ୟୁକ୍ରେନ ରାଷ୍ଟ୍ରପତିଙ୍କ ସହ କଥା ହେଲେ ପ୍ରଧାନମନ୍ତ୍ରୀ

ରୁଷ-ୟୁକ୍ରେନ ମଧ୍ୟରେ ଆଜି ଯୁଦ୍ଧର ୧୨ ଦିନ। ଏହା ମଧ୍ୟରେ ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୟୁକ୍ରେନ ରାଷ୍ଟ୍ରପତି ଜେଲେନସ୍କିଙ୍କ କଥା ହୋଇଛନ୍ତି। ଫୋନ ଯୋଗେ ପ୍ରାୟ ୩୫ ମିନିଟ କଥା ହୋଇଛନ୍ତି ପ୍ରଧାନମନ୍ତ୍ରୀ। କଥା ହେବା ସମୟରେ ପ୍ରଧାନମନ୍ତ୍ରୀ କହିଛନ୍ତି, ୟୁକ୍ରେନରୁ ଭାରତୀୟଙ୍କୁ ସୁରକ୍ଷିତ ଉଦ୍ଧାର ହୋଇଥିବା ନେଇ ଧନ୍ୟବାଦ ଜଣାଇଛନ୍ତି। ରୁଷ ପକ୍ଷରୁ ଜାରି ରହିଥିବା ଯୁଦ୍ଧକୁ ନେଇ ମଧ୍ୟ ଚର୍ଚ୍ଚା କରିଛନ୍ତି। ୟୁକ୍ରେନର ସୁମୀରେ ଫସିରହିଥିବା ଭାରତୀୟଙ୍କୁ ଉଦ୍ଧାର ଅଭିଯାନ ପାଇଁ ଆଲୋଚନା କରିଛନ୍ତି। ବର୍ତ୍ତମାନ ମଧ୍ୟ ୫୦୦ ରୁ ଅଧିକ ଭାରତୀୟ ସୁମୀରେ ଫସି ରହିଛନ୍ତି ବୋଲି ସୂଚନା ମିଳିଛି।

ସେହିପରି ୟୁକ୍ରେନର ୪ ସହର ପାଇଁ ସାମୟିକ ଯୁଦ୍ଧ ବିରତି ଘୋଷଣା କରିଛି  ରୁଷ । କୀଭ୍‍ , ସୁମି, ମାରିଓପଲ, ଖାରକିଭ୍‍ ରେ ଯୁଦ୍ଧ ବିରତି ଘୋଷଣା କରିଛି। ଫସିଥିବା ଲୋକଙ୍କୁ ଉଦ୍ଧାର ପାଇଁ  ଭାରତୀୟ ସମୟାନୁସାରେ ଦିନ ୧୨ଟା ୩୦ରୁ ଯୁଦ୍ଧ ବିରତି ଘୋଷଣା କରିଛି।