ଭାରତର ୩୬ଟି ସ୍ଥାନକୁ ଟାର୍ଗେଟ କରିବା ପାଇଁ ୩୦୦-୪୦୦ ତୁର୍କୀ ଡ୍ରୋନ ବ୍ୟବହାର କରୁଛି ପାକିସ୍ତାନ

ଭାରତ-ପାକିସ୍ତାନ ଉତ୍ତେଜନା ମଧ୍ୟରେ, ପାକିସ୍ତାନୀ ସେନା ବେସାମରିକ ବାୟୁମଣ୍ଡଳକୁ ଆବରଣ ଭାବରେ ଏୟାର ସ୍ପେଶକୁ  ବ୍ୟବହାର କରି ଭାରତର ୩୬ ଟି ସ୍ଥାନକୁ ଟାର୍ଗେଟ କରିବା ପାଇଁ ୩୦୦-୪୦୦ ତୁର୍କୀ ଡ୍ରୋନ ମୁତୟନ କରିଛି।

ବୈଦେଶିକ ମନ୍ତ୍ରଣାଳୟର ଏକ ସାମ୍ବାଦିକ ସମ୍ମିଳନୀରେ ଏହି ଘଟଣାକୁ ନିଶ୍ଚିତ କରି କର୍ଣ୍ଣେଲ ସୋଫିଆ କୁରେଶୀ କହିଛନ୍ତି, “ଏଭଳି ବଡ଼ ଧରଣର ଆକାଶ ମାର୍ଗରେ ଅନୁପ୍ରବେଶର ସମ୍ଭାବ୍ୟ ଉଦ୍ଦେଶ୍ୟ ଆମର ବାୟୁ ପ୍ରତିରକ୍ଷା ପ୍ରଣାଳୀର ପରୀକ୍ଷା କରିବା ଏବଂ ଗୁପ୍ତଚର ସଂଗ୍ରହ କରିବା ଥିଲା। ଭଗ୍ନାବଶେଷର ଫରେନସିକ୍ ତଦନ୍ତ ଚାଲିଛି। ପ୍ରାରମ୍ଭିକ ରିପୋର୍ଟରୁ ଜଣାପଡିଛି ଯେ ଡ୍ରୋନଗୁଡ଼ିକ ତୁର୍କୀ ନିର୍ମିତ ଆସିସଗାର୍ଡ ସୋଙ୍ଗାର ମଡେଲ।”

ସେ ଆହୁରି ମଧ୍ୟ କହିଛନ୍ତି, “୭ ଏବଂ ୮ ମଇ ରାତିରେ, ପାକିସ୍ତାନୀ ସେନା ସାମରିକ ଭିତ୍ତିଭୂମିକୁ ଟାର୍ଗେଟ କରିବା ପାଇଁ ପଶ୍ଚିମ ସୀମାରେ ବହୁବାର ଭାରତୀୟ ବାୟୁସୀମା ଉଲ୍ଲଂଘନ କରିଥିଲା। ଏହା ସହିତ, ସେମାନେ ନିୟନ୍ତ୍ରଣ ରେଖା ପାର କରି ଭାରୀ-କ୍ୟାଲିବର ଅସ୍ତ୍ରଶସ୍ତ୍ର ମଧ୍ୟ ଗୁଳି ଚଳାଇଥିଲେ।”