ପିଏମ୍ ମୋଦି ଆଜି ୧,୨,୫,୧୦ ଓ ୨୦ଟଙ୍କିଆ କଏନର ସିରିଜ୍ ଜାରି କରିବେ

ପିଏମ୍ ମୋଦୀ ଆଜି ୧,୨,୫,୧୦ ଓ ୨୦ଟଙ୍କିଆ କଏନ୍‌ର ସ୍ପେଶାଲ ସିରିଜ ଜାରି କରିବେ । ଏହି କଏନ ବିଶେଷ ଭାବରେ ବହୁତ ଗୁରୁତ୍ପୂର୍ଣ୍ଣ ଅଟେ । କାରଣ ଏହି ସ୍ପେଶାଲ ସିରିଜର କଏନକୁ ଦୃଷ୍ଟିହୀନମାନେ ବି ସହଜରେ ଚିହ୍ନିପାରିବେ। ପିଏମଓ ପକ୍ଷରୁ ଏହି ସୂଚନା ପ୍ରଦାନ କରାଯାଇଛି । ପିଏମଓ ପକ୍ଷରୁ ଜାରି କରାଯାଇଥିବା ବୟାନରେ ଆଜି ସକାଳ ୧୦ଟା ୩୦ମିନିଟ ସମୟରେ ନୂଆଦିଲ୍ଲୀରେ ଅର୍ଥ ମନ୍ତ୍ରଣାଳୟ ଏବଂ କର୍ପୋରେଟ୍ ବ୍ୟାପାର ମନ୍ତ୍ରଣାଳୟର ପ୍ରତିଷ୍ଠିତ ସପ୍ତାହ ଉତ୍ସବକୁ ଉଦଘାଟନ କରିବେ । ଏଥିରେ କୁହାଯାଇଛି କି, ପ୍ରଧାନମନ୍ତ୍ରୀ ୧,୨,୫,୧୦ ଏବଂ ୨୦ଟଙ୍କିଆ କଏନର ବିଶେଷ ଶୃଙ୍ଖଳା ଜାରି କରିବେ ।

ସୂଚନା ଅନୁଯାୟୀ ଏହି ସ୍ପେଶାଲ ସିରିଜର କଏନ ଉପରେ ଏକେଏଏମର ଲୋଗୋ ରହିବ । ଏହି ସପ୍ତାହ ୬ଜୁନରୁ ୧୧ଜୁନ ପର୍ଯ୍ୟନ୍ତ ‘ଆଜାଦି କା ଅମୃତ ମହୋତ୍ସବ’ର ଏକ ଭାଗ ବୋଲି କୁହାଯାଉଛି ।