ଓଡିଶାରେ କରୋନା ଆକ୍ରାନ୍ତଙ୍କ ସଂଖ୍ୟା ୨୮୭କୁ ବୃଦ୍ଧି

ଅନ୍ୟ ରାଜ୍ୟମାନଙ୍କ ଭଳି ଓଡିଶାରେ ମଧ୍ୟ ଦିନକୁ ଦିନ କରୋନା ଆକ୍ରାନ୍ତଙ୍କ ସଂଖ୍ୟା ବଢିବାରେ ଲାଗିଛି । ରାଜ୍ୟରେ ଅଧିକାଂଶ ସଂକ୍ରମିତ ସୁରତ ଫେରନ୍ତା ହୋଇଥିବାବେଳେ ଆଜି ଚିହ୍ନଟ ହୋଇଥିବା ସଂକ୍ରମିତମାନେ ସମସ୍ତେ ସୁରତ ଫେରନ୍ତା ବୋଲି ଜଣାପଡିଛି ।
ଓଡିଶା ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ପକ୍ଷରୁ ପ୍ରଦାନ କରାଯାଇଥିବା ତାଜା ସୂଚନା ଅନୁଯାୟୀ, ଆଜି ୧୨ ଜଣ କରୋନା ସଂକ୍ରମିତଙ୍କୁ ଚିହ୍ନଟ କରାଯାଇଛି । ସେମାନଙ୍କ ମଧ୍ୟରୁ ଜଣେ ଭଦ୍ରକରୁ , ୧୨ ଜଣ ଗଞ୍ଜାମରୁ , ୩ ଜଣ ମୟୁରଭଞ୍ଜରୁ ଏବଂ ଆଉ ଜଣେ ରାଉରକେଲା ବୋଲି ଜଣାପଡିଛି । ଏହି ସଂକ୍ରମିତଙ୍କୁ ମିଶାଇ ରାଜ୍ୟରେ ମୋଟ ଆକ୍ରାନ୍ତଙ୍କ ୨୮୭କୁ ବୃଦ୍ଧି ହୋଇଥିବାବେଳେ ଅନ୍ୟପଟେ କ୍ୱାରେଣ୍ଟାଇନରେ ଥିବା ଅନ୍ୟ ପ୍ରବାସୀ ଶ୍ରମିକଙ୍କ ରିପୋର୍ଟ ଆସିବାକୁ ବର୍ତ୍ତମାନ ବାକି ରହିଛି ।
ସେହିଭଳି ରାଜ୍ୟରେ ୨୨୨ଟି ଆକ୍ଟିଭ କେସ ରହିଥିବାବେଳେ ଅନ୍ୟପଟେ ୬୩ ଜଣ ସୁସ୍ଥ ହୋଇ ଘରକୁ ଫେରିସାରିଲେଣି । ବର୍ତ୍ତମାନ ସୁଧା ଏହି ଭାଇରସ ସଂକ୍ରମଣ ଯୋଗୁଁ ୨ ଜଣଙ୍କ ପ୍ରାଣହାନୀ ଘଟିଛି ।