ଅନିୟନ୍ତ୍ରିତ ତୈଳ ଦର, ଅସନ୍ତୋଷ ଜାହିର କଲେ ଖାଉଟି

ଅନିୟନ୍ତ୍ରିତ ତୈଳ ଦର । ଆଜି ପୁଣି ତୈଳ ବଜାରେ ବଢ଼ିଲା ପେଟ୍ରୋଲ ଓ ଡିଜେଲ ଦାମ୍‌ । କ୍ରମାଗତ ଭାବେ ୧୨ ଦିନରେ ୧୧ ଥର ତେଲ ଦର ବଢ଼ାଇଲେଣି ତୈଳ କମ୍ପାନୀ । ଦେଶର ବିଭିନ୍ନ ସ୍ଥାନରେ ଆଜି ୮୦ରୁ ୮୫ ପଇସା ତୈଳ ଦର ବୃଦ୍ଧି କରାଯାଇଛି । ଯାହାଫଳରେ ମହଙ୍ଗାମାଡ଼ର ସମ୍ମୁଖିନ ହେଉଛନ୍ତି ଖଉଟି । ରାଜଧାନୀ ଦିଲ୍ଲୀରେ ଆଜି ୮୦ ପଇସା ତୈଳ ଦର ବୃଦ୍ଧି ପାଇଥିବା ବେଳେ ମୁମ୍ବାଇରେ ୮୫ ପଇସା ଓ ଚେନ୍ନାଇରେ ୭୬ ପଇସା ତେଲ ଦର ବୃଦ୍ଧି କରାଯାଇଛି । ସେହିପରି କୋଲକାତାରେ ​‌ମଧ୍ୟ ପେଟ୍ରୋଲ ୮୪ ପଇସା ଓ ଡିଜେଲ ୮୦ ପଇସା ବୃଦ୍ଧି କରାଯାଇଛି । ଅନ୍ୟପଟେ ଦେଶରେ ଲଗାତର ଭାବେ ତୈଳ ଦର ବୃଦ୍ଧିକୁ ନେଇ ଲୋକଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳୁଛି ।