ଫ୍ଲାଇଟ୍ରେ ଅଭିନେତ୍ରୀ ପୂଜା ହେଗଡେଙ୍କ ସହ ଅସଦାଚରଣ, ଟ୍ୱିଟ୍ କରି କହିଲେ ଏମିତି
ସାଉଥ୍ ଅଭିନେତ୍ରୀ ପୂଜା ହେଗଡେ ଏବେ ଚର୍ଚ୍ଚାରେ। ଫ୍ଲାଇଟ୍ରେ ତାଙ୍କ ସହ ହୋଇଥିବା ଅସଦାଚରଣକୁ ଦର୍ଶାଇ ଅଭିନେତ୍ରୀ ଏକ ଏୟାରଲାଇନ୍ ଉପରେ ଅସନ୍ତୋଷ ପ୍ରକାଶ କରିଛନ୍ତି। ପୂଜା ତାଙ୍କ ଶାନ୍ତ ସ୍ୱଭାବ ପାଇଁ ଜଣାଶୁଣା। ପାପାରାଜିଙ୍କ ସାମ୍ନାରେ ମଧ୍ୟ ପୂଜାଙ୍କର କ୍ୟୁଟ୍ ଅନ୍ଦାଜ ପ୍ରାୟତଃ ସାମ୍ନାକୁ ଆସିଥାଏ। ପୂଜା ଟ୍ୱିଟର ମାଧ୍ୟମରେ ତାଙ୍କ ସହ ହୋଇଥିବା ଅସଦାଚରଣର କାହାଣୀ ବର୍ଣ୍ଣନା କରିଛନ୍ତି। ଏହି ଘଟଣା ବିଷୟରେ ଉଲ୍ଲେଖ କରି ଅଭିନେତ୍ରୀ ଇଣ୍ଡିଗୋ ଏୟାରଲାଇନକୁ ଟ୍ୟାଗ୍ କରିଛନ୍ତି ଏବଂ ଏହାର ଜଣେ କର୍ମଚାରୀଙ୍କ ଉପରେ ଖୁବ୍ ବର୍ଷିଛନ୍ତି ।
ପୂଜା ହେଗଡେ ଟ୍ୱିଟ୍ କରି ନିଜର କ୍ରୋଧ ପ୍ରକାଶ କରିଛନ୍ତି ଏବଂ ସେ ଲେଖିଛନ୍ତି, ‘ଇଣ୍ଡିଗୋ ଏୟାରଲାଇନ୍ସର କର୍ମଚାରୀ ଭିପୁଲ ନକାସେ ଆଜି ମୁମ୍ବାଇରୁ ବିମାନ ଉଡ଼ାଣ ବେଳେ ଆମ ସହ ଖରାପ ବ୍ୟବହାର କରିଛନ୍ତି। ଆମ ସହିତ ଅହଂକାରୀ, ଅଜ୍ଞାନୀ ଏବଂ ଧମକପୂର୍ଣ୍ଣ ସ୍ୱରରେ କଥା ହୋଇଛନ୍ତି, ତାହା ପୁଣି ବିନା କାରଣରେ। ସାଧାରଣତଃ ମୁଁ ଏହିପରି ଟ୍ୱିଟ୍ କରେ ନାହିଁ କିନ୍ତୁ ଏହା ପ୍ରକୃତରେ ବହୁତ ଖରାପ। ପୂଜା ହେଗଡେଙ୍କ ଏହି ଟ୍ୱିଟ୍ ପରେ ବିମାନ ସେବା ତରଫରୁ ତୁରନ୍ତ ପ୍ରତିକ୍ରିୟା ଆସିଛି ଏବଂ ସେମାନେ ଅଭିନେତ୍ରୀଙ୍କୁ କ୍ଷମା ମାଗିଛନ୍ତି। ଆହୁରି ମଧ୍ୟ, ଅଭିନେତ୍ରୀଙ୍କ PNR ନମ୍ବର ଏବଂ ଫୋନ୍ ନମ୍ବର ଡିଏ କରିବାକୁ କୁହିଛନ୍ତି। ତେବେ ଏହି ଟ୍ୱିଟ୍ ଉପରେ ପୂଜାଙ୍କ ଠାରୁ କୌଣସି ପ୍ରତିକ୍ରିୟା ଆସି ନାହିଁ।
Comments are closed.