ୱାର୍ନରଙ୍କୁ ମିଳିଲା ଫିଲ୍ମରେ ଅଭିନୟ କରିବା ପାଇଁ ଅଫର
କରୋନା ଭାଇରସ ପାଇଁ ଲାଗୁ ହୋଇଥିବା ଲକ୍ଡାଉନ ଯୋଗୁଁ ଜୀବନରେ ଅନେକ କିଛି ନୂଆ କରିବା ପାଇଁ ସୁ୍ଯୋଗ ମିଳିଛି । କରୋନା ଭାଇରସ ଯୋଗୁଁ ଖେଳର ସମସ୍ତ ଗତିବିଧିକୁ ବନ୍ଦ କରାଇ ଦିଆଯାଇଛି । ସମସ୍ତ ଖେଳାଳୀ ଘରେ ରହି କିଛି ନୂଆ କରିବା ପାଇଁ ପ୍ରୟାସ କରୁଛନ୍ତି । କିଛି ଖେଳାଳୀ ଏହି ସମୟରେ ଅନ୍ୟ ଖେଳ ଖେଳୁଥିବାବେଳେ ଆଉ କେତେକ ଘରେ ରହି ଘରୋଇ କାମରେ ନିଜର ଜୀବନସାଥୀଙ୍କୁ ସହଯୋଗ କରୁଥିବାର ଦେଖିବାକୁ ମଧ୍ୟ ମିଳିଛି । ଏହା ବାଦ ଖେଳାଳୀ ଘରେ ରହି ନିଜର ସଉକକୁ ମଧ୍ୟ ପୂରଣ କରୁଥିବାର ଦେଖିବାକୁ ମିଳିଛି ।
ତେବେ ଏହି ମଧ୍ୟରେ ଅଷ୍ଟ୍ରେଲିଆର ଓପନର ଡେଭିଡ ୱାର୍ନର ଟିକ୍ଟକର ଏକ ନୂଆ ସଂସ୍କରଣ ପ୍ରସ୍ତୁତ କରି ସାମନାକୁ ଆସିଛନ୍ତି । ସେ ଗତ କିଛି ଦିନ ହେବ ନୂଆ ଟିକ୍ଟକ ଭିଡିଓ ସେୟାର କରୁଛନ୍ତି ଯାହାକୁ ସାରା ବିଶ୍ୱ ପସନ୍ଦ କରୁଛି । ୱାର୍ନରଙ୍କ ଏହି ଭିଡିଓରେ ବଲିଉଡ ଏବଂ ଟଲିଉଡର ଝଲକ ମଧ୍ୟ ଦେଖିବାକୁ ମିଳିଛି । ୱାର୍ନରଙ୍କ ଏହି ଟିକ୍ଟକ ଭିଡିଓ ଦେଖି ଅନେକ କଳାକାର ମଧ୍ୟ ଖୁବ ଇମ୍ପ୍ରେସ ହେଉଛନ୍ତି ।
ୱାର୍ନରଙ୍କ ଏହି ଟିକ୍ଟକ ଭିଡିଓରେ ଜଣେ ଟଲିଉଡ ନିର୍ଦ୍ଦେଶକ ଇମ୍ପ୍ରେସ ହୋଇ ତାଙ୍କୁ ନିଜ ଫିଲ୍ମରେ ଅଭିନୟ କରିବା ପାଇଁ ଅଫର ପ୍ରଦାନ କରିଛନ୍ତି । ୱାର୍ନର ନିଜ ଇନଷ୍ଟାଗ୍ରାମରେ ଏକ ଟିକ୍ଟକ ଭିଡିଓ ସେୟାର କରିଛନ୍ତି । ଏହି ଭିଡିଓରେ ୱାର୍ନର ବ୍ୟାଟ ଧରି ସନରାଇଜର ହାଇଦ୍ରାବାଦର ଜର୍ସି ପିନ୍ଧିଥିବାର ଦେଖିବାକୁ ମିଳିଛି । ସେ ୨୦୦୬ର ବ୍ଲକ ବଷ୍ଟର ଫିଲ୍ମ ‘ପୋକିରି’ର ଏକ ଡାଇଲଗ କହୁଥିବାର ଦେଖିବାକୁ ମିଳିଛି । ପୋଷ୍ଟକୁ ସେୟାର କରି ୱାର୍ନର କ୍ୟାପସନରେ ଲେଖିଥିଲେ ଯେ, ଏହି ଫିଲ୍ମର ନାମ କ’ଣ କୁହନ୍ତୁ ? । କିନ୍ତୁ ୱାର୍ନରଙ୍କ ଅନ୍ଦାଜ ନଥିଲା ଯେ, ଏହା ଉତ୍ତର ନିଜେ ଫିଲ୍ମର ନିର୍ଦ୍ଦେଶକ ପୁରୀ ଜଗନ୍ନାଥ ଦେବେ ବୋଲି ।
David This is soooo you. Stubborn and aggressive. This dialogue suits you the best. You are fantastic as an actor also, Hope you do a cameo in my film. Love you 💪🏽🤩 https://t.co/ejVnYNRTrS
— PURIJAGAN (@purijagan) May 10, 2020
ନିର୍ଦ୍ଦେଶକ ପୁରୀ ଏହି ଭିଡିଓକୁ ଉଚ୍ଚ କୋଟିର ପ୍ରଶଂସା କରି କହିଛନ୍ତି ଯେ, “ଡେଭିଡ ଏହା ଆପଣ ଅଟନ୍ତି । ଏହି ଡାଉଲଗ ଆପଣଙ୍କୁ ସୁଟ କରୁଛି । ଆପଣ ଜଣେ ଭଲ ଅଭିନେତା । ଆଶା କରୁଛି ଆପଣ ମୋ ଫିଲ୍ମରେ କୋମିୟୋ କରିବେ । ଲଭ ୟୁ ”
Comments are closed.