ପୋଲିସ କମିଶନରଙ୍କୁ ଭେଟିଲା କଂଗ୍ରେସ

ଗତ ୨୭ ତାରିଖରେ ମହିଳା ସୁରକ୍ଷା ଏବଂ ଅଧିକାର ପ୍ରସଙ୍ଗରେ କଂଗ୍ରେସର ବିଧାନସଭା ଘେରାଉ ସମୟରେ ଆଇନ ଶୃଙ୍ଖଳା ପରିସ୍ଥିତି ଉପୁଜୁଥିଲା | ଘଟଣାରେ ଅନେକ କଂଗ୍ରେସ ନେତା ଓ କର୍ମଚାରୀଙ୍କୁ ଗିରଫ କରାଯାଇଛି | ତେବେ ଏହି ଘଟଣାରେ ପୋଲିସ ପକ୍ଷପାତିତା କରି ଅମାନୁଷିକ ଆକ୍ରମଣ କରିଥିବା କଂଗ୍ରେସ ଅଭିଯୋଗ କରିଛି । ଏହି ଆକ୍ରମଣରେ ବହୁ କଂଗ୍ରେସ କର୍ମୀ ଆହତ ହୋଇଥିଲେ ଏବଂ ପରବର୍ତ୍ତୀ ସମୟରେ କଂଗ୍ରେସ କର୍ମୀମାନଙ୍କୁ ବିନା କାରଣରେ ଗିରଫ କରୁଛି ।  ଏନେଇ ପିସିସି ସଭାପତି ଭକ୍ତ ଚରଣ ଦାସଙ୍କ ନେତୃତ୍ୱରେ ପୂର୍ବତନ ପିସିସି ସଭାପତି ଜୟଦେବ ଜେନା,ବିଧାୟକ ତାରା ପ୍ରସାଦ ବାହିନୀପତି,ରମେଶ ଜେନା,ପୂର୍ବତନ ବିଧାୟକ ଦେବାଶିଷ ପଟ୍ଟନାୟକ ପ୍ରମୁଖ କଂଗ୍ରେସର ବରିଷ୍ଠ ପ୍ରତିନିଧି ଦଳ ବୁଧବାର ରାତିରେ ପୋଲିସ କମିଶନରଙ୍କୁ ସାକ୍ଷାତ କରି ଗିରଫଦାରୀ ବନ୍ଦ କରିବା ପାଇଁ ବିସ୍ତୃତ ଆଲୋଚନା କରିଛନ୍ତି |