ନାଇଟ କର୍ଫ୍ୟୁ ବେଳେ ଟ୍ୱିନ ସିଟିରେ ଲାଗୁ ହେବ ୧୪୪ ଧାରା

ରାଜ୍ୟରେ ଆଜିଠୁ ଆରମ୍ଭ ହେବ ନାଇଟ କର୍ଫ୍ୟୁ। ଏହାକୁ କଡାକଡି ଭାବେ ପାଳନ କରିବା ପାଇଁ ଟ୍ଵିନ୍ ସିଟିରେ ୧୪୪ ଧାରା ଜାରି ଲାଗୁ କରାଯାଇଛି। କର୍ଫ୍ୟୁ ସମୟ ରାତି ୯ ଟାରୁ ସକାଳ ୫ଟା ପର୍ଯ୍ୟନ୍ତ ଏହି ଆଇନ ଲାଗୁ ହେବ। ଜରୁରୀକାଳୀନ ସେବା ସଂସ୍ଥାରେ କାର୍ଯ୍ୟ କରୁଥିବା ଲୋକଙ୍କୁ ଏଥିରୁ ବାଦ ଦିଆଯାଇଛି।
ରାତି ଆଠଟାରୁ ବନ୍ଦ ପାଇଁ ଲୋକଙ୍କୁ ସଚେତନ କରାଯିବ। ରାତି ୯ଟା ପରେ କୌଣସି ଲୋକ ବାହାରେ ବୁଲିବାକୁ ମନା କରାଯାଇଛି। ଯେଉଁମାନେ ଅମାନିଆ ହୋଇ ଏହାକୁ ଉଲ୍ଲଙ୍ଘନ କରିବେ ସେମାନଙ୍କ ବିରୋଧରେ କମିଶନରେଟ ପୋଲିସ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବ।