ପାଟନା: ବିହାର ରାଜନୀତିରେ ଏକ ବଡ଼ ଧରଣର ପରିବର୍ତ୍ତନ ଦେଖିବାକୁ ମିଳିଛି। ଜେଡିୟୁ (JDU) ମୁଖ୍ୟ ନୀତିଶ କୁମାର ଗୁରୁବାର ଦିନ ଘୋଷଣା କରିଛନ୍ତି ଯେ, ସେ ମୁଖ୍ୟମନ୍ତ୍ରୀ ପଦରୁ ଓହରିଯିବେ ଏବଂ ରାଜ୍ୟସଭାକୁ ନିର୍ବାଚିତ ହେବା ପାଇଁ ପ୍ରୟାସ କରିବେ। ଏହି ନିଷ୍ପତ୍ତି ପଛରେ ନିଜର ବହୁ ପ୍ରତିକ୍ଷିତ ଇଚ୍ଛା ବିଷୟରେ ସୂଚନା ଦେଇ ସେ କହିଛନ୍ତି ଯେ, ବିହାର ବିଧାନସଭାର ଉଭୟ ସଦନ (ବିଧାନସଭା ଓ ବିଧାନ ପରିଷଦ) ଏବଂ ସଂସଦର ଉଭୟ ସଦନରେ (ଲୋକସଭା ଓ ରାଜ୍ୟସଭା) ସଦସ୍ୟ ହେବାର ଅଭିଳାଷ ତାଙ୍କର ପୁରୁଣା। ଏହି ଲକ୍ଷ୍ୟ ପୂରଣ କରିବା ପାଇଁ ସେ ଆଗାମୀ ରାଜ୍ୟସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ନିଷ୍ପତ୍ତି ନେଇଛନ୍ତି।
ସୋସିଆଲ ମିଡିଆ ପ୍ଲାଟଫର୍ମ ‘X’ (ଟ୍ୱିଟର)ରେ ଏକ ପୋଷ୍ଟ ମାଧ୍ୟମରେ ସେ ଦୁଇ ଦଶନ୍ଧିରୁ ଅଧିକ ସମୟ ଧରି ବିହାରବାସୀଙ୍କ ଭଲପାଇବା ଓ ସମର୍ଥନ ପାଇଁ ଧନ୍ୟବାଦ ଜଣାଇଛନ୍ତି। ସେ କହିଛନ୍ତି ଯେ ଜନସାଧାରଣଙ୍କ ବିଶ୍ୱାସ ଯୋଗୁଁ ହିଁ ସେ ନିଷ୍ଠାର ସହ ରାଜ୍ୟର ସେବା କରିପାରିଛନ୍ତି ଏବଂ ବିହାରକୁ ବିକାଶର ଏକ ନୂତନ ଦିଗରେ ନେଇଯିବା ସମ୍ଭବ ହୋଇଛି। ଏହା ସହ ସେ ସ୍ପଷ୍ଟ କରିଛନ୍ତି ଯେ, ବିହାରରେ ଗଠନ ହେବାକୁ ଥିବା ନୂତନ ସରକାରଙ୍କୁ ତାଙ୍କର ସମ୍ପୂର୍ଣ୍ଣ ସହଯୋଗ ଓ ମାର୍ଗଦର୍ଶନ ମିଳିବ ଏବଂ ଏକ ବିକଶିତ ବିହାର ଗଠନ ପାଇଁ ତାଙ୍କର ସଂକଳ୍ପ ଅଟଳ ରହିବ।
Comments are closed.