଜୋନାସ ସରନେମ କାହିଁକି ହଟାଇଛନ୍ତି ବୋଲି ପଚରାଯାଇଛି। ଏଥିପାଇଁ ଅଭିନେତ୍ରୀ କହିଛନ୍ତି, ‘ମୁଁ ଚାହୁଁଥିଲି ମୋର ୟୁଜରନେମ୍ ମୋ ଟ୍ୱିଟର ସହିତ ମ୍ୟାଚ୍ ହେଉ। ମୁଁ ଏହା ଦେଖି ଆଶ୍ଚର୍ଯ୍ୟ ହୋଇଯାଉଛି ଯେ ଏହା କାହିଁକି ଲୋକଙ୍କ ପାଇଁ ଏତେ ବଡ ପ୍ରସଙ୍ଗ ହୋଇଗଲା। ଏହା ସୋସିଆଲ୍ ମିଡିଆ। ତେଣୁ ଚିଲ୍ ରୁହନ୍ତୁ ସମସ୍ତେ।’

ଏହା ପରେ ପ୍ରିୟଙ୍କାଙ୍କୁ ପଚରାଯାଇଛି ଯେ ଯଦି ଆପଣ ଦୀର୍ଘ ଦିନ ଧରି ଆମେରିକାରେ ଜଣେ ଭାରତୀୟ ଅଭିନେତା ଭାବରେ କାର୍ଯ୍ୟ କରୁଛନ୍ତି, ତେବେ ଆପଣ ଏପର୍ଯ୍ୟନ୍ତ କ’ଣ ପରିବର୍ତ୍ତନ ଅନୁଭବ କରିଛନ୍ତି? ପ୍ରିୟଙ୍କା ଏହି ପ୍ରଶ୍ନର ଉତ୍ତର ଦେଇଛନ୍ତି, ‘ଦକ୍ଷିଣ ଏସୀୟ ଅଭିନେତ୍ରୀ ଭାବରେ ମୋତେ ହଲିଉଡରେ ଅଧିକ ସୁଯୋଗ ମିଳେନାହିଁ। କମର୍ସିୟଲ୍ ଫିଲ୍ମରେ ଗୁରୁତ୍ୱପୂର୍ଣ୍ଣ ଚରିତ୍ରରେ ଅଭିନୟ କରିବାକୁ ଆମକୁ କଠିନ ପରିଶ୍ରମ କରିବାକୁ ପଡିଥାଏ। ଏଥିପାଇଁ ବହୁତ କାମ ଆବଶ୍ୟକ। ମୁଁ ୧୦ ବର୍ଷ ଧରି ହଲିଉଡରେ କାମ କରୁଛି ଏବଂ ବର୍ତ୍ତମାନ ମୁଁ ସେହି କାମ କରୁଛି ତାହା ଦୀର୍ଘ ସମୟ ଧରି ମୁଁ ଚାହୁଁଥିଲି।