ଅନ୍ ଲାଇନ୍ ବେଟିଂକୁ ପ୍ରୋତ୍ସାହନ ଦେବା ପାଇଁ ସରକାରୀ ଟଙ୍କା ହଡ଼ପ ଅଭିଯୋଗରେ ସରକାରୀ ଅଧିକାରୀ ଗିରଫ

ବ୍ରହ୍ମପୁର: ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ ଅନ୍ତର୍ଗତ ରାଧାଦେଇପୁର ଗ୍ରାମପଞ୍ଚାୟତର ପଞ୍ଚାୟତ ନିର୍ବାହୀ ଅଧିକାରୀ (ପିଇଓ) ଶ୍ରୀ କ୍ଷେତ୍ରମୋହନ ନାୟକଙ୍କୁ ବିଭିନ୍ନ ସରକାରୀ ଆକାଉଣ୍ଟରୁ ୪୩ ଲକ୍ଷ ୧ ହଜାର ୬୪୦/- ଟଙ୍କା ଠକେଇ ଅଭିଯୋଗରେ ଭିଜିଲାନ୍ସ ଗିରଫ କରିଛି। ଦିଗପହଣ୍ଡି ଆକ୍ସିସ୍ ବ୍ୟାଙ୍କ ଓ କାନାରା ବ୍ୟାଙ୍କ ଶାଖାରୁ ଟଙ୍କା ଉଠାଇବା ପାଇଁ ଅଭିଯୁକ୍ତ, ସରପଞ୍ଚର ଦସ୍ତଖତ ଜାଲ୍ କରି ନିଜ ସରକାରୀ ପଦବୀର ଅପବ୍ୟବହାର କରିଥିଲେ।

ପ୍ରାଥମିକ ତଦନ୍ତରୁ ଜଣାପଡିଛି ଯେ ୨୦୨୪ ଜୁଲାଇରେ ସରକାରୀ ଚାକିରିରେ ଯୋଗ ଦେଇଥିବା ନାୟକ ସିଏଫସି, ଏସଏଫସି, ପିଡିଏସ ଏବଂ ଓଏପି ଆକାଉଣ୍ଟରୁ କ୍ରିକେଟ  ଏବଂ ଗେମିଂ ଆପ୍ ରେ ବେଟିଂ କରିବା ପାଇଁ ପାଣ୍ଠି ନେଉଥିଲେ।

ବ୍ରହ୍ମପୁର ଭିଜିଲାନ୍ସ ପିଏସ୍ କେସ୍ ନଂ ୦୩/୨୦୨୫ରେ ଦୁର୍ନୀତି ନିବାରଣ ଆଇନ, ୧୯୮୮ (୨୦୧୮ରେ ସଂଶୋଧିତ) ଏବଂ ଭାରତୀୟ ନ୍ୟାୟ ସଂହିତା (ବିଏନ୍ଏସ୍)ର ସମ୍ପୃକ୍ତ ଧାରାରେ ମାମଲା ରୁଜୁ ହୋଇଛି। ତଦନ୍ତ ଜାରି ରହିଛି।