ନ୍ୟୁୟର୍କ ମେୟରଙ୍କ ଓଡିଶା ଲିଙ୍କ, ଜାଣନ୍ତୁ ଖବର

ଭୁବନେଶ୍ୱର: ନ୍ୟୁୟର୍କ ସହରର ନିର୍ବାଚିତ ମେୟର ଜୋହରାନ ମାମଦାନୀଙ୍କ ମୂଳ ଓଡ଼ିଶାରେ ଅଛି। ବିଶ୍ୱାସ କରନ୍ତୁ କି ନ କରନ୍ତୁ ଏହା ସତ୍ୟ।

ଜୋହରାନଙ୍କ ମାଆ ଏବଂ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ମୀରା ନାୟାର, ଯିଏ ‘କାମସୂତ୍ର: ଏ ଟେଲ୍ ଅଫ୍ ଲଭ୍’ (୧୯୯୬), ‘ସଲାମ୍ ବମ୍ବେ’, ‘ୱେଡିଂ ମନସୁନ୍’ ଇତ୍ୟାଦି ଚଳଚ୍ଚିତ୍ର ପାଇଁ ପ୍ରସିଦ୍ଧ, ତାଙ୍କ ଜନ୍ମ ଓଡ଼ିଶାରେ ହୋଇଥିବା ଜଣାପଡ଼ିଛି। ସେ ୧୫ ଅକ୍ଟୋବର ୧୯୫୭ରେ ରାଉରକେଲାରେ ଜନ୍ମଗ୍ରହଣ କରିଥିଲେ। ସେ ରାଉରକେଲାର ଇସ୍ପାତ ଇଂରାଜୀ ମାଧ୍ୟମ ବିଦ୍ୟାଳୟରେ ପାଠପଢ଼ିଥିଲେ।

ମୀରା ରାଉରକେଲା ଏବଂ ଭୁବନେଶ୍ୱରରେ ବଢ଼ିଥିଲେ। ମୀରାଙ୍କ ପିତା ଅମୃତଲାଲ ନାୟାର ଜଣେ ଆଇଏଏସ୍ ଅଧିକାରୀ ଥିଲେ। ୧୯୫୦ ମସିହାରେ ରାଉରକେଲା ଷ୍ଟିଲ୍ ପ୍ଲାଣ୍ଟ ପ୍ରତିଷ୍ଠାରେ ମୀରାଙ୍କ ପିତା ପ୍ରମୁଖ ଭୂମିକା ଗ୍ରହଣ କରିଥିଲେ।

ରାଜଗାଙ୍ଗପୁରର ନାୟାର ଛକକୁ ମୀରା ନାୟାରଙ୍କ ପିତା ଅମୃତଲାଲ ନାୟାରଙ୍କ ନାମରେ ନାମିତ କରାଯାଇଛି। ଏପରିକି, ସୁନ୍ଦରଗଡ଼ର ସରକାରୀ କଲେଜରେ ଅବସ୍ଥିତ ନାୟାର ଷ୍ଟାଡିୟମକୁ ତାଙ୍କ ନାମରେ ନାମିତ କରାଯାଇଛି।

ଜୋହରାନଙ୍କ ବାପା ମହମୁଦ ମାମଦାନି ମଧ୍ୟ ଭାରତୀୟ ବଂଶୋଦ୍ଭବ। ଜୋହରାନ 7 ବର୍ଷ ବୟସରେ ତାଙ୍କ ପିତାମାତାଙ୍କ ସହିତ ନ୍ୟୁୟର୍କ ଆସିଥିଲେ। ତାଙ୍କ ପିତା କଲମ୍ବିଆ ବିଶ୍ୱବିଦ୍ୟାଳୟରେ ପ୍ରଫେସର। ତାଙ୍କ ମାଆ ମୀରା ନାୟାର ଜଣେ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା। ମୀରା ନାୟାର କେବେ ତାଙ୍କ ମୂଳକୁ ଭୁଲି ନାହାଁନ୍ତି। ରାଉରକେଲା ଆଜି ମଧ୍ୟ ତାଙ୍କ ସ୍ମୃତିରେ ଅଛି।

ଜୋହରାନ୍ ମାମଦାନି ନ୍ୟୁୟର୍କ ସହରର ମେୟର ଭାବରେ ନିର୍ବାଚିତ ହୋଇଛନ୍ତି, ସେ ଏକ ଶତାବ୍ଦୀରୁ ଅଧିକ ସମୟ ମଧ୍ୟରେ ସବୁଠାରୁ କମ୍ ବୟସ୍କ ମେୟର ହୋଇଛନ୍ତି। ସେ ସ୍ୱାଧୀନ ପ୍ରାର୍ଥୀ ଆଣ୍ଡ୍ରୁ କୁମୋ ଏବଂ ରିପବ୍ଲିକାନ୍ ପ୍ରାର୍ଥୀ କର୍ଟିସ୍ ସ୍ଲିୱାଙ୍କୁ ପରାସ୍ତ କରିଛନ୍ତି। ମାମଦାନି ଦକ୍ଷିଣ ଏସୀୟ ବଂଶୋଦ୍ଭବ, ଭାରତୀୟ-ଆମେରିକୀୟ ଚଳଚ୍ଚିତ୍ର ନିର୍ମାତା ମୀରା ନାୟାର ଏବଂ ଉଗାଣ୍ଡାର ବିଦ୍ୱାନ ମହମୁଦ୍ ମାମଦାନିଙ୍କ ଔରସରୁ ଜନ୍ମଗ୍ରହଣ କରିଛନ୍ତି। ସେ ଦକ୍ଷିଣ ଏସୀୟ ବଂଶୋଦ୍ଭବଙ୍କ ପ୍ରଥମ ବ୍ୟକ୍ତି, କିନ୍ତୁ ପ୍ରଥମ ଆଫ୍ରିକୀୟ-ଆମେରିକୀୟ ନୁହଁନ୍ତି। ମାମଦାନି ଏକ ଶତାବ୍ଦୀରୁ ଅଧିକ ସମୟ ମଧ୍ୟରେ ଏହି ପଦବୀରେ ଥିବା ସବୁଠାରୁ କମ୍ ବୟସ୍କ ବ୍ୟକ୍ତି।

ଜୋହରାନ୍ ନ୍ୟୁୟର୍କର ମେୟର ଭାବରେ ନିର୍ବାଚିତ ହେବା ପରେ, ଏବେ ତାଙ୍କର ଓଡ଼ିଶା ଲିଙ୍କ୍ ବିଷୟରେ ଆଲୋଚନା ହେଉଛି।