ନୂଆ ଇନିଂସ ଆରମ୍ଭ କଲେ ପୃଥ୍ୱୀ ଶ’: ବାନ୍ଧବୀ ଆକୃତି ଅଗ୍ରୱାଲଙ୍କ ସହ କଲେ ନିର୍ବନ୍ଧ

ମୁମ୍ବାଇ: ଭାରତୀୟ କ୍ରିକେଟ ଦଳର ତାରକା ଓପନର୍ ପୃଥ୍ୱୀ ଶ’ ଜୀବନର ଏକ ନୂଆ ଅଧ୍ୟାୟ ଆରମ୍ଭ କରିଛନ୍ତି। ଆଜି (ମାର୍ଚ୍ଚ ୮, ୨୦୨୬) ପୃଥ୍ୱୀ ତାଙ୍କର ଦୀର୍ଘ ଦିନର ବାନ୍ଧବୀ ତଥା ସୋସିଆଲ ମିଡିଆ ଇନଫ୍ଲୁଏନ୍ସର ଆକୃତି ଅଗ୍ରୱାଲଙ୍କ ସହ ନିର୍ବନ୍ଧ କରିଛନ୍ତି।

ସୋସିଆଲ ମିଡିଆରେ ଭାଇରାଲ ହେଲା ଫଟୋ

ପୃଥ୍ୱୀ ନିଜେ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଆକୃତିଙ୍କୁ ମୁଦି ପିନ୍ଧାଉଥିବାର ଫଟୋ ସେୟାର କରି ଏହି ଖୁସି ଖବର ପ୍ରଶଂସକମାନଙ୍କୁ ଜଣାଇଛନ୍ତି। ଫଟୋରେ ଉଭୟଙ୍କୁ ପାରମ୍ପରିକ ପୋଷାକରେ ବହୁତ ସୁନ୍ଦର ଦେଖାଯାଉଛି। ଟି-୨୦ ବିଶ୍ୱକପ୍ ୨୦୨୬ ର ଫାଇନାଲ୍ ଦିନରେ ପୃଥ୍ୱୀଙ୍କର ଏହି ବ୍ୟକ୍ତିଗତ ଜୀବନର ବଡ଼ ଖବର ଚର୍ଚ୍ଚାର ବିଷୟ ପାଲଟିଛି।

ଅର୍ଜୁନ ତେନ୍ଦୁଲକରଙ୍କ ବାହାଘର ପରେ ପୃଥ୍ୱୀଙ୍କ ପାଳି

ସୂଚନାଯୋଗ୍ୟ ଯେ, କିଛି ଦିନ ପୂର୍ବରୁ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକରଙ୍କ ବିବାହରେ ପୃଥ୍ୱୀ ଓ ଆକୃତି ଏକାଠି ନଜର ଆସିଥିଲେ। ଅର୍ଜୁନଙ୍କ ବିବାହର କିଛି ଦିନ ପରେ ପୃଥ୍ୱୀ ନିଜର ନିର୍ବନ୍ଧ ସାରି ପ୍ରଶଂସକଙ୍କୁ ବଡ଼ ସରପ୍ରାଇଜ୍ ଦେଇଛନ୍ତି।

ଆଇପିଏଲ୍ ୨୦୨୬ ରେ ଦିଲ୍ଲୀ ପାଇଁ ଖେଳିବେ

ଚଳିତ ଆଇପିଏଲ୍ ୨୦୨୬ ନିଲାମରେ ଦିଲ୍ଲୀ କ୍ୟାପିଟାଲ୍ସ ପୃଥ୍ୱୀ ଶ’ଙ୍କୁ ୭୫ ଲକ୍ଷ ଟଙ୍କାରେ କିଣିଛି। ପଡ଼ିଆରେ ନିଜର ଫର୍ମକୁ ନେଇ ଚର୍ଚ୍ଚାରେ ରହୁଥିବା ପୃଥ୍ୱୀ ଏବେ ନିଜର ବ୍ୟକ୍ତିଗତ ଜୀବନକୁ ନେଇ ବେଶ୍ ଖୁସି ଥିବା ଜଣାପଡ଼ିଛି।